2. Mose 30:25 - O Debleskro Lab 2024 (Sinte-Manouche)

²⁵ Kre kolestar i kouč djet, hoy maklo vell ap o tselo koova, hoy o Debleske hi. Mouk les yekestar khetne te krell, kay kova mishto hayvell.

O Debleskro Drom 2021 (Sinte)

²⁵ Kre kolestar i kutch djet, hoi maklo well ap o tselo koowa, hoi o Debleske hi. Muk les jekestar khetne te krell, kai kowa mishto haiwell.

2. Mose 30:25 Referans Kwoze

2. Mose 37:29

Oun yob kras o makepaskro djet, koleha yon o Debleskro koova dren makenn. Ninna kras lo ko kouč soungepaskro koova, hoy rhačedo vell. Kova lauter kras yob yaake har kolla, kay kova mishto hayvenna.

1. Familjakro liil 9:30

Koy his ninna rashaya, kay kran ko soungepaskro djet.

2. Mose 40:9

Le ko makepaskro djet oun mak leha o kheer oun lauter, hoy koy dren hi, te vell lo o Debleske!

Debleskri gili 133:2

Kava hi yaake har ko lačo makepaskro djet, hoy ap o Aroneskro shero čoredo vell, oun tele nashella ap leskri čora, oun kotar doureder ap i meen leskro gadestar.

Debleskri gili 89:20

Glan i rah tsiro rakral tou ap yekeste tire menshendar an i visiona oun penal: “Me dom miro vast i čačo morsheste, te vell lo ap t'mari rig. Me rodom les vin dran mire menshende, te vell lo baro ray.

Hebrearja 1:9

O čačepen kamal tou, oun o čilačepen dikeh glan i yaka nay gar. Doleske rodas tout tiro Devel vin, te vess tou bareder oun barhtleder har kolla, kay pash toute hi.

4. Mose 35:25

Oun i Israelitarya hounte lenn kava morshes vin dran o vast kolestar, kay kamell les te marell, oun hounte anenn les pale pale an ko foro, kay nashas lo peske dren. Oun yob hounte ačell koy, bis ko pralstouno rashay meras, kay vas o Debleskro djeteha dren maklo.

2. Mose 29:7

Le o makepaskro djet oun čore les pral leskro shero, mak les o Debleske!

2. Mose 29:21

Le ko ratestar, hoy ap o Debleskri rhačepaskri hi, oun čip les an o makepaskro djet oun vitse les ap o Aron oun leskre koola oun ap leskre čavende oun lengre koola, te vell yob oun leskre koola o Debleske, ninna leskre čave oun lengre koola, te venn le o Debleske.

2. Mose 30:35

Oun čip kova yaake khetne, har kolla krenna, kay kova mishto hayvenna, te vell lestar i soungepaskro koova, hoy rhačedo vell o Debleske. Čip ninna loon koy pashel, te vell ko koova djoudjo. O Debleske hi lo.

2. Mose 35:15

ko bob, kay ko soungepaskro koova rhačedo vella oun leskre hidjepaskre kashta; ko makepaskro djet; ko kouč soungepaskro koova; koy plarhta an o khereskro voudar;

3. Mose 8:2

Le o Arones oun leskre morsh čaven touha, oun i rashayengre koola, oun o djet oun ko terno gouroum, hoy i doshake maredo vell, oun kol douy morsh bakre oun koy korba, kay i mare dren hi, kay kek shoutlo yarro dren hi.

3. Mose 8:10

O Mose las o djet oun vitsras kolestar čomone ap o tselo plarhteno kheer, kay o baro Devel djivell, oun ap lauter hoy dren hi. Yaake sikras lo, kay kova lauter o baro Debleske hi.

Sikepaskro 10:1

Moule matsille an o soungepaskro djet krenn o lačo djet foulles. I tikno dinlepen nay krell o tselo gosvepen oun an-dikepen i menshestar paash.

2. Mose 28:41

Palle rib o Aroneske oun leskre čavenge kol koola an. Le djet oun mak len o Debleske oun de len an lengri boudi, te venn le mange rashaya.

1. Rajengro liil 1:39

Oun o rashay Zadok las o djet dran o Debleskro plarhteno kheer, oun makas o Salomes koleha dren. Oun yon phourdan an i phourdepangre, oun i tsele menshe dan gole: “I rah djipen o baro rayeske, o Salomo!”