2. Petro 3:5 - O Debleskro Lab 2024 (Sinte-Manouche)

⁵ Kol menshe kamenn gar te hayvell, kay kras o Devel o bolepen oun i phoub glan i rah tsiro. Yaake har yob penas, djas i phoub vin dran o pani oun ačas ap yek rig čiddo, oun o pani ap i vavar rig.

O Debleskro Drom 2021 (Sinte)

⁵ Kol menshe kamenn gar te haiwell, kai kras o Dewel o bolepen un i phub glan i rah tsiro. Jaake har job penas, djas i phub win dran o pani un atchas ap jek rig tchiddo, un o pani ap i wawar rig.

2. Petro 3:5 Referans Kwoze

Hebrearja 11:3

Dran maro patsepen hayvah, te vas o bolepen oun i phoub kerdo dran o Debleskro rakepen. Lauter, hoy kanna dikah, kova kras o Devel dran kova, hoy nay dikah gar.

1. Mose 1:9

Oun o Devel penas, te vell ko pani ap i phoub khetne ap yek rig, te vell o trouk them diklo. Oun yaake vas kova.

Debleskri gili 24:2

Yob kras lat oun čivas lat pral o baro pani, oun rikras lat zoreles pral i panya.

1. Mose 1:6

Oun o Devel penas, te vell o bolepen, oun pani koy pral oun pani koy tel. Oun yaake vas kova.

Debleskri gili 136:6

Yob čivas i phoub pral o pani vergel. Leskro lačepen ačella hako tsireske!

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Kolossarja 1:17

O Yezous Kristo his glan hako vavareste koy. Oun lauter, hoy koy hi, rikrell lo djides.

Gosewe laba 17:16

Hoske hounte dals i dinelo love vin, te nay djal lo an i sikepaskri? Leske djal či an leskro shero.