2. Mose 20:9 - O Debleskro Lab 2024 (Sinte-Manouche)

⁹ Shob divessa dja ap tiri boudi oun kre tiri tseli boudi!

O Debleskro Drom 2021 (Sinte)

⁹ Shob diwessa dja ap tiri budi un kre tiri tseli budi!

2. Mose 20:9 Referans Kwoze

Louka 13:14

Koy rhoyras pes ko pralstouno an i biboldengri kangri, kay o Yezous koy djouvyat ap o Debleskro dives sasto kras. Oun kova penas ap i menshende: “Mer hounte boudras shob divessa. Avenn an kolla divessa, te moukenn t'men sasto te krell, oun gar ap o Debleskro dives!”

2. Mose 34:21

Shob divessa krenn t'mari boudi! Ap o eftato dives krenn či! Kova te vell yaake hako tsireske, ninna ko tsireske, kay t'mer boudrenn ap t'maro kotar phoub oun kay t'mer anenn o djob dren.

2. Mose 23:12

Shob divessa boudress tou! Ap o eftato dives boudress tou gar! Ninna tire groumya, tiri bourika, tire boudepangre oun i vi-themarya, hoy pash toute hi, boudrenn ap ko dives gar, yaake te nay lenn le pale nevi zoor.

3. Mose 23:3

Rikrenn o Debleskro dives! Shob divessa boudrenn, ap o eftato dives krenn kek boudi! Ko dives hi o baro Debleske. Ap leste avenn khetne glan leste! Ap kava dives krenn kek boudi, kay t'mer ninna djivenna!

2. Mose 35:2

Shob divessa krenn t'mari boudi! O eftato dives hi o Debleskro dives. Ap ko dives krenn či! Ko dives hi o baro Debleske. Koon ap kava dives boudrella, hounte merella.

2. Mose 16:26

Shob divessa lenn t'men maro khetne! O eftato dives hi o Debleskro dives. Ap ko dives dell kek maro.”

2. Mose 31:15

Shob divessa boudress tou. O eftato dives kress tou či. Ko dives hi o baro Debleske. Kova, kay boudrella, vell moulo dino.

2. Mose 35:3

Ap ko dives krenn kek yag an t'mare tsele khera!”

5. Mose 5:13

Shob divessa dja ap tiri boudi oun kre tiri tseli boudi!

Ezekiel 46:1

Kava penell o baro Devel, maro ray: Ko voudar glan i tikni glanstouni platsa ap koy rig, kay o kham pre djal, kova ačell pandlo ap kol shob divessa, kay boudrenn le. Ap o eftato dives – ko Debleskro dives – vell lo pre kerdo, ninna ap o dives, kay o nevo čon diklo vell.