2. Mose 25:13 - O Debleskro Lab 2024 (Sinte-Manouche)

¹³ Palle čin lengste kashta dran akatstikro kasht oun čip sonakay troul lende!

O Debleskro Drom 2021 (Sinte)

¹³ Palle tchin lengste kashta dran akatstikro kasht un tchip sonakai trul lende!

2. Mose 25:13 Referans Kwoze

1. Familjakro liil 15:15

Oun i Levitarya hidjran o morhton ap pengre phika i hidjepaskre kashtentsa, yaake har o baro Devel penas kova o Moseske, oun kova les i Israelenge penas.

4. Mose 4:14

Oun ko tselo koova, kay boudrenn yon peha, čivenn le koy pral pre: yagakre čare, massengre forshette, bare roya, kolentsa lenn le i yagakri čik krik, čare, kay o rat dren vella, oun ko tselo koova, hoy koy pashel hi. Pral halauter čivenn le i lači ledertikri plarhta. Palle čivenn le kol hidjepaskre kashta an i goustria ap o bob.

4. Mose 4:11

Ninna hounte čivenn le i blaueti plarhta pral o sonakaskro bob, oun koy pral i lači ledertikri plarhta. Palle čivenn le i hidjepaskre kashta an i goustria ap o bob.

4. Mose 4:8

Pral kova halauter hounte čivenn le i plarhta, hoy hi lolo har yag, oun koy pral i lači ledertikri plarhta, oun čivenn i hidjepaskre kashta an pengre goustria.

4. Mose 4:6

Koy pre čivenn le i lači ledertikri plarhta oun pral pre i blaueti plarhta. Palle čivenn le kol hidjepaskre kashta an pengre goustria, yaake te hidjrenn nay le kova.

2. Mose 40:20

Oun yob las i barra, kay o Debleskre deesh laba dren činlo hi, oun čivas len an o sonakaskro morhton, oun čivas i hidjepaskre kashta an i goustria ap o morhton. Oun pral ap o sonakaskro morhton čivas lo o pralstouno kotar, hoy sikrella, kay o baro Devel peskre menshenge lačo hi.

2. Mose 37:4

Ninna kras lo lengste kashta dran akatstikro kasht, čivas sonakay troul lende,

2. Mose 30:5

Kre kol kashta dran akatstikro kasht oun de sonakay trouyel.

2. Mose 27:6

Kre douy lengste kashta dran akatstikro kasht, oun de lolo saster troul lende. Kol kashta venn an i goustria ap o Debleskri rhačepaskri čiddo, yaake te nay hidjrenn le lat.

2. Mose 25:28

Kol hidjepaskre kashta kress tou dran o kasht ko roukestar, hoy kharella Akatsia. Oun makess sonakay troul lende!

2. Mose 25:5

Bakreskri ledertikre plarhte, hoy lolo kerdo van, vavar lače ledertikre plarhte oun kasht i roukestar, hoy kharella Akatsia,

2. Mose 25:12

Kre ninna star sonakangre goustria! Oun kre len ap o morhton, ap leskre star herya, douy ap kay yek rig oun douy ap i vavar rig!

2. Mose 25:14

Kol kashta čip an kol goustria, hoy ap o morhton hi, yaake te nay hidjrenn le ko morhton trouyel.

1. Rajengro liil 8:8

Oun i hidjepangre kashta his yaake lengsto, kay lengre palstoune kotya nay diklo van an koy glanstouni isema, hoy hi glan i palstouni isema. Foun vin nay van le gar diklo. Oun kote his le bis ap kava dives.