2. Mose 20:25 - O Debleskro Lab 2024 (Sinte-Manouche)

²⁵ Te krenn t'mer mange i rhačepaskri dran barra, palle lenn i barra yaake, har hi le. Denn či lendar tele! Te vell i saster pral lende, hi le mange pale-čiddo.

O Debleskro Drom 2021 (Sinte)

²⁵ Te krenn tumer mange i chatchepaskri dran barra, palle lenn i barra jaake, har hi le. Denn tchi lendar tele! Te well i saster pral lende, hi le mange pale-tchiddo.

2. Mose 20:25 Referans Kwoze

Josua 8:31

Kova kras lo yaake, har o Mose, o baro Debleskro boudepaskro, ap i Israelitarya penas: “dran barra, hoy gar paash his oun ap kolende kek sasteha dino vas.” Kova hi yaake tardo an o Moseskro liil, kay činlo hi, har i Israelitarya hounte djivan. Oun ap kol barra rhačran le firhen o baro Debleske, saven, hoy van tseles rhačedo, oun ninna saven, kay rhan le khetne glan o Debleste.

2. Mose 20:24

Hi mange doha, te krenn mange i rhačepaskri dran phoub! Koy pre anenn mange kol marede bakren oun groumyen, hoy rhačrenn tseles mange, ninna kolen, hoy mange marenn, te rhan t'mer lengro mass khetne glan mande. Kote, kay kamau, te mangenn man an, kote vau me pash t'mende oun dau t'men miri barht oun miri zoor.

1. Rajengro liil 6:7

I barra ko khereske van dino, glan te vas o kheer kerdo. Yaake vas kek sasterno depaskro shounlo, kek tover, vitar kek vavar sasterne koola, an ko tselo tsiro, har o Debleskro kheer kerdo vas.

Ezekiel 40:42

Oun kol star rhapangre, hoy kol firhenge hi, hoy o Debleske tseles rhačedo venn, kolla his dino dran bare barra, 75 (efta-deesh-te-panč) centimetarya lengsto, oun ninna yaake bourhlo, oun i paash metari baro. Koy pre venn kol čourya oun vavar koola čiddo, kolentsa i firhe maredo venn, save firhe, kay venn tseles rhačedo, oun hake vavaren ninna.

2. Mose 24:4

Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.