2. Rajengro liil 14:3 - O Debleskro Lab 2024 (Sinte-Manouche)

³ O Amazya kras, hoy mishto his glan o baro Debleskre yaka. Kokres har leskro dad David his lo gar, na-a, yob his yaake har leskro dad Yoash oun djivas ninna yaake.

O Debleskro Drom 2021 (Sinte)

³ O Amazja kras, hoi mishto his glan o baro Debleskre jaka. Kokres har leskro dad David his lo gar, na-a, job his jaake har leskro dad Joash un djiwas ninna jaake.

2. Rajengro liil 14:3 Referans Kwoze

1. Petro 1:18

T'mer djinenna, o Yezous Kristo playsras kek sonakay oun kek roup, – kova lauter ačell gar, – te lell lo t'men vin dran t'maro phouro djipen, hoy či moldo his, har djan ap ko drom, kay t'mare phoure djan.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

2. Familjakro liil 24:17

Oun har o Yoyada moulo his, van i pralstoune dran o them Youda oun vitsran pen glan o baro rayeste ap i phoub. Koy shounas yob ap kova, hoy yon leske penan, te krell lo.

2. Familjakro liil 24:2

Oun o Yoash kras, hoy glan o baro Debleskre yaka mishto hi yaake rah, har o rashay Yoyada djivas.

2. Rajengro liil 12:2

An ko tsiro his o Yehou an o eftato bersh o baro ray pral o them Israel. O Yoash his star-deesh bersha baro ray pral o them Youda, oun djivas an ko tsiro an o foro Yerusalem. Leskri day kharas Sibya, oun vas dran o foro Beersheba.

1. Rajengro liil 15:3

Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Rajengro liil 11:4

Oun yaake vas, har o Salomo phouro vas, anan les leskre djouvya yaake dour, te nashas lo vavar deblenge pal. Yob rikras pes bouder gar kokres ap o baro Debleste, kay leskro Devel hi, har kova leskro dad, o David kras.

2. Rajengro liil 14:2

Yob his 25 (biish-te-panč) bersh phouro, har lo baro ray vas. Oun 29 (biish-te-enya) bersha his lo baro ray. An ko tsiro djivas lo an o foro Yerusalem. Leskri day kharas Yoaddan. Yoy vas dran o foro Yerusalem.

2. Rajengro liil 14:4

Kol moulne platse, kay i menshe firhen oun soungepaskro koova rhačrenn i moule deblenge, moukas lo gar krik te lell.

1. Rajengro liil 3:3

O Salomo kamas o baro Debles o djiyestar, oun djivas pal kol laba, hoy leskro dad, o David, leske penas. Yek koova kras lo, hoy gar mishto his: Yob maras ninna firhen i vavar deblenge oun rhačras lenge soungepaskro koova.

1. Rajengro liil 15:11

Oun o Asa kras kova, hoy mishto his glan o baro Debleskre yaka, har leskro phouro dad David ninna kras.

2. Rajengro liil 18:3

Oun yob kras, hoy glan o baro Debleskre yaka mishto hi, har leskro phouro dad, o David, ninna kras.

2. Rajengro liil 22:2

Oun yob kras, hoy mishto hi glan o baro Debleskre yaka, oun djas o drom, kay leskro phouro dad o David ninna djas, oun peras gar kava dromestar tele, gar ap i čači rig oun vitar gar ap i servi rig.