2. Mose 24:11 - O Debleskro Lab 2024 (Sinte-Manouche)

¹¹ Ninna te dikan kol pralstoune Israelitarya o Debles, hadas lo gar peskro vast pral lende, te marell lo len. Oun pal kova rhan le oun piyan le.

O Debleskro Drom 2021 (Sinte)

¹¹ Ninna te dikan kol pralstune Israelitarja o Debles, hadas lo gar peskro wast pral lende, te marell lo len. Un pal kowa chan le un pijan le.

2. Mose 24:11 Referans Kwoze

2. Mose 18:12

Oun o Yetro las i firho, hoy yob o Debleske maras oun tseles rhačras, oun ninna vavar firhe, hoy yob maras, te rhan le len khetne glan o Debleste. Oun o Aron oun i tsele phoureder dran Israel van oun rhan khetne o Moseskri romyakro dadeha kote, kay yon o Debles an-mangan.

2. Mose 19:21

O baro Devel penas ap o Mose: “Dja tele oun pen lenge, te venn le gar doureder pre, te dikenn le man. Te venn le pre, hounte merenn boud lendar.

1. Mose 31:54

Oun yob maras i firho o Debleske ap koy berga oun kras i rhapen peskre menshenge. Oun yon rhan oun ačan i rati koy.

1. Mose 16:13

Koy poučas i Hagar pestar: “Dikom me čačepah o Debles, kay man dikell?” Oun yoy das o baro Debles, kay lah rakras, ko lab Tou hal i Devel, kay man dikell.

Jeremia 14:3

Kol bravele bičrenn pengre boudepangren pal pani. Kolla djan pash i brounna, oun hatsenn kek pani. Lengre khore anenn le kek panyeha pale. Lenge hi ropaske, oun khatrenn pengro mouy i ladjatar.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Nehemia 2:16

Oun i čačepangre morsha an o foro hayvan či kolestar, kay me homs oun hoy me krom. Či penom i biboldenge, vitar gar i rashayenge, i pralstunenge, i čačepangre morshenge oun kek vavarenge, kay pash koy boudi hoy man glan his, pashel hounte venn.

2. Familjakro liil 23:20

Palle las o Yoyada i pralstoune lourden peha, ninna i bravele oun an-dikle morshen oun i tsele menshe, kay kote khetne van. Oun yon anan o baro rayes tele dran o baro Debleskro kheer, oun van pash ko pralstouno voudar, djan dren oun doureder an o baro rayeskro kheer. Kote beshas lo pes ap peskri rayeskri beshepaskri.

1. Rajengro liil 21:8

Palle činas yoy lila an o Ahabeskro lab, čivas i sikepen koy pre, hoy sikras, te van kal lila o Ahabestar, oun bičras len ap i phourende oun pralstunende, kay khetne o Naboteha an o foro Yesreel djivan.

Čačepangre 13:22

Oun o Manoa penas ap peskri romni: “Kanna hounte meras! Mer dikam o Debles!”

Čačepangre 5:13

Kol čače morsha, hoy pral ačan, djan tele pash pengre pralstunende. O baro Debleskre menshe djan mantsa khetne an o kourepen, te kourenn le pen leske.

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

5. Mose 4:33

te shounan i menshe lengro Debles dran i yag ap lende te rakrell? Oun yon ačan djido, har t'menge djas?

4. Mose 21:18

Kaya hi koy brounna, hoy kol pralstoune vi-hadan. Lengre kashtentsa, ava, lengro rayeskro kashteha, hadan le lat vin. Palle moukan le o pani Beer pal pende oun djan doureder oun van pash Mattana.

2. Mose 24:1

Oun o baro Devel penas ap o Moseste: “Ab kate pre pash mande, tou oun o Aron, o Nadab, o Abihu oun 70 (efta-desha) i phourendar dran Israel. Kal morsha ačenn doureder krik tardo oun mangenn man kote an!

1. Mose 18:18

Me dom les miro lab: Yob vell o dad yaake boud menshendar, te vell lendar i bari oun zoreli natsyona. Oun koy barht, hoy dau leste, djal doureder ap i tsele natsyone, kay ap i phoub hi.

4. Mose 12:8

Yaake har rakrell i mensho i vavareha, rakrau me leha, an laba, kay lo mishto hayvella oun gar an parmisse. Oun yob dikell man, o baro Debles, har hom. Hoske his t'men kek traash, te rakrenn djoungeles pral o Mose, koles miro čačo vast hi?”

Daniel 10:17

Har nay rakrau me, tiro boudepaskro, touha, miro ray, kanna, kay bouder kek zoor an mande hi, oun kek dourho an mande ačell?”

Debleskri gili 139:5

Haki rigyatar lal tou man trouyel, oun rikreh tiro vast pral mande.