2. Mose 20:18 - O Debleskro Lab 2024 (Sinte-Manouche)

¹⁸ Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

O Debleskro Drom 2021 (Sinte)

¹⁸ Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

2. Mose 20:18 Referans Kwoze

Jeremia 23:23

Me hom i Devel, kay ap i tseli phoub hi, oun gar ap yek platsa.

1. Mose 3:10

Penas o rom: “Me shounom, kay hal an i baar. Oun man his traash. Me hom nango. Koy khatrom man.”

5. Mose 4:36

Dran o bolepen vin rakras lo ap t'mende, te sikrell lo t'men leskro drom. Oun ap i phoub moukas lo t'men peskri bari yag te dikell. Oun dran koy yag vin shounan t'mer kol laba, hoy yob ap t'mende rakras.

5. Mose 5:5

Oun me homs mashkral t'mende oun o baro Debleste tardo an ko tsiro, te penap t'menge, hoy lo penas. T'mer daran i yagatar oun djan gar ap i berga pre. Oun o baro Devel penas:

5. Mose 5:25

Oun kanna, hoske meras mer? Kay bari yag rhal men pre. Te shounah mer o rakepen maro baro Deblestar gomme doureder, palle merah mer.

5. Mose 18:16

Ap ko dives, kay hans khetne pash i berga Horeb, mangan t'mer kova t'maro baro Deblestar, oun penan: Mer kamah bouder gar o rakepen maro baro Deblestar te shounell, oun kay bari yag kamah vitar gar bouder te dikell, te hounte meras gar!

Debleskri gili 81:7

Me lom t'mendar ko pharo koova tele, hoy ap t'mare phika his, oun t'mare vasta hounte hidjrenn bouder gar kol phare barra.

1. Mose 15:17

Oun har o kham tele djas oun rati vas, dikas o Abram i bob, dran koleste i yagakro dourho pre djas. Oun yag djas mank kol kotya mass.

5. Mose 5:23

Oun har shounan t'mer ko rakepen dran ko kalepen oun dikan har i berga rhačas, koy van t'mare pralstoune pral i deesh-te-douy bare familyende oun t'mare phoureder pash mande,

5. Mose 5:27

Dja tou koy, oun shoun halauter, hoy maro baro Devel penell, oun pen kova menge. Halauter, hoy maro baro Devel touke penell, kamah te shounell oun les krell.”