2. Petro 3:10 - O Debleskro Lab 2024 (Sinte-Manouche)

¹⁰ Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

O Debleskro Drom 2021 (Sinte)

¹⁰ Kek djinell o diwes, kai maro rai Jesus pale wella. Ko diwes wella jaake har i dre-phagepaskro wella. Palle djal o bolepen krik bari goljah. I bolepangre momlia chatchrenna krik. Ninna i phub un ko tselo koowa, hoi ap i phub hi, chatchrella pre.

2. Petro 3:10 Referans Kwoze

Debleskro tsiro 21:1

Oun me dikom i nevo bolepen oun i nevi phoub. O phouro bolepen oun i phouri phoub his bouder gar koy. Oun o baro pani his bouder gar koy.

Mateo 24:35

O bolepen oun i phoub ačenna gar. Mire laba ačenna hako tsiro.

2. Petro 3:7

Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

Debleskro tsiro 16:15

Oun i triin benga anan len khetne an i them, hoy kharella ap hebretikes: Harmagedon. Kanna shounenn, hoy o Yezous Kristo penella! Yob penella: “Me vau har i čorepaskro. Barhtelo hi kova, kay yak della, oun gar sovella, oun leskre koola ap leste hi, yaake te hi lo gar nango oun ladjella.”

Jesaja 51:6

Dikenn pre an o bolepen oun tele ap i phoub! O bolepen ferdjal har i yagakro dourho ferdjal. Oun i phoub perell an peste khetne har i ripen, oun hi gar bouder. Ninna te merenn kolla, kay ap late djivenn, har i matsille, lau me t'men dran o merepen vin hako tsireske. Oun hako tsireske čivau t'men an o čačepen.

1. Tessalonikarja 5:2

T'mer djinenna, o ray Yezous vella har i čorepaskro an i rati.

Markus 13:31

O bolepen oun i phoub ačenna gar. Mire laba ačenna hako tsiro.

2. Petro 3:12

Djivenn yaake, te vell o Debleskro baro dives sikeder! Ap ko dives rhačrell o bolepen pre, oun djal paash an i yag. Oun i bolepangre momlia rhačrenna ninna pre.

Jesaja 34:4

Oun i tsele bolepangre momlia perenn khetne. Oun o bolepen tserdell pes khetne har i liil, hoy vell khetne lino. Oun kol bolepangre momlia perenn tele har moule patria ap o drakengro rouk oun har fayge, hoy gar bares van ap i faygetikro rouk.

Debleskro tsiro 3:3

Ma bistrenn, hoy t'menge penlo vas oun hoy shounan! Oun rikrenn ap kal laba! Oun avenn pale ap o čačo drom! Te krenn kova gar, oun stenn gar pre o sopastar, palle vau pral t'mende har i čorepaskro. Oun t'mer djinenn gar, havo tsireske pale vau.

Louka 12:39

Kova hounte hayvenn t'mer: Te djinals kova, kay ap o kheer yak della, ko tsiro, kay ko dre-phagepaskro vella, nay phagals kova gar pash leste dren.

Debleskri gili 102:26

Tou kral i phoub glan rah tsirya, oun tire vasta kran o bolepen.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

Amos 9:5

O baro Devel, ko ray pral o bolepen oun i phoub hi kova, kay taprell i phoub, te trissell li, oun hadell pes oun djal pale tele har o lengsto pani Nil an Egiptia. Oun i menshe rovenn pral kolende, kay meran.

1. Korintarja 5:5

te merell leskro phouro djipen an leste, yaake te djal ko mensho gar nashedo ap ko dives, kay vell maro ray Yezous pale.

Micha 1:4

Tel leskre pire venn i berge tikno har i momeli, hoy tele rhačell, oun perenn tele an i tala, yaake har o pani i berga tele nashell.

Jesaja 24:19

Oun i phoub phagell khetne, phagell an kotya oun perell khetne.

Debleskri gili 97:5

Yaake har i momeli tele rhačrell, venna bare berge tikno glan o baro Debleste. Yob hi o baro ray pral i tseli phoub.

Amos 9:13

Shounenn, penell o baro Devel, o tsiro vella, kay vell o djob yaake sik bares, te venn i činepangre khetne kolentsa, kay i phoub trouyel vitsrenn. Oun yaake boud drake hi koy, te hi gomme gar i mool kerdo i tsele drakendar, har ko tsiro vell, kay nevo djob vin vitsedo vell. Dell yaake boud drake, te nashell o mool i bare oun tikne berge tele.

Joel 2:1

Phourdenn an i phourdepangre! Denn bares gole ap miri berga, koy berga Sion! Trashenn, t'mer lauter, kay djivenn an o them Youda! O dives o baro Deblestar vella sik!

Joel 1:15

Havo bibarhtelo tsiro! O dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral mende.

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Remarja 8:20

Halauter, hoy o Devel kras, hounte djal paash, ninna te kamenn le kova gar. O Devel kamas kova yaake. Yaake kras lo ninna, te dikenn le ap ko tsiro,

Debleskri gili 46:6

O Devel hi mashkral leste, doleske perell o foro gar khetne. O Devel vell ap leskri rig sik taysarlakro.

Judas 1:6

Ma bistrenn vitar gar kol bolepangren, kay dan gar garda ap koy boudi, hoy o Devel len das, oun moukan pengro kheer an o bolepen. Kolen pandas lo i shellentsa, hoy kek tsireske bouder pre kerdo venn. Oun yob rikrell len stildo an i kali rat, bis te vell ko baro dives, kay i phagi pral lende vi-rakedo vella.

1. Korintarja 1:8

Yob dell t'men i zoor, te ačenn an o patsepen, bis te vell lo pale. Oun kek nay anell i doosh ap t'mende ap ko dives.

1. Tessalonikarja 5:4

T'mer, kamle phrala, ma djivenn yaake har an i kali rat har kolla, kay prindjrenn o Debles gar! Palle vell ko dives gar pral t'mende har i čorepaskro an i rat.

2. Petro 3:11

Mer djinah, kay lauter yaake paash djala. Doleske hounte kras mer lauter, te ačas o Debleha, oun djivas yaake, har yob kamella.

Debleskro tsiro 6:14

Oun o bolepen tserdas pes khetne, har i liil, hoy khetne lino vella. Oun kek berga ačas, kay his li tardo, vitar gar kek them, hoy an i pani čiddo hi.