2. Mose 34:18 - O Debleskro Lab 2024 (Sinte-Manouche)

¹⁸ Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.

O Debleskro Drom 2021 (Sinte)

¹⁸ Ma bistrenn kol bare diwessa, kai chan kek maro dran shutlo jarro. An o tchon Abib chan efta diwessa kek maro dran shutlo jarro jaake har me tumenge penom! An ko tchon djan tumer win dran o them Egiptia.

2. Mose 34:18 Referans Kwoze

3. Mose 23:6

Oun o 15. (deesh-te-pančto) dives ninna an ko čon, hi ko ersto dives kol divessa, kay hounte rhan kek maro dran shoutlo yarro. Efta divessa rhan t'mer kek maro, an koleste shoutlo yarro hi.

Bičepangre 12:3

Har o Herodes hayvas, kay kova mishto his an i biboldengre yaka, moukas yob ninna o Petres te taprell. Kova his an ko tsiro, kay rhan i bibolde kek shoutlo maro.

Louka 22:1

His glan kol divessa, kay i bibolde kek maro rhan, kay shoutlo yarro dren hi. Kol divessa kharenna Passa.

Markus 14:1

His douy divessa glan kol bare divessa, kay kharenna Passa oun glan kol divessa, kay rhan i bibolde kek shoutlo maro. Oun kol bare rashaya oun kol biboldengre čačepangre rodan i lačo tsiro, te taprenn le o Yezouses čorrhanes, te marenn le les.

2. Mose 23:15

kol bare divessa, kay rhah tou efta divessa ko maro, an koleste kek shoutlo yarro dren hi. Kol divessa rikress tou an o čon Abib. Kova kress tou, te bistress gar, te nashal an ko čon dran o them Egiptia. Oun ab gar an o Debleskro kheer, te hi či an tiro vast, hoy tou leske aneh!

2. Mose 12:2

“Kava čon vell t'menge o ersto čon an o bersh.

2. Mose 12:42

Koya rat, kay o baro Devel kokres ap lende garda das, te lell lo len vin dran o them Egiptia, kaya rat hounte vell o baro Debleske an hako bersh. An kaya rat hounte ačenn i Israelitarya pre, te sovenn le gar. Yaake sharenn le o baro Debles.

4. Mose 28:16

Ap o deesh-te-starto dives an o ersto čon hi ko dives, hoy hi o baro Debleske, oun hoy kharell Passa.

4. Mose 28:17

Oun ap o deesh-te-pančto dives ninna an ko čon, hi ko ersto dives kol efta divessa, kay hounte rhan kek maro dran shoutlo yarro.

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

2. Mose 23:14

Triin kope an o bersh rikress tou mange bare divessa dren: