2. Mose 3:21 - O Debleskro Lab 2024 (Sinte-Manouche)

²¹ Oun daryatar krenn le pengre djia t'menge pre oun denn t'men boud lačo koova peha.

O Debleskro Drom 2021 (Sinte)

²¹ Un darjatar krenn le pengre djia tumenge pre un denn tumen bud latcho koowa peha.

2. Mose 3:21 Referans Kwoze

2. Mose 12:36

Oun o baro Devel das i Egiptaryen an o dji, te venn le kamles ap i Israelitarya, yaake te nay mangens le, hoy yon kaman. Oun i Egiptarya dan len lauter. Yaake lan i Israelitarya kolendar lengro bravlepen krik oun lan les lentsa.

Debleskri gili 105:37

Har anas o baro Devel i Israelitaryen vin, lan le roup oun sonakay pentsa. Oun kek lendar his nasselo oun hounte ačas pale.

2. Mose 11:3

Oun o baro Devel kras, te venn i Egiptarya lačes ap lende. Ninna his o Mose boud an-diklo an o them Egiptia an i yaka kol pralstunendar an o Faraeskro kheer oun ninna pash i tsele Egiptarya.

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

Debleskri gili 106:46

Oun yob kras, te dikan lauter kolla lačes ap lende, kay len pandan.

1. Mose 39:21

Har yob kote an o stilepen his, his o baro Devel pash leste, oun his kamlo ap leste oun kras, kay hi o pralstouno pral o stilepen lačes ap leste.

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

2. Mose 12:35

Oun i Israelitarya kran pal i laba, hoy o Mose ap lende penas, oun djan pash i Egiptarya oun moukan pen lendar roupeno oun sonakaskro koova te dell, ninna shoukar ripya.

1. Rajengro liil 8:50

Oun biste ko čilačepen, hoy yon ap toute kran, lengri tseli doosh, hoy anas len tiro dromestar tele. Kre, te venn oun dikenn kolla lačes ap lende, kay len pandles rikrenn.

1. Mose 15:14

Kolla, kay krenn lendar boudepangre, lenn i phagi mandar. Koy pal djan tire menshe vin baro bravlepah.

2. Mose 11:2

Yaake pen kanna ap i Israelitarya, te mangell hako rom peske roup oun sonakay ko egiptikro morshestar, kay langs leste djivella. Ninna haki romni mangell kova koy egiptikri djouvyatar, kay langs late djivella.”

5. Mose 15:13

Oun te moukeh les te djal, palle hounte djal lo gar vastentsa, kay či dren hi.