2. Mose 22:11 - O Debleskro Lab 2024 (Sinte-Manouche)

¹¹ Te vas ko firho leske čoredo, palle hounte playsrell lo ko firheske, hoy čoredo vas.

O Debleskro Drom 2021 (Sinte)

¹¹ Te was ko viecho leske tchoredo, palle hunte plaissrell lo ko viecheske, hoi tchoredo was.

2. Mose 22:11 Referans Kwoze

Gosewe laba 30:9

Te vals man boudeder har man hounte vell, nay penaus: “Koon hi o baro Devel?” Oun te vals man gar doha, nay čoraus oun anaus ladj ap miro Debleste.

3. Mose 6:3

O rashay rivell peskro layntikro gad an, oun ninna kol layntikre rholopya. Yob lell i yagakri čik krik, hoy vell ko firhestar, koleskro tselo mass rhačedo vas. Oun yob čorell koy čik vin pash i rhačepaskri.

3. Mose 5:1

Te vell yek glan i čačepangre anlo, te penell lo, hoy lo dikas oun shounas, oun yob rikrell kova peske, oun penell či, ninna te dikas oder shounas lo, hoy koy his. Palle anas lo i doosh ap peste oun hounte hidjrell lat.

2. Mose 23:1

Tou rakress kek koova doureder, hoy tou shounal, oun tou gar djineh, te hi kova čačo! Ma rhorhe i vavareske, kay anas doosh ap peste!

2. Mose 22:8

Kote, kay douy morsha čingrenn pen pral i groumni, i bourika, i bakro, i ripen, ninna pral vavar koova, hoy nashedo vas, kote hounte venn kol douy glan o Debleste. Oun kones o Devel i doosh dell, kova dell ko vavares douy kope yaake boud pale.

2. Mose 22:10

palle dell yob pes ap o baro Debleste sovel, te tapras leskro vast ap či, hoy o vavares hi. Palle hounte lell ko vavar koy sovel an, yaake te dell les ko vavar či pale.

2. Mose 22:12

Te vas ko firho khetne dandedo i vavar firhestar, palle anell lo ko moulo firhes, hoy dandedo vas, oun sikrell, te vas lo khetne dandedo. Kova te krell lo, hounte dell lo či pale.

Sikepaskro 8:2

Te dan t'men sovel glan o baro Debleste, te shounenn ap kova, hoy o baro ray t'menge penell, palle rikrenn t'men ap kova!