2. Mose 21:6 - O Debleskro Lab 2024 (Sinte-Manouche)

⁶ Palle lell les leskro ray oun anell les glan o Debleste, oun čivell les glan o voudar tardo, oun dell i kashteni soub an leskro kand čourye. Kova sikrell, te ačell lo peskro tselo djipen leskro boudepaskro.

O Debleskro Drom 2021 (Sinte)

⁶ Palle lell les leskro rai un anell les glan o Debleste, un tchiwell les glan o wudar tardo, un dell i kashteni sub an leskro kand tchurje. Kowa sikrell, te atchell lo peskro tselo djipen leskro budepaskro.

2. Mose 21:6 Referans Kwoze

5. Mose 15:17

Palle less i kashteni soub oun dess lat an leskro kand ap tiro voudar čourye. Yaake vell lo tiro boudepaskro hako tsireske. I boudepaskretsah kress kova ninna yaake.

3. Mose 25:40

Yob te vell touke har yek, kay boudrell pash toute oun vell haki rat playsedo. Har yek, kay yek tsiro pash toute djivell oun boudrell, ačell lo pash toute, bis te vell ko bersh, kay i tseli siyaan mouklo vell.

1. Samuel 28:2

“Mishto”, penas o David. “Me hom tiro boudepaskro. Kanna nay dikeh tire yakentsa, hoy me krau.” Oun o Akish penas: “Mishto, tou vess kova, kay o tselo tsiro ap miro djipen yak hounte dell.”

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

1. Rajengro liil 12:7

Kote rakran yon leha oun penan: “Te shouneh tou kava dives ap kal menshende, oun kreh, hoy yon kamenna, oun rakreh lentsa kamle laba, palle hi yon tire boudepangre an hako tsiro.”

1. Samuel 27:12

Oun o Akish patsas o Davides, oun penas peske: “Yob kras pes pash peskre menshende Israel yaake khandles, te ačell lo hako tsireske miro boudepaskro.”

1. Samuel 1:22

koy djas i Hanna gar lentsa. Yoy penas ap peskro romeste: “Te piyell o čavo bouder gar ap o beč, kamau me les pre te anell glan o baro Debleste. Oun yob ačell palle koy, yaake rah yob djivella.”

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

5. Mose 1:16

Ap kal čačepangre morshende penom ko tsireske, hoy te krenn le, oun penom: “Shounenn, hoy t'mare phralen, kay čingepen mashkral pende hi, t'menge penenna. Kova nay vell i čingepen mashkral t'men Israelitaryen, nay vell ninna i čingepen mashkral yekeste t'mare menshendar oun yekeste dran i vavar them, kay pash t'mende djivell. Denn koles o čačepen, kay an o čačepen hi.

3. Mose 25:23

Ma bikrenn ko them yaake, te vell kova hako tsireske i vavareske! Ko them hi mange. Oun t'mer han har vi-themarya, kay moukau pash mande te djivell.

2. Mose 22:28

An ko tsiro, kay aneh tiro djob oun tire drake dren, de tiro Debles, hoy leske hi! Tiro phoureder morsh čaves dess tou tiro Debles.

2. Mose 21:22

Te čingrenn pen douy morsha, oun i romni, hoy an vavar koova hi, lell i dap, yaake te nashrell li peskro ternepen, oun yoy vell pale sasto, palle hounte playsrell kova, hoy das lat koy dap, love. Glan i čačepangre hounte playsrell lo yaake boud love, har lakro rom mangella.

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

Jesaja 1:26

Me dau tout pale čačepangre morshen oun rakepangren, kay o čačepen vin krenn, yaake har an i phoure tsirya his. Oun palle kharenn le tout čačepaskro foro oun foro kolendar, kay ap o Debleste patsenna.

2. Mose 21:5

Te penell o boudepaskro: “Me kamau miro rayes oun miri romyat oun mire čaven. Me kamau te ačap pandlo ap miro rayeste oun kamau gar te djal.”

2. Mose 21:7

Te bikrell i morsh peskri čat, te vell li i pandli boudepaskretsa, palle hounte ačell li pandli. Oun yoy nay djal peske gar, har i pandlo boudepaskro morsh nay djal peske.

5. Mose 15:16

Yob te penell ap toute: “Me kamau gar toutar te djal. Kamau tout oun tiri familya o djiyestar. Pash toute djal mange mishto.”

Debleskri gili 82:1

I gili o Asafestar. O Devel hi tardo mashkral o bolepaskro tsillo, oun rakrell o čačepen vin pral i debla.