2. Mose 30:34 - O Debleskro Lab 2024 (Sinte-Manouche)

³⁴ Oun o baro Devel penas ap o Mose: Le touke ko kouč koova, hoy mishto soungella: roukengro djet, Onyx, bourrengro djet, ninna djoudjo soungepaskro koova, hoy kharella encens. Hakenestar le yaake boud har ko vavarestar!

O Debleskro Drom 2021 (Sinte)

³⁴ Un o baro Dewel penas ap o Mose: Le tuke ko kutch koowa, hoi mishto sungella: rukengro djet, Onycha, burrengro djet, ninna djudjo sungepaskro koowa, hoi kharella Weihrauch. Hakenestar le jaake bud har ko wawarestar!

2. Mose 30:34 Referans Kwoze

2. Mose 37:29

Oun yob kras o makepaskro djet, koleha yon o Debleskro koova dren makenn. Ninna kras lo ko kouč soungepaskro koova, hoy rhačedo vell. Kova lauter kras yob yaake har kolla, kay kova mishto hayvenna.

3. Mose 2:15

Čore djet koy pre oun čip soungepaskro koova pre. Yaake hounte vell i rhapen dran djob, hoy glan o baro Debleste anlo vell.

2. Mose 30:23

Tou less i khoro olivtikro djet oun čivess kouč soungepaskro koova dren: shob kilo myrrhe, triin kilo cinnamome, triin kilo goudlo soungepaskro khass oun shob kilo soungepaskro kasht, hoy kharella Kassia. Yek kilo hi yaake boud har yek kilo an o Debleskro kheer hi.

2. Mose 25:6

momelengro djet, kouč soungepaskro koova, hoy vell rhačedo, ninna kouč soungepaskro koova, hoy vell an o makepaskro djet čiddo, te nay makenn le yekes dren.

Mateo 2:11

Oun yon djan an ko kheer, oun dikan kote o ternepas oun leskri dat, i Mariat. Oun yon vitsran pen glan leste tele, mangan les an, oun čivan ko kouč bravlepen glan leste, hoy dan le leste. Oun kova his sonakay, kouč kasht, hoy soungella mishto, ninna vavar kouč kasht, hoy vella djet lestar kerdo.

Kamlepaskri gili 3:6

Koon hi kolla, kay venn pre dran o moulo tato them, har i yagakro dourho, hoy pre djal, te vell soungepaskro koova rhačedo? Lačo khand vell pash mende, dran ko soungepaskro koova, hoy i parepangre anenn.

Nehemia 13:5

Koles das lo ko baro kheer, kay glan kova o djob čiddo his, hoy o Debleske rhačedo vas, ninna o soungepaskro koova oun kol tsele koola, hoy i boudjake koy his, oun ninna o djob oun i mool, oun o djet, hoy o deshto kotar kolestar his, hoy ap i Israelengri phoub bares vas. Kova lauter his i Levitarenge oun i gipangrenge oun kolenge, kay ap o foreskre voudya yak dan oun ninna i rashayenge.

3. Mose 24:7

Čip lačo soungepaskro koova ap kal mare. Ko soungepaskro koova vell rhačedo o baro Debleske, oun yaake vell siklo, te hi kal mare o baro Debleske.

3. Mose 5:11

Te hi kova, kay doosh ap peste anas, yaake čorvelo, te nay anell lo gar douy taube, palle anell lo yek kilogrammi lačo yarro o baro Debleske, te vell leskri doosh krik lino. Yob hounte čivell kek djet pre, vitar kek soungepaskro koova. Kava hi i rhapen, hoy o Debleske anlo vell, te vell i doosh krik lino.

3. Mose 2:1

Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova koy pral.

2. Mose 30:33

Koon peske savo djet krella, nay ačell gar djido mank peskre menshende. Temerl dino vell ninna kova, kay makell yekeste, kay hi kek rashay.

2. Mose 30:35

Oun čip kova yaake khetne, har kolla krenna, kay kova mishto hayvenna, te vell lestar i soungepaskro koova, hoy rhačedo vell o Debleske. Čip ninna loon koy pashel, te vell ko koova djoudjo. O Debleske hi lo.

2. Mose 31:11

ninna ko makepaskro djet, hoy ap kova maklo vell, hoy o Debleske hi; oun ko kouč soungepaskro koova, hoy rhačedo vella an o Debleskro kheer. Kova lauter krenn le yaake, har me les touke penom.

2. Mose 35:15

ko bob, kay ko soungepaskro koova rhačedo vella oun leskre hidjepaskre kashta; ko makepaskro djet; ko kouč soungepaskro koova; koy plarhta an o khereskro voudar;

3. Mose 16:12

Palle djal lo pash ko sonakaskro bob, hoy glan o baro Debleste tardo hi, oun lell kolestar i sasterno čaro pherdo kasht, hoy rhačell, oun douy vasta pherdo soungepaskro koova, oun djal koleha pal ko voudar dran than an i kouč isema.

4. Mose 4:16

Oun o Elazar, ko čavo o rashayestar Aron, yob dell garda ap o momelengro djet, oun ap ko djet, hoy lenn le te makenn le i rashayen dren, oun ap ko soungepaskro koova, hoy vell rhačedo o Debleske. Ninna dell lo garda ap o rhapen, hoy hako dives o Debleske rhačedo vella. Oun yob dell garda ap o tselo Debleskro kheer oun ap ko tselo Debleskro koova, hoy koy dren hi.

Jesaja 43:23

Kol bakre, hoy anal, te venn le rhačedo, his gar mange. Oun kol firhentsa, hoy mange maral, sharal man gar. Me krom touke kek boudi i djobeha, hoy mange rhačrals, oun krom tout gar khino o soungepaskro koveha, hoy mange rhačrals.

2. Mose 30:7

Ap ko sonakaskro bob rhačrell o Aron ko kouč koova, hoy o Debleske shoukar soungella. Kova krell lo hako dives taysarlakro, te čorell lo o djet an i momlia,