2. Mose 28:36 - O Debleskro Lab 2024 (Sinte-Manouche)

^36-37 An i tikno kotar lačo sonakay čin kol laba: “Kova hi o baro Debleske”, oun pande ko kotar sonakay ap i dori dran blaueto kouč bakrengro bal glan ap o shereskro pandepen.

O Debleskro Drom 2021 (Sinte)

^36-37 An i tikno kotar latcho sonakai tchin kol laba: “Kowa hi o baro Debleske”, un pande ko kotar sonakai ap i dori dran blaueto kutch bakrengro bal glan ap o shereskro pandepen.

2. Mose 28:36 Referans Kwoze

Zakarie 14:20

An ko tsiro hi činlo ap i tikne bashepangre, hoy hi pandlo troul i grayengre menya: o baro Debleske! I pirya an o Debleskro kheer hi o Debleske yaake boud moldo har i bare čare glan o Debleskri rhačepaskri.

3. Mose 8:9

Palle čivas lo o shereskro pandepen troul leskro shero, oun glan ap koleste i tikno sonakaskro kotar, yaake har o baro Devel les o Moseske penas.

2. Mose 39:30

An i tikno kotar lačo sonakay činan le kol laba: “Kova hi o baro Debleske”, oun pandan ko kotar sonakay ap i dori dran blaueto kouč bakrengro bal glan ap o Aroneskro shereskro pandepen. Kova vas kerdo yaake har o baro Devel o Moseske penas.

Debleskro tsiro 21:27

Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

Hebrearja 12:14

Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Ezekiel 43:12

Glan halauter hounte vell dre-rikedo, te hi koy tseli platsa pral ap i berga, kay miro kheer tardo hi, kokres mange koy. Ninna halauter, hoy koy trouyel hi, hi mange.

Debleskri gili 93:5

Tiro lab hi o čačepen, oun tiro kheer hi hako tsiro touke kokres, baro Devel, yaake rah har i phoub koy hi.

3. Mose 19:2

Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

2. Mose 28:11

Mouk koy boudi yekestar te krell, hoy hayvell mishto laba an bar te činell. Oun kol barra venn čiddo an sonakangre goustria.

2. Mose 28:9

Le douy kouč barra, hoy kharenna Onyx! Oun an kolende mouk i laba o Israeleskre čavendar dren te činell:

2. Mose 28:35

Koy baya rivell o Aron an, te shounell yek les, te djal lo glan o baro Debleste an leskro kheer dren, ninna te vell lo pale vin. Kava krell lo, te merell lo gar.

2. Mose 29:6

Palle čip o shereskro pandepen troul leskro shero! Oun čip o tikno sonakaskro kotar glan ap koleste!

Jesaja 23:18

Oun kol love, hoy le dren lenn, vell o baro Debleste dino. Kol love vell gar khetne anlo an i bravlepaskro kheer. Na-a, kol love lenn kolla, kay pash o baro Debleskro kheer djivenn, te vell len doha rhapaske oun lače koola an-ripaske.

2. Mose 19:6

oun han vi-rodedo, te venn bare raya oun rashaya, kay hi mange koy. Kal laba peness tou ap i tsele Israelitarya.”

2. Mose 39:27

O Aroneske oun leskre čavenge kran le ninna i gada, o shereskro pandepen, i rashayengre stadja, oun i telstoune rholopya dran lačo zorelo layntikro than.

1. Familjakro liil 23:13

O Amram, leskre čave his: o Aron oun o Mose. Oun o Aron oun leskre čave van vin rodedo, te venn le rashaya hako tsireske. Yon kokres nay kran o baro Debleskri boudi: nay rhačran firhen ap leskri rhačepaskri, oun nay rakran o Debleskri barht vin pral i Israelitarya.