2. Mose 2:23 - O Debleskro Lab 2024 (Sinte-Manouche)

²³ Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

O Debleskro Drom 2021 (Sinte)

²³ Pal i rah tsiro meras o baro rai pral o them Egiptia. Fothe phares hunte budran i Israelitarja tel dawa un dan gole, te shunas len o Dewel.

2. Mose 2:23 Referans Kwoze

Jakobo 5:4

Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

Bičepangre 7:30

Star-deesh bersha pal kova his o Mose an o moulo them pash koy berga Sinay. Koy moukas pes i Debleskro bolepaskro glan leste te dikell an i soubyengro bour, hoy rhačas.

1. Mose 16:11

Tou hal an vavar koova. Tou leh i morsh čavo. Koles dess tou o lab Ismael. O baro Devel shounas, har dal gole i bibarhtyatar.

Jesaja 19:20

Ko bar sikrella, te hi o baro Devel ninna an o them Egiptia, yob, kay hi o ray pral o bolepen oun i phoub. Oun te denn le ap o baro Debleste gole, te lell lo len vin dran i vasta kolendar, kay rikrenn len tele, palle bičrell lo lenge yekes, kay lell lengro koova an o vast, oun lell len vin dran lengre vasta.

Debleskri gili 18:6

I moulengro them pandas peskre shelle troul mande, oun o merepaskre shelle tserdan man tele.

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Nehemia 9:9

Oun tou dikal o pharo djipen mare phourendar an o them Egiptia, oun shounal lengri gole, har his le pash o Baro Lolo Pani.

5. Mose 24:15

Ap ko emligo dives dess tou les peskre love i boudjake, hoy lo touke boudras, glan te djas o kham tele. Yob hi čorvelo, oun les hounte vell kol love djipaske. De len leste, te dell lo gar gole ap o baro Debleste pral toute, oun yaake doosh ap toute vell.

2. Mose 4:19

Oun o baro Devel penas ap o Moseste an o them Midian: “Dja an o them Egiptia palpale! Kol tsele morsha, kay kaman tout te marell, djivenn bouder gar.”

1. Mose 4:10

Oun o Devel penas: “Hoy kral tou? Shoun! Tiro phraleskro rat dell gole pal mande dran i phoub.

4. Mose 20:16

Oun mer dam pal o baro Debleste gole. Kova shounas men oun bičras i bolepaskres. Oun yob anas men dran o them Egiptia vin. Kanna ham an Kadesh, i foro gar dour tiro themestar.

2. Mose 7:7

Oun o Mose his 80 (orhta-deesh) bersha oun o Aron 83 (orhta-deesh-te-triin) bersha phouro, har yon ap o Farao rakran.

Jesaja 5:7

O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

2. Mose 1:14

Len his kek dji lenge oun kran lengro djipen phares. Oun i Israelitarya hounte rhačan barra dran čik. Ninna hounte boudran le phares ap i harhetikri phoub.

2. Mose 6:5

Ninna shounom me i gole, har i Israelitarya gole dan i doukatar, har i Egiptarya lenge i zoryah phari boudi pre čivan. Oun me bistrom miro lab gar oun rikrau les.

2. Mose 6:9

Kal laba penas o Mose ap i Israelitarya. Ninna har rakras yob yaake ap lende, shounan le gar ap leste. Yaake phari his lengri boudi ap lende, oun an lengre djia his bouder kek zoor.

1. Samuel 12:8

Har o Yakob an o them Egiptia vas, oun i Egiptarya t'mare phourenge o djipen phares kran, dan yon gole ap o baro Debleste, te vell lo ap lengri rig. Oun o baro Devel bičras o Moses oun o Arones. Oun yon anan t'mare phouren dran o them Egiptia vin, oun moukan len kate an kava them te djivell.

Hiob 35:9

Te krenn i zorele i vavarenge boud čilačo koova, rovenn kolla, oun denn gole pal yekeste, kay lell len vin dran i vasta kol zorelendar.

Debleskri gili 102:1

I mangepen yekestar, koleske gar mishto djal, oun koles bouder kek zoor hi, oun kay glan o baro Debleste peskri dji vin čorella.

Čačepangre 4:3

O baro rayes Yabin his 900 (enya-sheel) sasterne vourdya o kourepaske. Oun yob kras i Israelenge i pharo djipen biish bersha. Doleske dan le bari gole ap o baro Debleste.

1. Samuel 9:16

“Taysar kava tsireske bičrau me i morshes dran o them Benyamin pash toute. Koles less tou oun makess les o kouč djeteha, te vell lo ray pral mire menshende, i Israelitarya. Kova lell len vin dran o vast i Filistarendar. Me dikom har phares yon o djipen mire menshendar kran. Oun lengri gole vas glan mande.”

Debleskri gili 102:2

Baro Devel, shoun miro mangepen! Shoun, har dau ap toute gole!