2. Mose 5:22 - O Debleskro Lab 2024 (Sinte-Manouche)

²² Oun o Mose vas pale glan o baro Debleste oun penas ap leste: “Miro ray, hoske kreh tou savo čilačepen ap kal menshende? Hoske bičral tou man pash lende?

O Debleskro Drom 2021 (Sinte)

²² Un o Mose was pale glan o baro Debleste un penas ap leste: “Miro rai, hoske kreh tu sawo tchilatchepen ap kal menshende? Hoske bitchral tu man pash lende?

2. Mose 5:22 Referans Kwoze

Jeremia 20:7

Baro Devel, tou rakral yaake rah ap mande dren bis te krom, hoy tou kamal. Tou hal zorleder har me. Kanna vom lenge sapaske, oun hakeno sal man vin.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Debleskri gili 73:25

Te hi man tout, poučau či pal o bolepen, oun vitar gar pal i phoub.

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

1. Samuel 30:6

Oun i morshengre djia rovan pral lengre čavende oun čen, oun yon van yaake rhoyedo ap o Davideste, te kaman le les moulo te dell i barrentsa. Oun o David vas an i pharo tsiro. Oun yob las peskri zoor o baro Deblestar, kay leskro Devel hi.

4. Mose 11:11

Oun o Mose penas ap o baro Debleste: “Hoske kreh tou mange, kay tiro boudepaskro hom, o djipen yaake pharo? Hoske hi tout kek dji mange, oun me hounte marap man tele kol tsele menshentsa?

2. Mose 17:4

Kote das o Mose ap o baro Debleste gole: “Hoy krap me kal menshentsa? An i tikno tsiro vitsrenn le man i barrentsa moules.”

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?

Jeremia 4:10

Koy penom me: Baro Devel, miro ray, tou rhorhral kol menshen an Yerusalem an, har tou penal, kay kek kourepen mashkral lende vell. O rharo hi koy oun kamell len moulo te dell.

Josua 7:7

Oun o Yosua penas: “Ah, Ray, mo baro Devel! Hoske anal tou kal menshen pral o pani Yordan, te deh tou men kate an o vast kol menshendar Amor, te denn kolla men moulo? Ah, te ačams kote ap i vavar rig o panyestar Yordan!