2. Mose 15:1 - O Debleskro Lab 2024 (Sinte-Manouche)

¹ An kova tsiro givas o Mose oun i Israelitarya kaya gili, oun yon penan: Me kamau te givap i gili o baro Debleske. Baro oun zorelo hi lo! Graya oun morsha vitsras lo an o baro pani.

O Debleskro Drom 2021 (Sinte)

¹ An kowa tsiro giwas o Mose un i Israelitarja kaja gili, un jon penan: Me kamau te giwap i gili o baro Debleske. Baro un sorelo hi lo! Graja un mursha witsras lo an o baro pani.

2. Mose 15:1 Referans Kwoze

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!

2. Mose 15:21

Oun i Miryam givas lenge glan: Me kamau te givap i gili o baro Debleske. Baro oun zorelo hi lo! Graya oun morsha vitsras lo an o baro pani.

Debleskri gili 106:12

Palle patsan le leskre laba, oun givan leske gilya.

Debleskri gili 107:8

Yon hounte parkrenn pen pash o baro Debleste, te vas lo yaake lačes ap lende, oun kras baro shoukar koova ap i menshende.

Kolossarja 2:15

Oun i raya oun lauter, kolen hi penepaske mashkral o bolepen oun i phoub, kolla nashran pengri zoor, har o Yezous Kristo ap o troushel meras. Kote sikras o Devel glan lauterende, kay hi o Yezous Kristo zorleder har yon.

Debleskri gili 107:15

Yon hounte parkrenn pen pash o baro Debleste, te vas lo yaake lačes ap lende, oun kras baro shoukar koova ap i menshende,

2. Mose 18:11

Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

2. Mose 14:27

Kote hadas o Mose peskro vast pral o baro pani. Oun har o kham pre djas, vas o pani pale oun peras ap kol Egiptarya, kay ap o naashepen his. Yaake tradas len o baro Devel mashkral an o baro pani.

4. Mose 21:17

Ap ko tsiro givas o Israel koy gili: Pani, ab pre! Givenn pral leste!

Nehemia 9:11

Tou dal o baro pani, yaake te djas lo ap douy rigya krik, oun i drom koy his, kay nay djan tire menshe mashkral ko baro pani ap i vavar rig. Kolla, kay tire menshe palla lan, tassan oun djan tele har barra an o telstouno pani.

Hiob 36:24

Ma biste, te sharess o Debles koleske, hoy yob kras, har ninna vavar menshe sharenn les pengre gilyentsa!

Debleskri gili 32:7

Pash toute nay khatrau me man, glan kova, hoy mange daar krell. Doleske sharau tout i barhtelo djiyeha pral kova, har tou man vin lal dran i bibarht.

Debleskri gili 76:6

I zorele morsha van vi-čoredo oun meran. Oun i kourepangre lan pengre moussya gar pre.

Debleskri gili 105:43

Har anas lo peskre vi-rodede menshen vin, sanas lengro dji. Oun yon givan i barhtyatar.

Gosewe laba 29:6

I čilačo taprell pes an peskro čilačepen. Kova, kay an o čačepen tardo hi, djal barhteles peskro drom.

Jesaja 42:10

Givenn o baro Debleske i nevi gili! Sharenn les ap i tseli phoub bis an i palstoune themma! Sharenn les, t'mer, kay ap o baro pani oulerenn, oun t'mer lauter, kay an o baro pani djivenn! Ninna t'mer, kay an o panyeskre themma djivenn, sharenn les!

Jeremia 51:21

Tiri zoryah dom me grayen oun klissepangren paash, ninna vourdya oun kol kourepangre, kay koy pral tardo hi.

Habakuk 3:18

Miro dji hi barhtelo pral o baro Debleste, Miro dji givell oun djinell: Miro Devel lell man vin dran o merepen.

2. Mose 14:26

O baro Devel penas ap o Moseste: “Hade tiro vast pral o baro pani, te vell o pani pale oun perell ap i Egiptarya, lengre vourdya oun kourepangre.”

Debleskri gili 76:7

Har dal tou len trad, tou, o Yakobeskro Devel, peran i graya oun kolla, kay ap lende beshdo hi, an o sopen.

Hosea 2:17

Kote dau late pale lakro drakengro them, oun koy tala Akor vell lake har i baro voudar, pal koleste lake o kham pre djal. Oun kote nashell li pale kamles pal mande, har an ko tsiro, kay li terno his, har an ko tsiro, kay li dran o them Egiptia djas.