2. Mose 8:19 - O Debleskro Lab 2024 (Sinte-Manouche)

¹⁹ Oun tou dikess, te hi vavarčandes pash mire menshende har pash tire menshende. Ko baro koova vell taysar pral t'mende.”

O Debleskro Drom 2021 (Sinte)

¹⁹ Un tu dikess, te hi wawartchandes pash mire menshende har pash tire menshende. Ko baro koowa well taissar pral tumende.’”

2. Mose 8:19 Referans Kwoze

Louka 11:20

Na-a, me tradau i bengen dran o Debleskri zoor vin. Ap kova dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

Debleskri gili 8:3

Dran o mouy i čavendar oun tikne čavendar venn kol laba, hoy sharenn tout. Yaake hounte rikrenn pengro mouy kolla, kay kamenn tout gar oun hi rhoyedo ap toute.

Mateo 12:28

Na-a, gar o beng das man koy zoor. O Debleskro Dourho das man koy zoor, te nay tradap i bengen vin. Koy pre dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

2. Mose 7:5

Oun kol Egiptarya dikenn oun hayvenn, kay hom me o baro Devel, te hadau me miro vast pral o them Egiptia oun lau i Israelitarya mashkral lende vin.”

Bičepangre 4:16

“Hoy kras mer kal menshentsa? Hakeno an o foro Yerusalem djinell kanna, kay kran kolla i baro koova, hoy kek vavar nay krella. Mer nay dah kova gar bourhoste.

Johanni 11:47

Doleske van kol bare rashaya oun kol Farisarya i pralstoune biboldentsa khetne, oun penan: “Hoy kras mer? Yob krell boud baro oun zorelo koova, hoy kek vavar nay krell.

Daniel 2:19

Oun an i rati dikas o Daniel i dikepen oun leske vas koy souni sikedo. Oun o Daniel sharas o bolepaskro Debles,

1. Samuel 6:9

Palle sikrell pes, havi rigyatar koy bari bibarht pral mende vas: Te djan le pre an lengro them, ap o drom an Bet-Shemesh, palle his o baro Devel, kay savi bari bibarht ap mende anas. Te djan le ap i vavar rig, palle hayvah, te his gar leskro vast, hoy men das, oun kava tselo koova čičeske ap mende vas, oun kek bičras les.”

1. Samuel 6:3

Oun yon penan ap lende: “Te bičrenn t'mer o morhton o Israeleskro Deblestar pale, palle bičrenn čomone peha. Denn les čomone, te vell lauter pale mishto mank t'mende oun leste! Palle venn t'mer sasto. Yaake djinenn t'mer ninna, hoske leskro vast t'mendar gar krik djas.”

2. Mose 10:7

Kote penan i pralstoune ap o Farao: “Har rah anell kava morsh gomme bibarht pral mende? Mouk kol menshen te djal, te mangenn le lengro baro Debles an. Hayveh tou gar, te djal i tseli Egiptia nashedo?”

2. Mose 7:4

Oun o Farao shounella gar ap t'mende, ninna te vell miri rholi boud kope pral leste oun leskro them. Oun palle lau mire menshen, i Israelitarya, vin dran o them Egiptia.

2. Mose 7:13

Har dikas o Farao kova, ačas leskro dji pandlo, oun yob shounas gar ap lende. Yaake vas, hoy o baro Devel penas.

1. Mose 41:24

Oun kol sane halme rhan kol efta pesse halme. Oun me penom kova, hoy dom souni, kol dourkepangre. Oun kek his koy, kay penell nashte mange, hoy kol sounya mange penenna.”

2. Mose 9:4

Kava baro nasslepen vell gar ap i firhende, hoy i Israelitaryen hi. O baro Devel krell vavarčandes pash i Egiptarya har pash i Israelitarya. Kolendar merell kek firho.”

2. Mose 9:26

Kokres an o them Gosen, kay i Israelitarya djivan, kote peras kek barrengro brishin tele.

2. Mose 10:23

Yaake kales his, te nay dikas yek o vavares gar. Oun kek stas kote pre, kay yob his. Pash i Israelitarya his dives, kote kay yon djivan.

2. Mose 11:7

Hi vavarčandes pash i Israelitarya. Kote dell kek djouklo gole, gar ap i mensheste, vitar gar ap i firheste. Yaake te dikenn oun hayvenn t'mer, te djinell o baro Devel, koon Egiptari hi oun koon Israelitari hi.