2. Rajengro liil 10:6 - O Debleskro Lab 2024 (Sinte-Manouche)

⁶ Koy činas yob i douyto liil ap lende: “Te han t'mer ap miri rig oun shounenn ap mande, lenn kol sherya kol čavendar t'maro rayestar oun anenn len pash mande an Yesreel taysar an kava tsiro!” Kol efta-deesh čave o baro rayestar djivan pash kol an-dikle morshende an ko foro, kay tserdenn len baro.

O Debleskro Drom 2021 (Sinte)

⁶ Koi tchinas job i duito liil ap lende: “Te han tumer ap miri rig un shunenn ap mande, lenn kol sherja kol tchawendar tumaro rajestar un anenn len pash mande an Jesreel taissar an kau tsiro!” Kol efta-deesh tchawe o baro rajestar djiwan pash kol an-dikle murshende an ko foro, kai tserdenn len baro.

2. Rajengro liil 10:6 Referans Kwoze

Louka 9:50

O Yezous penas ap lende: “Moukenn les! Koon hi gar čilačo ap t'mende, kova hi ap t'mari rig tardo.”

Mateo 12:30

Koon gar ap miri rig hi, kova hi ap ko vavareskri rig. Oun koon gar i menshe pash mande anella, kova tradell len mandar.

Hiob 21:19

T'mer penenn, te anell o Devel i phagi pral i čavende ko čilačestar. Me penau: Yob hounte dals koy phagi koleste, kay čilačo koova kras, te hayvell yob kova,

2. Rajengro liil 9:32

Yob dikas pral pash i vorhni oun das gole: “Koon hi ap miri rig?” Koy dikan douy, triin pralstoune boudepangre ap leste tele.

5. Mose 5:9

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

4. Mose 25:4

Oun yob penas ap o Moseste: “Le kol tsele pralstunen pral i Israelitarya oun pande len glan mande pre, mashkral o dives, te dikell len hakeno. Palle lau miri bari rholi i menshendar Israel krik!”

2. Rajengro liil 10:5

Ko pralstouno pral o Ahabeskro kheer oun o moskro oun i phoureder an o foro oun kolla, kay tserdenn o Ahabeskre čaven baro, kolla bičran yekes pash o Yehou, oun moukan leske te penell: “Mer ham tire boudepangre. Mer krah lauter, hoy tou menge peneh. Mer kamah kek vavar baro ray pral mende. Kre, hoy an tire yaka mishto hi!”

2. Rajengro liil 10:7

Har kanna ko liil pash kolende vas, lan yon o baro rayeskre efta-deesh čaven, maran len oun čivan lengre sherya an korbe oun bičran len pash o Yehou an Yesreel.

2. Rajengro liil 10:9

O vavar dives taysarlakro djas yob vin glan o foreskro voudar oun penas ap kol tsele menshende, kay kote hi: “T'men hi kek doosh. Me krom, te hadenn pen i menshe ap miro rayeste, oun dom les moulo. Koon das kal tsele vavaren moulo?