2. Mose 22:29 - O Debleskro Lab 2024 (Sinte-Manouche)

²⁹ Yaake kress ninna tire groumyentsa oun tire bakrentsa oun bouzyentsa. Efta divessa ačenn le pash pengri date. Oun ap o orhtato dives dess len mande.

O Debleskro Drom 2021 (Sinte)

²⁹ Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

2. Mose 22:29 Referans Kwoze

2. Mose 23:16

Rikrenn ninna bare divessa mange an ko tsiro, kay anenn o nevo djob dren. Oun bare divessa rikrenn mange ninna an ko tsiro pal i niyal, te anan i drake dren, oun lauter, hoy bares vas ap i rouka oun ap tiri phoub.

2. Mose 13:2

“Hako morsh čavo, kay hi o phoureder peskri datar pash i Israelitarya, ninna pash lengre firhende, dess tou mange. Kova hi miro.”

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

2. Mose 23:19

Tou aness o feteder halauterestar, hoy ap tiri phoub bares vas tiro baro Debleske an leskro kheer. Tou keress gar i terni bouzni an i thoud peskri datar.

Remarja 8:23

Oun gar kolla kokres, na-a, men ninna hi douka oun dikah o tselo djiyeha ap ko tsiro, kay vah čačepah Debleskre čave oun merah bouder gar. Ninna te hi men kanna o Debleskro Dourho an mende, dikah ap ko tsiro, kay merah bouder gar.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Micha 7:1

Me bibarhtelo, mange hi har yekeske, kay bokella, oun hatsell kek phabya ap o rouk, oun kek drake ap i drakengro rouk. Kol tsele lače phabya oun goudle drake hi krik.

2. Mose 34:19

T'mare phoureder morsh čave hi mange, ninna hako phoureder morsh ternepen, hoy i firhestar boldo vella, nay vell i gouroum, nay vell i bakro.

2. Mose 13:12

aness tou leske i tsele morsh čaven, kay hi i phoureder čave pengre dayendar. Ninna hako morsh firho, hoy hi o phoureder ternepen peskri datar, hi o baro Debleske.

Ezekiel 20:40

Ap miri bari berga an Israel, kay me djivau, kote mangenn man i tsele Israelitarya an, halauter kay an o them hi. Oun me lau len an o lačepen an, oun kamau, te anenn le mange kote firhen oun djob, yaake har glan činlo hi, ninna ko koova, hoy mange ap i rig čivan.

2. Familjakro liil 31:5

Oun har i menshe ko lab shounan, dan le boud kolestar, hoy pash lende bares vas: o feteder djob, mool, djet, gvin oun kolestar, hoy ap lengri harhetikri phoub bares vas. Ninna o deshto kotar halauterestar anan le, oun kova his boud.

2. Rajengro liil 4:42

Koy vas i morsh dran o them Baal-Shalisha oun anas ko Debleskro morsheske maro dran nevo djob: biish mare, oun ninna nevo djob an i gono. Oun o Elisa penas ap peskro boudepaskro: “De kova i menshende rhapaske!”

2. Mose 23:15

kol bare divessa, kay rhah tou efta divessa ko maro, an koleste kek shoutlo yarro dren hi. Kol divessa rikress tou an o čon Abib. Kova kress tou, te bistress gar, te nashal an ko čon dran o them Egiptia. Oun ab gar an o Debleskro kheer, te hi či an tiro vast, hoy tou leske aneh!

2. Mose 34:20

Te hi o ternepen i bourikakro ternepen, dess tou man leske i terno bakro. Kamenn t'mer kova gar, palle phagenn koy terni bourika i meen! T'mare phoureder morsh čave, ma marenn len! Kolenge denn mange i firho, hoy mange marenn. Kek vell an miro Debleskro kheer i vastentsa, kay či dren hi.

3. Mose 22:27

Te vell i tikni groumni, i tikno bakro oder i tikni bouzni boldo, palle vell kava ternepen efta divessa pash peskri date. Pal o orhtato dives nay aneh les o baro Debleske, te vell les leske maredo. Palle dikell lo lačes ap leste.

5. Mose 15:19

Tire tsele morsh groumya oun bakre, kay i phoureder lengre dayendar hi, hounte dess tiro baro Debleste. Kal groumyentsa boudress gar ap tiri harhetikri phoub, vitar gar činess kal bakrenge i balla.