2. Rajengro liil 13:14 - O Debleskro Lab 2024 (Sinte-Manouche)

¹⁴ Har o Elisa an i nasslepen čiddo his, ap kova lo ninna hounte meras, vas o Yoash, ko baro ray pral o them Israel, pash leste tele, oun rovas glan leste oun penas: “Miro dad, miro dad! Tou baro kourepaskro i Israelenge!”

O Debleskro Drom 2021 (Sinte)

¹⁴ Har o Elisa an i nasslepen tchiddo his, ap kowa lo ninna hunte meras, was o Joash, ko baro rai pral o them Israel, pash leste tele, un rowas glan leste un penas: “Miro dad, miro dad! Tu baro kurepaskro i Israelenge!”

2. Rajengro liil 13:14 Referans Kwoze

Filiparja 2:26

T'mer shounan, kay yob nasselo vas. Har yob shounas, kay t'mer djinenn kova, rovas leskro dji, oun yob kamas pash t'mende te vell.

2. Rajengro liil 2:12

O Elisa dikas kova oun das gole: “Miro dad, miro dad, tou baro kourepaskro i Israelenge!” Oun dikas les gar bouder. Koy tapras yob peskre koola oun phagas len an douy kotya,

Johanni 11:3

Kol douy phenya bičran menshen pash o Yezouseste, te penenn le leske: “Ray, koles, kay tou kameh, hi nasselo.”

2. Rajengro liil 20:1

An kol divessa vas i merepaskro nasslepen pral o Hiskiya. Oun o Debleskro rakepaskro, o Yesaya, koleskro dad o Amoz his, vas pash leste oun penas ap leste: “Kava penell o baro Devel: Tou veh gar sasto kava nasslepastar oun hounte meress. Doleske pen tire menshenge, har te djal pal tiro merepen doureder!”

1. Mose 48:1

Pal i tsiro vas o Yosefeske penlo: “Tiro dad hi nasselo.” Koy las o Yosef peskre douy čaven, o Efrayim oun o Manasse, oun yon djan pash leste.

Markus 6:20

O Herodes trashas o Yohannestar. Yob djinas, kay o Yohanni i Debleskro morsh hi, kay djas o čačo drom. Doleske das lo garda ap leste oun rikras les an o stilepen. Yob kamas o Yohanneskro rakepen. Hako kopo, kay yob les shounas, djinas lo bouder gar, hoy te krell lo oun te penell lo.

Jesaja 57:1

O baro Devel penell: Kova, kay an o čačepen tardo his, meras. Oun kek lell kova an peskro dji. Oun kolla, kay rikran ap mande, nashran pengro djipen. Oun halauter krenna, har te vals kova gar lengro koova. Čačepah, ko čačo mensho vas vin lino dran o tselo čilačepen oun bibarht.

Bičepangre 13:36

Oun o David his an peskro djipen o Debleske koy. Oun yob meras oun vas paskedo pash peskre menshende. Oun leskro mass ferdjas tel i phoub.

Zakarie 1:5

T'mare phoure hi bouder gar koy, oun mire rakepangre, kay lentsa rakran, djivenn gar bouder.

Ezekiel 22:30

Oun me rodom i morshes mank lende, kay krals i massouri troul o foro pale neves. Rodom yekes, kay čivas pes pre glan mande kote, kay i barra vin phagedo van, oun rakrals mishto kol menshenge, te hounte marap len gar. Oun me hatsom kekes.

Ezekiel 14:14

Ninna te vans kal triin morsha an ko them, o Noah, o Daniel oun o Hiob, palle lans yon kokres pengro djipen dran o merepen vin, kek vavar lentsa. Yon djivan an o čačepen. Doleske loms len kokres dran o merepen vin. Kava penau me o baro Devel, t'maro ray.

Gosewe laba 11:11

O Debleskre menshe anenn o Debleskri barht pral o foro. Oun o foro vell zorelo. Dran o mouy i čilačendar vell sau rakepen, hoy phagell o foro tele.

Debleskri gili 12:1

I gili o Davidestar te givess lat pash o bashepen ap i orhta-doryengri bashepaskri.

2. Rajengro liil 6:21

Oun har ko baro ray pral Israel len dikas, penas yob ap o Elisa: “Tata, krap me len moulo? Kameh, te dap len moulo?”

2. Rajengro liil 13:12

Ko tselo vavar koova, hoy pral o Yoash penepaske hi, lauter, hoy lo kras oun leskro baro koova, har kouras pes lo o baro rayeha pral Youda – koleskro lab hi Amazya – kova hi činlo an i familyakro liil i bare rayendar pral o Israel.

2. Rajengro liil 13:13

Oun o Yoash meras oun vas paskedo an Samaria pash peskre phourende, kol bare rayende pral o them Israel. Oun o Yerobeam, vas baro ray pal leste.

2. Rajengro liil 13:15

O Elisa penas ap leste: “Le tiro bogo oun tire fayle!” Oun har lo peskro bogo oun i fayle las,

1. Mose 49:33

Har o Yakob kova peskre čavenge penas, tserdas yob peskre herya ap o čiben oun meras.

1. Mose 50:1

Koy peras o Yosef ap peskro dadeskro mouy oun rovas pral leste oun čoumras les.