2. Mose 29:14 - O Debleskro Lab 2024 (Sinte-Manouche)

¹⁴ O mass, i hauta oun ko rhapen, hoy an i bouke hi, rhačress tou vin glan koy platsa, kay t'mer djivenna. Kova lauter vell yaake kerdo, te vell i rashayengri doosh krik lino.

O Debleskro Drom 2021 (Sinte)

¹⁴ O mass, i hauta un ko chapen, hoi an i buke hi, chatchress tu win glan koi platsa, kai tumer djiwenna. Kowa lauter well jaake kerdo, te well i rashajengri doosh krik lino.

2. Mose 29:14 Referans Kwoze

3. Mose 4:21

Kova, hoy kava gouroumestar pral ačas, anell yob vin, krik dran koy platsa, kay i menshe hi, oun rhačrell les yaake har yob kova rhačras, hoy ko gouroumestar pral ačas, hoy yob peskri doshake maras. Yaake hounte vell i gouroumeha kerdo, hoy maredo vell, te vell i doosh i tsele Israelendar krik lino.

Esra 8:35

Oun kol menshe, kay van pale dran o pandepen, anan firhen o Israeleskro Debleske, oun maran len leske: 12 (deesh-te-douy) terne gourma i tsele menshenge an Israel, 96 (enya-deesh-te-shob) morsh bakre, 77 (efta-deesh-te-efta) terne bakre. Ninna anan le 12 (deesh-te-douy) morsh bouzya, kay van maredo, te vell i doosh i menshendar krik lino. Oun kol tsele firhe van pre rhačedo o baro Debleske.

2. Familjakro liil 29:24

Palle maran i rashaya kol bouzya, oun vitsran lengro rat ap i rhačepaskri, te vell i doosh i Israelendar krik lino. Kova kran le yaake, har lenge o baro ray penas: te marenn le firhen, kay tseles rhačedo venn oun vavar, te vell i doosh i tsele Israelendar krik lino.

2. Mose 30:10

Yek kopo an o bersh lell o Aron o rat o bakrestar, hoy maredo vas, te lell lo i doosh krik, oun djal pash o Debleskro sonakaskro bob oun makell ko rat ap i shinga, hoy pral ap o bob hi. Kova krell lo, te vell i doosh krik lino, hoy ap o bob hi. Ninna pash t'mare čavende oun kolende, kay pal lende venna, vell kova hako bersh yek kopo yaake kerdo. O sonakaskro bob hi o baro Debleske kokres.

3. Mose 16:27

Kova, hoy pral ačas ko terno gouroumestar oun koy morsh bouzyatar, kolengro rat an i kouč isema anlo vas, te vell i doosh oun o pale-čiddo koova krik lino, kol kotya anell yek vin glan i platsa, kay i menshe hi, oun rhačrell kote lauter, koy hauta, ko mass, oun kol bouke.

3. Mose 16:11

O Aron marell ko gouroum, te vell i doosh oun o pale-čiddo koova lestar oun leskri familyatar krik lino, oun yon čačo oun erligo tardo hi glan o baro Debleste.

3. Mose 16:3

Te djal lo koy dren, hounte anas lo glan kova i terno gouroum, hoy vell maredo, te vell i doosh oun o pale-čiddo koova krik lino, ninna hounte anas lo i bakro, koleskro tselo mass rhačedo vell o Debleske.

3. Mose 9:2

oun penas ap o Aron: “Le touke i terno gouroum oun i morsh bakro, ko gouroum, te vell lo maredo, te vell i doosh krik lino, oun ko bakro, te vell lo maredo, oun leskro tselo mass o baro Debleske rhačedo. Kal douy hounte venn sasto. Kolla an glan o baro Debleste:

3. Mose 8:17

Kova, hoy pral ačas kava firhestar, leskri hauta oun leskro mass, oun ko rhapen, hoy an leskre bouke his, rhačras lo an i yag vin glan koy platsa, kay i menshe his, yaake har o baro Devel leske penas, te krell lo.

3. Mose 5:8

Yob anell len pash o rashayeste. Oun kova anell glanstounes koy tauba hoy i doshake anlo vas, oun phagell lake i meen, o shero tele činell lo lake gar.

3. Mose 5:6

Koy doshake hounte anell lo o baro Debleske i bakri oder i bouzni, oun marell lat, te vell leskri doosh krik lino. Oun o rashay lell ko firho oun rhačrell leskro thulepen, oun yaake krell lo, te vell lauter pale mishto mank ko mensheste oun o baro Debleste.

3. Mose 4:32

Te kamell yek i bakro o Debleske te anell, te vell leskri doosh krik lino, palle anell lo i bakri, hoy gar nasselo hi,

3. Mose 4:29

Oun yob hounte čivell peskro vast ap o firheskro shero oun marell les kote kay i firhe maredo venn, hoy rhačedo venn o Debleske.

3. Mose 4:25

Oun o rashay lell peskro goushteha ko ratestar oun makell les ap i shinga, hoy ap i star ekke pral ap koy rhačepaskri hi, kay i firhe rhačedo venna. O tselo vavar rat čorell lo vin tella pash i rhačepaskri.

3. Mose 4:3

Te hi kova o pralstouno rashay, kay rikras pes gar ap o Debleskro lab, oun anas yaake doosh ap i tsele Israelitaryen, palle lell lo i terno gouroum, hoy gar nasselo hi, oun anell les o baro Debleske, te vell leskri doosh, hoy lo ap peste anas, krik lino.

4. Mose 19:5

Oun yob hounte moukell koy groumyat glan leskre yaka pre rhačrell, lakri fella oun lakro mass, ninna lakro rat oun foul.

Ezekiel 43:21

Oun tou less ko terno gouroum, hoy i doshake maredo vas, te vell lo rhačedo ap i platsa, hoy koleske koy hi, vin glan i massouri, hoy hi troul o Debleskro kheer.

Maleachi 2:3

Dikenn, hoy me kamau te krell: Kolla, kay t'mendar venna, kolen phagau. Oun o foul kol firhendar, hoy t'mer mange anenn, vitsrau me an t'mare mouya. Oun t'mer venn vin vitsedo khetne o fouleha.