2. Mose 22:20 - O Debleskro Lab 2024 (Sinte-Manouche)

²⁰ Ma krenn kolen o djipen phares, kay hi vi-themarya pash t'mende! Oun moukenn len gar čičeske t'menge te boudrell! Bistrenn gar, te hans t'mer ninna vi-themarya an o them Egiptia.

O Debleskro Drom 2021 (Sinte)

²⁰ Ma krenn kolen o djipen phares, kai hi wi-themarja pash tumende! Un mukenn len gar tchitcheske tumenge te budrell! Bistrenn gar, te hans tumer ninna wi-themarja an o them Egiptia.

2. Mose 22:20 Referans Kwoze

5. Mose 18:20

Te phourdell pes i Debleskro rakepaskro pre, oun penell i rakepen an miro lab, hoy me leske gar penom, te hounte rakrell lo, savo rakepaskro hounte merell. Ninna te rakrell yob an o lab i vavar deblestar, hounte merell lo.

4. Mose 21:3

Oun o baro Devel shounas ap o Israel oun das kol Kanaanitaryen an lengre vasta. Oun yon maran len oun kran lengre forya paash. Oun dan ko kotar them o lab Horma.

2. Mose 32:8

Sik djan le ko dromestar tele, kay me sikrom lende. Yon kran penge i devel, – i terno gouroum, – oun mangan les an, maran firhen leske oun penan: Kava hi tiro Devel, Israel, kova, kay anas tout dran o them Egiptia vin.”

2. Mose 34:15

Ma avenn mala kol vavar menshenge an o them! Yon mangenn pengre deblen dran kasht oun bar an, oun marenn firhen lenge. Te vans t'mer lengre mala, nay djals, te djan lentsa oun rhan ko rhapen, hoy yon anan lengre deblen.

3. Mose 17:7

I Israelitarya hounte marenn bouder kek firhen i bengenge, kolenge yon kanna gomme palla nashenn. Ap kova hounte rikrenn le pen, ninna lengre čavenge oun kolengre čavenge oun yaake doureder hako tsireske.

1. Rajengro liil 18:40

Oun o Eliya penas ap lende: “Taprenn kol rashayen o deblestar Baal! Kek te nashell peske!” Oun yon tapran len, oun o Eliya anas len tele pash o pani Kishon oun maras len kote.

2. Rajengro liil 10:25

Har kolla pre rhačan, penas o Yehou ap kol klistende oun pralstoune lourdende: “Djan dren oun denn lauteren moulo! Moukenn kekes krik nashell!” Oun yon dan len o rhareha. Oun kol lourde, kay yak dan oun pralstoune lourde vitsran kolen vin, kay moulo hi, oun djan doureder dren an o kheer o deblestar Baal.

2. Familjakro liil 15:13

Oun hakeno, kay kamals o baro Debles, kay o Israeleskro Devel hi, gar te rodell, hounte vals maredo, o tikno oun o baro, morsh oun djouvel.

Ezekiel 20:7

Oun me penom ap lende: Hakeno t'mendar hounte vitsrell kol djoungele figuren krik, hoy lo an-mangell. Rikrenn t'men pale kol rhorhene deblendar, kolen i Egiptarya an-mangenn, te venn t'mer gar pale-čiddo! Me, o baro Devel, hom t'maro Devel.

2. Mose 23:9

Ma krenn kolenge o djipen phares, kay vi-themarya hi! T'mer djinenn, har kova hi! T'mer hans vi-themarya an o them Egiptia.

3. Mose 19:33

Te djivell i vi-themarya an t'maro them, palle rikrenn les gar tele!

5. Mose 10:18

Yob dikell koy pre, te lenn pengro čačepen kol čave, kolen kek dad bouder hi, ninna kol djouvya, kolengro rom meras. Oun i vi-themaryen kamell yob o djiyeha oun dell len rhapen oun koola an-ripaske.

5. Mose 23:8

I Edomaryen čivenn gar pale! Yon hi t'mare phrala. Vitar gar čivenn i Egiptaryen pale. An lengro them djivan i rah tsiro.

5. Mose 24:17

Te hal tou i čačepaskro, hounte dess tou ninna i vi-themares peskro čačepen, ninna i čaven kolengro dad meras. Oun kol djouvyen, kolengro rom meras. Ma le o ripen i romyatar, kolakro rom meras, te rikress les, bis te yoy peskri siyaan playsras.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.