2. Mose 14:4 - O Debleskro Lab 2024 (Sinte-Manouche)

⁴ Palle pandau me leskro dji, te lell lo len palla. Oun me sikrau miro barepen oun miri zoor ap leste oun ap leskre tsele lourdende. Oun i Egiptarya hayvenn: Me hom o baro Devel.” Oun i Israelitarya kran yaake har o Mose lenge penas.

O Debleskro Drom 2021 (Sinte)

⁴ Palle pandau me leskro dji, te lell lo len palla. Un me sikrau miro barepen un miri soor ap leste un ap leskre tsele lurdende. Un i Egiptarja haiwenn: Me hom o baro Dewel.” Un i Israelitarja kran jaake har o Mose lenge penas.

2. Mose 14:4 Referans Kwoze

Remarja 9:17

An o Debleskro lab hi činlo, har moukas o Devel ap o baro rayeste pral o them Egiptia te penell: Me krom tout bares, te sikrap miri zoor ap toute, yaake te vell miro lab ap i tseli phoub prindjedo.

2. Mose 7:5

Oun kol Egiptarya dikenn oun hayvenn, kay hom me o baro Devel, te hadau me miro vast pral o them Egiptia oun lau i Israelitarya mashkral lende vin.”

2. Mose 7:3

Me kamau leskro dji har i bar te krell, yaake te nay krap boud baro koova an o tselo them Egiptia, te sikrap miri bari zoor.

2. Mose 9:16

Me moukom tout doleske djido, te dikess miri bari zoor, oun te rakrenn le mandar ap i tseli phoub.

2. Mose 7:17

Doleske penell o baro Devel: Dikess oun hayvess, te hom me o baro Devel. Dik, me dau o kashteha, hoy an miro vast hi, ap o pani Nil. Oun ko pani vell rat.

Remarja 11:8

Yaake hi činlo an o Debleskro lab: O Devel bičras i sopaskro dourho ap lende, kay kras len khino. Pengre yakentsa dikenn le les gar, oun pengre kandentsa shounenn le les gar. Kova hi yaake bis ap kava dives.

Ezekiel 39:13

Oun i tsele menshe an o them Israel paskrenn len. Koleske venn le sharedo i vavar menshendar ap ko dives, kay sikrau har baro oun raylo hom. Kova penell o baro Devel, maro ray.

Ezekiel 28:22

Oun pen: Kava penell o baro Devel, maro ray: Kanna sikrau les touke, tou foro Sidon! Ap toute sikrau, har baro oun zorelo me hom, te dikenn oun hayvenn i menshe an toute, te hom me o baro Devel. Te vell miri phagi pral toute, sikrau i menshende, te hom o čačo Devel.

Ezekiel 20:9

Palle krom kova gar, te nay rakrenn kol vavar menshe gar djoungeles pral mande, mank kolende yon his, oun glan kolende me penom, te hom o Israeleskro Devel, oun te anap len vin dran o them Egiptia.

Nehemia 9:10

Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

2. Mose 18:11

Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

2. Mose 14:8

Oun o baro Devel pandas o Faraeskro dji, yaake te las yob i Israelitarya palla, har yon i hadede vastentsa barhteles vin djan.

Remarja 9:18

Lauter krell lo yaake, har yob kamella. Ap koneste yob lačes kamell te vell, ap koleste hi lo lačo. Koneske yob i dji dran bar kamell te dell, koleske dell lo i dji dran bar.

2. Mose 10:27

Oun pale pandas o baro Devel o Faraeskro dji, te moukas lo len pale gar te djal.

2. Mose 14:3

O Farao patsella palle: Yon nashran pen an o moulo them oun hatsenn kek drom vin.

2. Mose 14:5

Har o rayeske pral o them Egiptia penlo vas, te nashan i Israelitarya penge, khaytas les oun leskre pralstunen, te moukan le len te djal. Oun yon penan: “Hoske kram mer kova, te moukam i Israelitarya te djal? Mer nashram mare boudepangren!”

2. Mose 14:23

I Egiptarya lan len palla. Oun kol tsele rayeskre graya oun kourepangre vourdya, ninna i lourde djan pal lende ap o drom mank o baro pani.

2. Mose 14:25

Lengre vourdya ačan an i čik yaake te van le phares glan. Oun i Egiptarya penan: “O baro Devel kourell pes lenge oun hi ap lengri rig. Djas menge katar!”

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

Ezekiel 32:15

Te krom me o them Egiptia, te vell lo i vi-meredo them, oun lom lauter krik, hoy kote dren hi, oun dom halauteren, kay kote djivan, palle dikenn oun hayvenn le, te hom me o baro Devel.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

2. Mose 10:2

Kova krom, te nay peness tou tire čavenge oun tire čavengre čavenge, har krom me ap i Egiptarya, oun havo baro koova me krom mank lende an miri zoor. T'mer hounte djinenn, te hom me o baro Devel.”

2. Mose 12:28

Palle djan le oun kran yaake, har o baro Devel o Moseske oun o Aroneske penas.

Josua 11:20

O baro Deblestar vas, te kran kol menshe pengre djia har bar, yaake te djan le an o kourepen khatar o Israel, oun van halauter lendar maredo. I Israelitarya hounte van lenge gar lačes. Na-a, yon hounte dan len halauteren moulo, yaake har o baro Devel kova ap o Mose penas.

Čačepangre 4:7

Oun me bičrau o Sisera, ko pralstouno lourdes pral o Yabineskre lourdende, pash toute vin peskre vourdyentsa oun peskre tsele lourdentsa pash ko tikno pani, hoy kharella Kishon. Oun kote dau les an tiro vast.”

Ezekiel 38:16

Oun tou djah ap mire menshen Israel pre, oun tire lourde čakrenn o them har i folka. An o palstouno tsiro vell kova yaake, te moukau tout pral miro them te vell, te nay dikenn i menshe an vavar themma, koon me hom. Te dikenn le hoy krau touha, Gog, hayvenn le, te hom me o Devel.

Ezekiel 38:23

Oun yaake sikrau me glan i yaka boud menshendar dran vavar themma, te hom i zorelo Devel. Oun yon dikenn oun hayvenn palle, te hom me o baro Devel.