2. Mose 8:10 - O Debleskro Lab 2024 (Sinte-Manouche)

¹⁰ Oun yon čoran kol boud djambe khetne. Oun o tselo them khandas lendar.

O Debleskro Drom 2021 (Sinte)

¹⁰ Un jon tchoran kol bud djambe khetne. Un o tselo them khandas lendar.

2. Mose 8:10 Referans Kwoze

Jesaja 46:9

Moukenn t'menge an o shero te djal, har an o phouro tsiro his: Me hom o Devel, oun dell kek vavar har man. Kek hi yaake har me!

Debleskri gili 86:8

Miro ray, dell kek debles har tout. Kek nay krell kova, hoy tou kreh.

1. Familjakro liil 17:20

Baro Devel, kek hi yaake har tou! Oun dell kek devel har tou, pal lauter, hoy mer mare kandentsa shounam.

2. Samuel 7:22

Baro Devel, miro ray, har baro hal tou! Kek hi yaake har tou! Oun dell kek devel har tou, pal lauter, hoy mer mare kandentsa shounam.

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

2. Mose 9:14

Te shouneh tou kava kopo pale gar, palle kamau me i djoungleder bibarht pral toute oun tire pralstunende oun pral tire tsele menshende te bičrell, te dikess oun hayvess, te hi kek ap kay phoub yaake har me.

Jakobo 4:14

Yaake rakrenn t'mer oun djinenn gar, hoy taysar hi! T'maro djipen hi har i dourho, hoy ačella gar. T'mer han i tikno tsiro djido. Oun ap yek kopo han t'mer bouder gar koy.

Jesaja 40:25

“Koon hi yaake har me”, poučell o čačo Devel, te nay penenn t'mer: “O baro Devel hi yaake har kova?”

Gosewe laba 27:1

Ma share tout pral kova, hoy hi tout glan o vavar dives! Tou djineh gar, hoy touke ko dives anell.

Debleskri gili 83:18

An ladj oun traash ap lende hako tsireske, te merenn le an i ladj.

Debleskri gili 9:16

I menshe an vavar themma, peran an koy rheb, hoy yon i vin hadan. An koy netsa, hoy yon vin čivan, tapran le pen kokres.

5. Mose 32:31

Kolengre debla hi gar har maro Devel. Kova djinenn oun penenn ninna kolla, kay kouran pen mentsa.

5. Mose 4:35

T'men moukas lo kova te dikell, te djinenn, te hi o baro Devel o čačo Devel, oun te dell kek vavar debles har les kokres.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

2. Mose 9:29

O Mose penas leske: “Yaake sik har djom dran o foro vin, kamau mire vasta pre te hadell ap o baro Debleste. Palle dell o bolepen bouder kek gole, oun kek barrengro brishin perell bouder, te dikess oun hayvess, te hi i phoub o baro Debleske.

2. Mose 8:9

Oun o baro Devel kras yaake, har o Mose lestar mangas. Oun i djambe meran an i khera oun glan i khera oun ap lengri harhetikri phoub.

5. Mose 3:24

“Baro Devel, miro ray, tou sikral man, tiro boudepaskres, tiro barepen oun tiro zorelo vast. An o bolepen oun ap i phoub hi kek vavar devel, kay nay krell savo baro koova an savi bari zoor har tou.

5. Mose 4:39

Yaake hounte djinenn kava dives oun bistrenn kova gar: Dell kek vavar Devel har o baro Devel kokres. Kek vavar devel hi an o bolepen oun vitar gar ap i phoub.

Jesaja 40:18

Koon hi har o Devel? Hi čomone yaake har yob?