2. Mose 4:15 - O Debleskro Lab 2024 (Sinte-Manouche)

¹⁵ Oun pen tiro phraleske halauter, hoy yob hounte rakrell! Oun me, t'maro Devel, čivau mire laba an tiro mouy oun leskro mouy oun sikrau t'men halauter, hoy hounte krenn.

O Debleskro Drom 2021 (Sinte)

¹⁵ Un pen tiro phraleske halauter, hoi job hunte rakrell! Un me, tumaro Dewel, tchiwau mire laba an tiro mui un leskro mui un sikrau tumen halauter, hoi hunte krenn.

2. Mose 4:15 Referans Kwoze

Jesaja 51:16

Oun me čivom mire laba an tiro mouy, oun rikrau mire vasta pral toute. Me hom kova, kay krom o bolepen bourhles pral i phoub oun čivom i phoub pre. Oun me penau ap i menshende an o foro Sion: Mire menshe han t'mer!

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

5. Mose 18:18

I Debleskro rakepaskro har tou yek hal, kay vell lendar, koles bičrau me lenge. Oun me kamau leske mire laba an leskro mouy te čivell. Oun yob rakrell ap lende halauter, hoy me leske penau.

4. Mose 23:16

Oun o baro Devel vas pash o Bileam, oun čivas leske o lab an o mouy, oun penas: “Dja pale pash o Balak oun pen yaake.”

4. Mose 23:12

O Bileam penas: “Rikrap me gar kova dren oun rakrap, hoy o baro Devel mange an o mouy čivas?”

4. Mose 23:5

O baro Devel čivas o Bileameske o lab an o mouy oun penas: “Dja pale pale pash o Balak oun pen yaake!”

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

2. Samuel 14:3

Tou djas pash o baro rayeste dren, oun rakress leha yaake har touke penau.” Oun o Yoab čivas lake kol laba an o mouy, hoy yoy hounte penella.

4. Mose 22:38

Penas o Bileam ap leste: “Ake hom. Shoun, me nay rakrau či vavar har kova, hoy mange o baro Devel an o mouy čivas. Kova kokres nay rakrau me.”

2. Mose 4:12

Oun kanna dja pash lende! Me kamau tiro mouy te vell, oun kamau touke lauter sikrell, hoy tou lenge te peness!”

1. Korintarja 11:23

Hoy me t'menge penom, kova penas mange o ray Yezous. Koy rati, kay vas ap maro rayeste, o Yezouseste, phoukedo, las yob ko maro,

5. Mose 5:31

Tou, ač kay pash mande! Oun me penau touke o tselo lab, halauter hoy t'mendar kamau, oun mire tsele čačepaskre laba. Kolla lauter peness lenge, te djivenn le pal lende an ko them, hoy me dau lende, te lenn le les lenge dren.”

1. Korintarja 15:1

Mire phrala, ma bistrenn o lačo lab o Yezousestar, hoy me t'menge penom! T'mer lan ko lab pre, oun t'mer djivenn pal kova.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

2. Mose 4:28

Oun o Mose penas o Aroneske halauter, hoy o baro Devel leske penas, ninna ko baro koova, hoy yob an o Debleskri zoor krell.

2. Mose 4:30

Oun o Aron penas lenge i tsele laba, hoy o baro Devel ap o Moseste penas. Palle kras o Mose glan lengre yaka ko baro koova an o Debleskri zoor.

4. Mose 16:28

Oun o Mose penas: “Koy pre hounte dikenn t'mer, kay bičras man o baro Devel, te krap ko tselo koova, oun kay me kova gar mandar krau.

1. Samuel 16:3

Oun pen ap o Isay, te vell yob pash o rhapen. Kote sikrau tout, hoy tou hounte kress, te makess koles o djeteha, kones toute sikrau!”

Debleskri gili 51:15

Kolen, kay shounenn gar ap toute, kamau me tiro drom te sikrell, te moukenn le pengro čilačo drom, oun venn pale pash toute.

Jeremia 36:32

Koy las o Yeremia i nevo liil oun das les o Baroukes, ko činepaskres, koleskro dad o Neriya his. Oun o Barouk činas kol tsele laba pre, hoy o Yeremia leske glan penas, kol laba, hoy an o ersto liil tardo his, hoy o Yoyakim, ko baro ray pral Youda an i yag vitsras. Oun boud vavar laba, hoy yaake har kolla his, van koy pashel činlo.

Debleskri gili 25:12

Hoy hi ko morsheha, kay djivell o baro Debleha? Koleste sikrell lo havo drom yob te djal.