Biblia Todo Logo
Bib sou entènèt

- Piblisite -




2. Mose 16:6 - O Debleskro Lab 2024 (Sinte-Manouche)

6 Oun o Mose oun o Aron penan ap i tsele Israelitarya: “Kava dives ap i rat dikenn t'mer, te hi kova o baro Devel, kay las t'men vin dran o them Egiptia.

Gade chapit la Kopi

O Debleskro Drom 2021 (Sinte)

6 Un o Mose un o Aron penan ap i tsele Israelitarja: “Kau diwes ap i rat dikenn tumer, te hi kowa o baro Dewel, kai las tumen win dran o them Egiptia.

Gade chapit la Kopi




2. Mose 16:6
14 Referans Kwoze  

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.


Te krell o baro Devel čomone neves, kay i phoub krell peskro mouy pre, oun tserdell len dren lauterentsa, hoy len hi, yaake te djan yon djides tele an o moulengro them, palle djinenn t'mer, kay kalla morsha pral o baro Debleste djoungeles rakran.”


Oun o Mose penas: “Koy pre hounte dikenn t'mer, kay bičras man o baro Devel, te krap ko tselo koova, oun kay me kova gar mandar krau.


Tou djal mashkral o baro pani. Tire herya djan an o telstouno pani. Oun kek nay dikas, kay tire herya stakran.


O Mose mangas o baro Debles, kay leskro Devel his, oun penas: “Baro Devel, tiro zorelo vasteha anal tou tire menshen dran o them Egiptia vin, oun sikral tiri tseli zoor. Hoske kameh tou len kanna an tiri rholi temerl te dell?


O baro Devel rakras ap o Mose: “Naash, dja tele, tire menshe, kay tou dran o them Egiptia vin anal, kran djoungelo koova.


Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”


Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”


Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”


Oun ap kava dives anas o baro Devel i tsele Israeleskre familyen vin dran o them Egiptia, yek familya pal i vavar.


Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.


Me hom tiro baro Devel, kay tout dran o them Egiptia vin anas. Kre tiro mouy dour pre, oun me dau tout boud rhapen.


Swiv nou:

Piblisite


Piblisite