2. Mose 21:26 - O Debleskro Lab 2024 (Sinte-Manouche)

^26-27 Koon dell peskro boudepaskro i yak vin, kova hounte moukell les te djal o yakeske, hoy das lo les vin. Ninna kova, kay das peskro boudepaskro i dand vin, hounte moukell les te djal o dandeske, hoy das lo les vin. Kova vell ninna yaake kerdo pash i boudepaskretsa.

O Debleskro Drom 2021 (Sinte)

^26-27 Koon dell peskro budepaskro i jak win, kowa hunte mukell les te djal o jakeske, hoi das lo les win. Ninna kowa, kai das peskro budepaskro i dand win, hunte mukell les te djal o dandeske, hoi das lo les win. Kowa well ninna jaake kerdo pash i budepaskretsa.

2. Mose 21:26 Referans Kwoze

Kolossarja 4:1

T'mer kay han raya, ap t'mende penau: Avenn čačes ap t'mare boudepangre oun djan lentsa mishto trouyel! Ma bistrenn, kay hi t'men ninna i ray an o bolepen!

Efesarja 6:9

T'mer, kay han raya, ap t'mende penau: Avenn lačes ap kolende, kay t'menge boudrenna! Ma denn len trad! T'mer djinenna: Len hi i ray an o bolepen. Kova hi ninna t'maro ray. Glan leskre yaka hi yek mensho har o vavar.

Debleskri gili 10:18

Oun tou deh o čačepen i čorvelenge oun kolenge, kay len kek dad bouder hi, yaake te nay krell bouder kek mensho i vavarenge daar ap kay phoub.

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

Nehemia 5:5

Yon lauter penan: “Mer ham har mare phrala, lengro mass oun rat. Mare čave hi har lengre čave! Oun mer hounte das mare čaven oun čen lende, te venn le lengre boudepangre. Oun mank mare čende hi save, kay van zoryah an-tapedo. Oun mer nay krah či. Oun mari harhetikri phoub oun maro drakengro them hi vavaren.”

5. Mose 16:19

Te hal tou i čačepaskro, hounte dess tou koles peskro čačepen, koon an o čačepen hi. Tou dikess gar koy pre, koon glan toute tardo hi. Te dell yek tout kouč koova, te dess tou les čačepen, ma le kova an! Koon savo shoukar kouč koova an-lell, vell korelo o čačepaske, oun dikell bouder gar, koon an o čačepen hi.

2. Mose 21:20

Te dell yek peskro boudepaskres i kashteha, yaake te merell lo, palle lell lo i phagi. Kova vell ninna yaake kerdo pash i boudepaskretsa.

2. Mose 21:25

i rhačepaskro doukepen i rhačepaskro doukepaske, i činepen i činepaske, i dap i dapeske.

2. Mose 21:24

i yak i yakeske, i dand i dandeske, i vast i vasteske, i heri i heryake,