2. Mose 31:15 - O Debleskro Lab 2024 (Sinte-Manouche)

¹⁵ Shob divessa boudress tou. O eftato dives kress tou či. Ko dives hi o baro Debleske. Kova, kay boudrella, vell moulo dino.

O Debleskro Drom 2021 (Sinte)

¹⁵ Shob diwessa budress tu. O eftato diwes kress tu tchi. Ko diwes hi o baro Debleske. Kowa, kai budrella, well mulo dino.

2. Mose 31:15 Referans Kwoze

1. Mose 2:2

Ap o eftato dives his o Debleskri boudi kerdo. Yob boudras bouder gar. Halauter his kerdo.

3. Mose 23:3

Rikrenn o Debleskro dives! Shob divessa boudrenn, ap o eftato dives krenn kek boudi! Ko dives hi o baro Debleske. Ap leste avenn khetne glan leste! Ap kava dives krenn kek boudi, kay t'mer ninna djivenna!

2. Mose 16:23

Oun yob penas ap lende: “Kava hi, hoy o baro Devel penas: Taysar hi i dives, kay vell kek boudi kerdo. Kova hi i dives o baro Debleske, te vell yob sharedo. Kava maro, hoy kamenn te pekell, kova pekenn! Kova, hoy kamenn te kerell an o pani, kova kerenn an o pani! Lauter, hoy pral ačella, hadenn pre i taysarlake!”

2. Mose 34:21

Shob divessa krenn t'mari boudi! Ap o eftato dives krenn či! Kova te vell yaake hako tsireske, ninna ko tsireske, kay t'mer boudrenn ap t'maro kotar phoub oun kay t'mer anenn o djob dren.

Louka 23:56

Oun yon djan an o foro pale, oun kran kouč djet, hoy mishto soungella, te makenn le les dren. Ap o Debleskro dives kran le kek boudi, yaake har kova pash i biboldende hi.

Louka 13:14

Koy rhoyras pes ko pralstouno an i biboldengri kangri, kay o Yezous koy djouvyat ap o Debleskro dives sasto kras. Oun kova penas ap i menshende: “Mer hounte boudras shob divessa. Avenn an kolla divessa, te moukenn t'men sasto te krell, oun gar ap o Debleskro dives!”

2. Mose 35:2

Shob divessa krenn t'mari boudi! O eftato dives hi o Debleskro dives. Ap ko dives krenn či! Ko dives hi o baro Debleske. Koon ap kava dives boudrella, hounte merella.

2. Mose 31:17

O Debleskro dives hi i sikepen mange oun mire menshenge, i Israelitarya, hoy hako tsiro ačella. An shob divessa kras o baro Devel o bolepen oun i phoub. Oun o eftato dives kras yob či oun las nevi zoor.

Hebrearja 4:9

Yaake dikah: Hi gomme i tsiro, kay nay venn i menshe pash o Debleste, kay yon hako tsiro khere nay venna.

Ezekiel 46:1

Kava penell o baro Devel, maro ray: Ko voudar glan i tikni glanstouni platsa ap koy rig, kay o kham pre djal, kova ačell pandlo ap kol shob divessa, kay boudrenn le. Ap o eftato dives – ko Debleskro dives – vell lo pre kerdo, ninna ap o dives, kay o nevo čon diklo vell.

3. Mose 23:32

Kava dives hi i baro dives t'menge, kay hounte krenn kek boudi, oun rhan či foun rati ap o enyato dives bis te vell pale rati ap o vavar dives.

2. Mose 31:14

Rikrenn o Debleskro dives t'menge! Koon les gar rikrella, vell temerl dino. Ava, hakeno, hoy ap o Debleskro dives boudrella, hounte djivell bouder gar mank peskre menshende.

2. Mose 16:26

Shob divessa lenn t'men maro khetne! O eftato dives hi o Debleskro dives. Ap ko dives dell kek maro.”

2. Mose 23:12

Shob divessa boudress tou! Ap o eftato dives boudress tou gar! Ninna tire groumya, tiri bourika, tire boudepangre oun i vi-themarya, hoy pash toute hi, boudrenn ap ko dives gar, yaake te nay lenn le pale nevi zoor.

2. Mose 31:16

Doleske hounte rikrenn i Israelitarya o Debleskro dives hako tsiro, yon oun lengre čave oun lauter, kay pal lende venna, yaake har krom me kova lentsa vin.

2. Mose 35:3

Ap ko dives krenn kek yag an t'mare tsele khera!”

3. Mose 16:29

Kava lauter hounte vell kerdo ap o deshto dives an o eftato čon. Oun yaake hounte krenn t'mer hako tsireske. Ma rhan ap ko dives! Ma krenn i boudi, t'mer gar oun vitar gar i vi-themarya, kay mank t'mende djivenn.

5. Mose 5:12

Rike o Debleskro dives! Ma boude ap leste. Yaake penas touke tiro baro Devel.