2. Mose 25:8 - O Debleskro Lab 2024 (Sinte-Manouche)

⁸ Kamau lendar, te krenn le mange i kheer, te djivap nay mashkral lende.

O Debleskro Drom 2021 (Sinte)

⁸ Kamau lendar, te krenn le mange i kheer, te djiwap nai mashkral lende.

2. Mose 25:8 Referans Kwoze

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”

1. Rajengro liil 6:13

oun me kamau te djivap an kava kheer, hoy tou mange kreh, mank i Israelitarya, oun kamau mire menshen Israel gar kokres te moukell.”

2. Mose 29:45

Oun me djivau mashkral i Israelitarya oun hom lengro Devel.

Zakarie 2:10

“Nashenn! Nashenn! Nashenn dran o them Babilonia!” dell o baro Devel gole, “t'mer, kolen tradom ap hake rigya.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

Zakarie 8:3

Me vau pale ap i berga Sion oun djivau mashkral an o foro Yerusalem. Palle kharell pes Yerusalem foro, kay rikrenn pen i menshe ap o baro Debleste. Oun i berga Sion, kay djivau me, o baro Devel, ko ray pral o bolepen oun i phoub, kay berga kharell Debleskri berga.”

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

4. Mose 5:3

Morshen oun djouvyen hounte bičrenn vin glan koy platsa, kay t'mare plarhtene khera tardo hi, te krenn yon gar koy platsa pale-čiddo, kay me pash t'mende djivau.”

3. Mose 21:12

Yaake rah har i moulo an peskro kheer hi, hounte djal lo gar dran o Debleskro kheer vin, te krell lo gar o kheer peskro Deblestar pale-čiddo. Yob vas djeteha maklo, te vell lo i rashay peskro Debleske. Me hom o baro Devel.

3. Mose 4:6

Yob čivell peskro goushto an ko rat, oun vitsrell efta kope ko ratestar glan o layntikro kotar than, hoy hi glan o Debleskri kouč isema.

2. Mose 15:2

Peskri zoryah vas o baro Devel ap miri rig. Miri gilyah sharau les dran o dji. Yob las man vin. Miro Devel hi lo, oun me kamau les te sharell. Miro dadeskro Devel hi lo, oun me kamau les pre te hadell.

3. Mose 10:4

O Mose das o Mishael oun o Elizafan gole. Kolengro dad his o Ouziel. Kova his o Aroneskro kak. Lenge penas lo: “Avenn kay, hidjrenn t'mare phralen vin dran o Debleskro kheer glan koy platsa, kay i menshe hi!”

Bičepangre 7:44

O Stefano penas doureder: Mare phouren his o Debleskro tikno kheer, hoy his kerdo dran firhengre balla, oun hidjran les lentsa, har djan le an o moulo them trouyel. Kava kheer kran le yaake, har o Devel kova o Moseste ap i berga sikras.

2. Mose 29:46

Oun yon dikenna, te hom me o baro Devel, oun lom len vin dran o them Egiptia, te djivap mashkral lende, me, lengro baro Devel.

3. Mose 26:11

Oun me djivau mashkral t'mende, oun sikrau t'men gar miro doumo.

5. Mose 12:11

Palle hi vavarčandes har kanna: Palle anenn kova, hoy denn o baro Debleste, ap koy platsa, hoy yob peske vin rodas, te vell lo kote an-mangedo. Kote anenn lauter, hoy me t'menge penau: kol firhen, hoy kamenn leske te marell, save, hoy venn leske tseles rhačedo oun save, hoy rhan khetne. Kote anenn ninna o deshto kotar kolestar, hoy dren anan, oun ko vavar koova, hoy glan činlo hi, oun kova hoy denna yaake har t'men sovel dan.

Josua 22:31

Oun o Pinhas, koleskro dad o rashay Elazar his, penas ap lende: “Kanna djinah, te hi o baro Devel mashkral mende. T'mer peran gar lestar tele. Oun yob hounte dell peskre menshen Israel kek phagi.”

2. Mose 15:17

Tou aneh len ap i berga, hoy tou touke vin rodal, kote, kay tou khere hal, te djivenn le pash toute. Koya berga hi tiro kheer, baro Devel, hoy tou touke tire vastentsa kral, te vess kote sharedo.

1. Familjakro liil 22:19

Kanna denn t'maro djipen oun t'maro dji o baro Debleste, kay t'maro Devel hi! Oun stenn pre oun krenn leske i kheer, kay leske kokres hi. Kote te vell o morhton o baro Debleskre deesh labentsa dren čiddo, ninna ko vavar Debleskro koova. Kava kheer krenn t'mer, te vell o baro Devel sharedo.”

Ezekiel 37:26

Oun me pandau miro dji ap lende, oun krau lentsa vin, te nay djivenn le an o lačepen. Kova te ačell hako tsireske yaake. Oun me moukau len boud te vell, oun krau lendar i zoreli natsyona. Oun miro kheer ačell mashkral lende hako tsireske.

Ezekiel 37:28

Miro kheer ačell mashkral lende hako tsireske. Palle dikenn oun hayvenn i menshe an i vavar themma, te rodom me o baro Devel, i Israelitaryen mange vin, te venn le mire menshe.

Ezekiel 43:7

Yob penas ap mande: Tou, mensho, kate hi koy platsa, kay miri beshepaskri tardo hi oun ko banko, ap koleste mire pire čivau. Kate djivau hako tsireske mashkral i Israelitaryen. Oun i Israelitarya anenn bouder gar ladj ap mande, yon gar oun lengre bare raya vitar gar. Kova kran le, har mangan le vavar deblen an, oun har paskran le pengre bare rayen gar dour miro kherestar.