2. Mose 28:34 - O Debleskro Lab 2024 (Sinte-Manouche)

³⁴ te vell yek phabi, palle yek bashepaskri, palle yek phabi, oun yaake doureder troul i tseli baya.

O Debleskro Drom 2021 (Sinte)

³⁴ te well jek phabi, palle jek bashepaskri, palle jek phabi, un jaake dureder trul i tseli baja.

2. Mose 28:34 Referans Kwoze

Kolossarja 1:10

Palle djivenn t'mer yaake, te vell o Devel sharedo, oun krenn lauter, hoy hi lačo oun mishto glan leskre yaka. Oun dran t'maro djipen vell boud lačo koova. Oun t'mer prindjrenn o Debles hako tsiro feteder.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Kamlepaskri gili 8:2

Me loms tout pash o vast, oun anoms tout khere pash mande, an miri dakri isema, kay boldo vom. Me doms tout miri feteder mool, oun miri phabyengri mool.

Kamlepaskri gili 6:11

An i roukengro baar djom tele, te dikap, har i rouka zenelo venn, oun har i drakengre rouka neve patria lenn, oun har i phabyengre rouka tikne phabya hidjrenn.

Kamlepaskri gili 6:7

Lolo har i phabi hi tire čamya pal tiro diklo.

Kamlepaskri gili 4:13

Har i baar hal tou pherde rouka goudle phabyentsa, oun roukengre, hoy mishto soungenna, oun o rhapen lačes krenna: Henna oun Narda, Safrano, goudlo soungepaskro khass oun cinnamome, encens, myrrhe oun aloe, halauter lače kashta oun patria.

Kamlepaskri gili 4:3

Har i loli dori hi tiro mouy, oun tiro rakepen hi kamlo. Lolo har i phabi hi tire čamya pal tiro diklo.

Kamlepaskri gili 2:3

Har i phabyengro rouk mank i divye rouka an o veesh, yaake hi miro pirno mank i terne morshende. Barhteles hom beshdo an leskro shatto, oun leskre phabya hi goudlo mange.

Debleskri gili 89:15

O čačepen pral i menshende rakreh, oun čačepaskre laba lenge peneh. Doleske ačeh tou o baro ray. An lauter, hoy kreh, dikah tiro lačepen, oun har pash mende rikreh.

2. Mose 28:33

Ap o telstouno kotar i bayatar kress tou tikne phabya dran kouč bakrengro bal, hoy blaueto, lolo oun lolo har yag kerdo vas. Kal phabya djan troul i tseli baya. Mank lende venn tikne sonakangre bashepangre yaake troul o tselo ripen,

2. Mose 28:35

Koy baya rivell o Aron an, te shounell yek les, te djal lo glan o baro Debleste an leskro kheer dren, ninna te vell lo pale vin. Kava krell lo, te merell lo gar.

2. Mose 39:22

Koy pashel kran le i baya, hoy rivell o rashay tel i damdira. Oun koy tseli baya kran le dran blaueto kouč bakrengro bal.

2. Mose 39:26

te vell yek phabi, palle yek bashepaskri, palle yek phabi, oun yaake troul i tseli baya. Kay baya rivell o rashay te djal lo an o Debleskro kheer. Lauter kran le yaake har o baro Devel o Moseske penas.