2. Rajengro liil 11:2 - O Debleskro Lab 2024 (Sinte-Manouche)

² Kova shounas i čay o baro rayestar Yoram. Lakro lab hi Yosheba. Oun lakro phraal his o Ahasya. Koya čoras peskro phraleskro čaves, o Yoash, mashkral dran o rayeskre čavende, kay venn marede. Oun anas les oun koy djouvel, kay das ap leste garda, an i čibyengri isema oun khatras les glan i Atalya. Oun yaake nay vas lo gar maredo.

O Debleskro Drom 2021 (Sinte)

² Kowa shunas i tchai o baro rajestar Joram. Lakro lab hi Josheba. Un lakro phraal his o Ahasja. Koja tchoras peskro phraleskro tchawes, o Joash, mashkral dran o rajeskre tchawende, kai wenn marede. Un anas les un koi djuwel, kai das ap leste garda, an i tchibjengri isema un khatras les glan i Atalja. Un jaake nai was lo gar maredo.

2. Rajengro liil 11:2 Referans Kwoze

Ezekiel 40:45

Oun ko morsh penas ap mande: Kay isema kolakri glanstouni rig kote sikrell, kay o kham pralstounes tardo hi, hi kol rashayenge, kay boudrenn an o Debleskro kheer.

Jeremia 35:2

Dja pash i morshende dran o kheer Rekab, rake lentsa oun an len an o baro Debleskro kheer. Dja kote lentsa an yek bari isema dren, oun de len mool te piyell.

Jeremia 33:26

yaake čivau me gar mire menshen pale, kay venna pal o David, kova, kay mange koy his, oun pal o Yakobeskre vavar čavende. Dran o Davideskro kheer lau yekes, kay vell o baro ray pral i menshende, kay venna pal o Abraham, o Isaak oun o Yakob. Me krau te vell mire menshenge halauter pale mishto. Oun me krau miro dji lenge pre.

Jeremia 33:21

yaake nay lell kek ko lab pale, hoy dom Davideske, kay mange koy his. Leske penom, te hi hako tsiro yek leskre čavendar o baro ray pral Youda. Vitar gar nay lell yek ko lab pale, hoy dom i Levitarenge, kol rashayenge, kay mange boudrenn.

Jeremia 33:17

O baro Devel penell: Hako tsiro hi yek o Davideskre čavendar o baro ray pral o them Israel.

Jesaja 37:35

Oun me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

2. Familjakro liil 22:11

Yek kol čendar o baro rayestar – lakro lab hi Yosheba – čoras o tikno čaves peskro phralestar Ahasya mashkral dran o rayeskre čavende, kay venn marede. O tikno čavo kharas Yoash. Oun i Yosheba anas les oun koy djouvel, kay das ap leste garda, an i čibyengri isema. Yaake khatras li les i glan i Atalya, te vas lo gar maredo. I Yosheba his i čay o baro rayestar, o Yoram, oun i romni o rashayestar, o Yoyada. O Ahasya his lakro phraal.

2. Rajengro liil 8:19

Ninna te djivas lo sau čilačo djipen, kamas o baro Devel i menshen an o them Youda gar te marell. Glan i rah tsiro penas yob peskro boudepaskreske David, te vell yek kolendar, kay pal leste venna, baro ray hako tsireske.

2. Rajengro liil 8:16

O Ahabeskro čavo, o Yoram, his an o pančto bersh baro ray pral Israel, koy vas o Yoram, koleskro dad o Yosafat his, baro ray pral Youda. An ko tsiro his leskro dad Yosafat ninna gomme baro ray pral Youda.

1. Rajengro liil 6:10

Koy rigyakri isema djas troul o tselo kheer. Foun tel bis pash o mashkralstunepen his li douy-te-paash metarya baro. Oun foun o mashkralstunepen bis pral his li ninna douy-te-paash metarya baro. Oun cedertikre kashtentsa his li pandlo ap o kheer.

1. Rajengro liil 6:8

Ap i čači rig o kherestar his i voudar an i rigyakri isema. Kote djas i treppa pre an i isema koy pral, oun kotar doureder an koy pralstouni isema.

2. Mose 8:3

Koy van i dourkepangre oun kran pengri zoryah ninna yaake, oun moukan ninna djambe pral o them Egiptia te vell.

Čačepangre 9:5

Oun lentsa djas lo an peskro dadeskro kheer an o foro Ofra, oun das peskre phralen temerl. Kol efta-deesh morsh čaven leskro dadestar Gideon das lo ap yek baro bar temerl. Kokres o Yotam ačas pral, o terneder čavo o Gideonestar. Kova khatras pes.

2. Rajengro liil 11:3

Oun yob his pash i Yosheba khatedo an o baro Debleskro kheer shob bersha. An ko tsiro his i Atalya i rani pral o them.

2. Rajengro liil 12:1

O Yoash his efta bersha phouro, har lo baro ray vas.

1. Rajengro liil 11:17

An ko tsiro his o Hadad i terno morsh. Oun yob nashas peske, oun khetne leha his Edomarya, kay his boudepangre leskro dadestar. Oun yon nashan an o them Egiptia.

1. Familjakro liil 3:11

Koleskro čavo his o Yoram, koleskro čavo his o Ahasya, koleskro čavo his o Yoash,

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.