2. Mose 29:25 - O Debleskro Lab 2024 (Sinte-Manouche)

²⁵ Palle le les dran lengre vasta oun rhače les pre ap o Debleskri rhačepaskri pral ko vavar bakro, hoy tou tseles rhačral, yaake te djal kava lauter ninna pre an i yagakro dourho. Oun o lačo soungepen, hoy vell vin, soungell mange, o baro Debleske, mishto.

O Debleskro Drom 2021 (Sinte)

²⁵ Palle le les dran lengre wasta un chatche les pre ap o Debleskri chatchepaskri pral ko wawar bakro, hoi tu tseles chatchral, jaake te djal kawa lauter ninna pre an i jagakro ducho. Un o latcho sungepen, hoi well win, sungell mange, o baro Debleske, mishto.

2. Mose 29:25 Referans Kwoze

3. Mose 8:28

Oun o Mose las lauter pale dran lengre vasta, čivas les ap o Debleskri rhačepaskri pral pre ap ko mass ko firhestar, hoy vell tseles rhačedo, oun moukas les te rhačrell. Kava hi ko rhapen, hoy vas o baro Debleske rhačedo, har van i rashaya an pengri boudi dren čiddo. Oun o lačo soungepen, hoy vas vin, soungas mishto o baro Debleske.

2. Mose 29:41

Kova kre taysarlakro oun rati ninna! Yaake aneh tou rhapen oun pipen o Debleske. Oun o lačo soungepen, hoy vell vin, te vell kova lauter rhačedo an i yag, soungella mishto o baro Debleske.

Debleskri gili 99:6

O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len.

1. Samuel 2:28

Dran i tsele familye, kay venna kol deesh-te-douy Israeleskre čavendar, rodom me o kheer Aron vin, te venn kol morsha rashaya mange, te rhačrenn le mange firhen ap miri rhačepaskri, ninna te rhačenn le mange soungepaskro koova. Me dom len i rashayengre damdira, te rivenn le len, te venn le glan mande. Ninna dom len o čačepen, te rhan le ko massestar, hoy mange rhačedo vella.

3. Mose 10:13

Kava rhapen hi tiro oun tire čavengro kotar kolestar, hoy o baro Debleste rhačedo vell. Doleske rhan les ap i Debleskri platsa. Yaake penas kova mange o baro Devel.

3. Mose 7:25

Kova, kay rhal ko thulepen save firhendar, kay o baro Debleske anlo van, kova vell infam oun hi bouder kek Israelitari.

3. Mose 7:5

O rashay moukell kova lauter ap i rhačepaskri pre te rhačrell o baro Debleske. Yaake vell ko mensheskri doosh pale mishto kerdo.

3. Mose 3:16

Oun o rashay rhačrell kova lauter ap o Debleskri rhačepaskri. Kolla hi kol kotya o firhestar, hoy o baro Debleske hi. Oun o soungepen, hoy vell vin, soungell leske mishto. O tselo thulepen hi o baro Debleske.

3. Mose 3:14

I feteder kotya o firhestar venn rhačedo o baro Debleske. Kal kotya hi: o thulepen, hoy ap oun pral i bouke hi,

3. Mose 3:11

Oun o rashay rhačrell kova lauter ap o Debleskri rhačepaskri. Kolla hi kol kotya o firhestar, hoy o baro Debleske hi.

3. Mose 3:9

I feteder kotya o firhestar venn rhačedo o baro Debleske. Kal kotya hi: o thulepen, i thoulli pori, tele činlo pash o palstouno kokalo, ninna ko thulepen ap oun pral i bouke,

3. Mose 3:5

Oun i rashaya dran o kheer Aron rhačrenn kova lauter ap o Debleskri rhačepaskri, ap ko kasht, hoy pral i yag hi. Yon rhačrenn kova khetne ko vavar firheha, hoy vell o Debleske tseles rhačedo. Oun o soungepen, hoy vell vin, soungell mishto o baro Debleske.

3. Mose 3:3

I feteder kotya o firhestar venn rhačedo o baro Debleske. Kal kotya hi: o thulepen, hoy ap oun pral i bouke hi,

3. Mose 2:16

O rashay lell i kotar kol djobendar oun djetestar tele, oun rhačrell kova khetne ko tselo soungepaskro koova. Kova hi i sikepen, kay ko tselo djob, hoy anlo vas, o baro Debleske hi.

3. Mose 2:9

Oun o rashay lell čomone lestar oun rhačrell les ap i rhačepaskri. Kova sikrell, kay ko tselo rhapen, hoy anlo vas, o Debleske hi. Oun o lačo soungepen, hoy vell vin, soungell mishto o baro Debleske.

3. Mose 2:2

Oun yob anell kova pash i rashayende dran o kheer Aron. Yek lendar lell i vast pherdo yarro o djeteha oun ko tselo soungepaskro koova, oun moukell kova ap i rhačepaskri te rhačrell. Kova sikrell, kay ko tselo rhapen, hoy anlo vas, o Debleske hi. Oun o lačo soungepen, hoy vell vin, soungell mishto o baro Debleske.

3. Mose 1:9

I bouke oun i herya hounte van thodo. Kova krell ko morsh, kay anas ko firhes. Oun o rashay moukell halauter ap i rhačepaskri pre te rhačrell. Yaake hounte vell i firho anlo glan o Debleste, hoy vell leske tseles rhačedo. Oun o lačo soungepen, hoy vell vin, soungell mishto o baro Debleske.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

2. Mose 29:18

Oun rhače o tselo bakro ap i rhačepaskri, yaake te djal lauter pre an i yagakro dourho. Ko bakro hi mange, o baro Debleske, oun vell tseles rhačedo. Oun o lačo soungepen, hoy vell vin, soungell mange mishto.

2. Mose 29:24

Čip kova lauter an o Aroneskre vasta oun an i vasta leskre čavendar. Oun yon hadenn kova pre glan mande, o baro Debleste, te sikrenn le, kay kova mange hi.

3. Mose 2:11

Ko tselo rhapen dran djob, hoy yek o baro Debleske anell, an koleste hounte vell kek shoutlo yarro. T'mer hounte denn kek shoutlo yarro, vitar kek gvin an ko rhapen, hoy rhačrenn o baro Debleske.

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.