2. Mose 27:1 - O Debleskro Lab 2024 (Sinte-Manouche)

^1-2 O Debleskri rhačepaskri kress tou dran o kasht ko roukestar, hoy kharella Akatsia. Pral i tseli rhačepaskri vell lolo saster. I rhačepaskri vell 2,50 (douy-te-paash) metari lengsto oun ninna yaake bourhlo, oun vell 1,50 (yek-te-paash) metari pral. Ap haki pralstouni ekka vell i shing vin. Kol shinga venn kerdo dran yek kotar kasht har i rhačepaskri.

O Debleskro Drom 2021 (Sinte)

^1-2 O Debleskri chatchepaskri kress tu dran o kasht ko rukestar, hoi kharella Akatsia. Pral i tseli chatchepaskri well lolo saster. I chatchepaskri well 2,50 (dui-te-paash) metari lengsto un ninna jaake buchlo, un well 1,50 (jek-te-paash) metari pral. Ap haki pralstuni ekka well i shing win. Kol shinga wenn kerdo dran jek kotar kasht har i chatchepaskri.

2. Mose 27:1 Referans Kwoze

Hebrearja 13:10

Mer djah ap o nevo drom. Menge meras o Yezous Kristo ap o troushel. Kolla, kay djan ap o phouro drom, marenn firhen an o Debleskro kheer ap kay phoub. Koon gomme firhen marella oun glan o Debleste anella, koleske hi o Yezous Kristo gar koy.

2. Familjakro liil 4:1

Oun yob kras i Debleskri rhačepaskri dran lolo saster. Koya his deesh metarya lengsto oun bourhlo oun panč metarya foun tel bis pral.

2. Samuel 24:18

Oun o Gad vas ap ko dives pash o David oun penas ap leste: “Dja koy pral ap koy djobeskri platsa ko morshestar Arauna, ko Yebousari! Oun kre kote o baro Debleske i rhačepaskri!”

2. Mose 40:29

Vin glan o khereskro voudar čivas lo i sasterni rhačepaskri, oun ap leste rhačras lo firhen oun rhapen o baro Debleske, yaake har yob leske penas.

2. Mose 40:10

Mak ninna i sasterni rhačepaskri oun lakre tsele koola, te vell li o Debleske oun leske kokres!

2. Mose 24:4

Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.

2. Mose 35:16

koy sasterni rhačepaskri, kay firhe rhačedo venna o Debleske, ninna koy netsa dran lolo saster, kol hidjepaskre kashta oun lauter, hoy koy pashel hi; ko thopaskro čaro oun leskre herya;

4. Mose 3:31

Oun yon hounte denn garda ap ko sonakaskro morhton, koy rhapaskri, koy momelengri, o Debleskro sonakaskro bob oun o Debleskri sasterni rhačepaskri, kay firhe rhačede venna. Ninna denn le garda ap i tselo Debleskro koova an leskro kheer, koleha yon boudrenna, ninna ap koy plarhta mank kol douy iseme oun ap halauter, hoy koy pashel hi.

4. Mose 4:13

Yon hounte khossenn ninna koy yagakri čik ap o Debleskri rhačepaskri tele, oun čivenn i loli plarhta koy pral.

2. Rajengro liil 16:14

Oun koy rhačepaskri dran lolo saster, kay o baro Debleske firhe rhačedo van, koy rhačepaskri moukas lo krik te čivell, te vell li gar mashkral koy nevi rhačepaskri oun o baro Debleskro kheer tardo, oun čivas les serves pash koy nevi rhačepaskri.

1. Familjakro liil 6:49

Oun yaake dan i Israelitarya i menshen dran o kheer Levi forya oun phoub troul kol forya, te nay rhan lengre firhe.

Esra 3:2

Oun o Yeshoua, koleskro dad o Yozadak his, kras pes ap i boudi khetne peskre phralentsa, kol rashayentsa, oun o morsheha Zorobabel, koleskro dad o Shealtiel his, oun leskre phralentsa. Oun yon kran i nevi sasterni rhačepaskri, te nay rhačrenn le firhen koy pre o Israeleskro Debleske, yaake har činlo hi an o liil o Debleskro morshestar, o Mosestar.

2. Mose 17:15

Oun o Mose kras i rhačepaskri o Debleske, te venn kote firhe rhačedo o Debleske, oun das koy rhačepaskri o lab O baro Devel krell man zoreles an o kourepen.

2. Mose 31:9

koy sasterni rhačepaskri, kay i firhe o Debleske rhačedo venna, oun ko tselo koova, hoy pashel hi, oun o thopaskro čaro oun koleskre herya;

2. Mose 39:39

koy sasterni rhačepaskri, kay firhe rhačedo venna o Debleske, koy sasterni netsa, lakre hidjepaskre kashta oun i tsele koola, hoy koy pashel hi; ko thopaskro čaro oun leskre herya;

2. Mose 40:6

Glan o Debleskro plarhteno kheer čip i sasterni rhačepaskri, kay i firhe o Debleske rhačedo venna.

4. Mose 4:14

Oun ko tselo koova, kay boudrenn yon peha, čivenn le koy pral pre: yagakre čare, massengre forshette, bare roya, kolentsa lenn le i yagakri čik krik, čare, kay o rat dren vella, oun ko tselo koova, hoy koy pashel hi. Pral halauter čivenn le i lači ledertikri plarhta. Palle čivenn le kol hidjepaskre kashta an i goustria ap o bob.