2. Mose 12:3 - O Debleskro Lab 2024 (Sinte-Manouche)

³ Rakrenn ap i tsele Israelitarya oun penenn: Ap o deshto dives an kava čon lell peske hako dad i terno bakro peskre menshenge an peskro kheer.

O Debleskro Drom 2021 (Sinte)

³ Rakrenn ap i tsele Israelitarja un penenn: Ap o deshto diwes an kawa tchon lell peske hako dad i terno bakro peskre menshenge an peskro kheer.

2. Mose 12:3 Referans Kwoze

1. Korintarja 5:7

Čivenn ko shoutlo yarro t'mendar krik, te venn t'mer har i nevo maro, kay kek shoutlo yarro dren hi! Oun čačepah t'mer han har i nevo maro! O Yezous Kristo vas menge maredo, te lell lo mari doosh mendar krik, yaake har i bibolde maran i bakro ap pengro baro dives, kay Passa kharella.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

3. Mose 5:6

Koy doshake hounte anell lo o baro Debleske i bakri oder i bouzni, oun marell lat, te vell leskri doosh krik lino. Oun o rashay lell ko firho oun rhačrell leskro thulepen, oun yaake krell lo, te vell lauter pale mishto mank ko mensheste oun o baro Debleste.

3. Mose 1:2

Rake i Israelentsa oun pen lenge: Te kamell i mensho t'mendar i firhes o baro Debleske te anell, palle lell lo yekes peskre groumyendar, peskre bakrendar oder peskre bouzyendar.

Johanni 12:12

O vavar dives shounan kol boud menshe, kay ap ko Passa van, kay o Yezous an o foro Yerusalem vella.

Johanni 1:36

Oun har yob dikas, kay o Yezous koy djal, penas lo: “Dikenn, kava hi o Debleskro bakro!”

2. Familjakro liil 35:7

Oun o Yosia das i menshende, kay kote khetne his, peskre bakrendar oun bouzyendar 30.000 (triyanda-zerya) te venn le maredo o rhapaske Passa, oun koy pashel 3.000 (triin-zerya) groumya.

4. Mose 15:11

Yaake hounte kress tou, te aneh mange i groumni, i baro morsh bakro, i terno bakro, ninna pash i bouzni.

2. Mose 12:6

Oun rikrenn les pash t'mende bis ap o deesh-te-starto dives. Rati ap ko dives, hounte marell haki Israeltikri familya peskro bakro.

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

2. Mose 4:30

Oun o Aron penas lenge i tsele laba, hoy o baro Devel ap o Moseste penas. Palle kras o Mose glan lengre yaka ko baro koova an o Debleskri zoor.

1. Mose 22:8

Koy penas o Abraham leske: “O Devel della o bakres, te rhačras les leske, miro čavo.” Oun yon douy djan khetne doureder.

1. Mose 4:4

Oun o Abel las tikne bakren, kay i phoureder čave pengre dayendar hi, maras len oun rhačras lengre feteder kotya o Debleske. Oun o baro Devel dikas lačes ap o Abel oun ap kova, hoy yob rhačras leske.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.

1. Samuel 7:9

Oun o Samuel las i terno bakro, hoy gomme thoud piyas, oun maras les oun rhačras les tseles o baro Debleske. Oun yob das ap o baro Debleste gole, oun mangas les o Israeleske. Oun o baro Devel shounas ap leste.

Josua 7:14

Taysarlakro venn t'mer yaake glan mande, te djan hako kopo kol menshen khetne, kay venn pal yek kol deesh-te-douy Israeleskre čavendar: Oun have menshen o baro Devel vi-rodell, kolla venn glan: yek bari familya pal i vavar. Koy bari familya, hoy o baro Devel vin rodell, kaya vell glan: yek kheer pal o vavar. Oun havo kheer o baro Devel vin rodell, kova vell glan: yek morsh pal o vavar.

2. Mose 20:19

Oun yon penan ap o Moseste: “Rake tou mentsa, oun mer kamah kova te shounell oun krell, hoy tou peneh. Mer kamah gar, te rakrell o Devel mentsa, te meras gar.”

2. Mose 14:15

Oun o baro Devel penas ap o Moseste: “Hoske deh tou ap mande gole? Pen ap i Israelitarya, te djan le doureder!

Johanni 12:1

Shob divessa glan ko festo Passa vas o Yezous pale an o foro Betani, kay o Lazaro djivella. Koles kras o Yezous i moulendar djido.

2. Mose 12:2

“Kava čon vell t'menge o ersto čon an o bersh.

2. Mose 12:4

Te hi gar doha menshe an leskro kheer, te rhan le ko tselo bakro, palle rhan le les khetne kol menshentsa, kay langs lende djivenna. Hakenes te vell i kotar mass.

2. Mose 12:21

Oun o Mose moukas i tsele phoureden i menshendar Israel pash peste te vell, oun penas ap lende: “Lenn t'menge t'mare familyenge bakre vin ko rhapaske, hoy kharella Passa! Marenn len!

Ezekiel 40:1

His an o 25. (biish-te-pančto) bersh, kay mer an o pandepen hams – kova his an o 14. (deesh-te-starto) bersh har o foro Yerusalem dren lino vas – ap o 10. (deshto) dives an ko bersh. Ap ko dives vas i zoor o baro Deblestar pral mande. Oun yob anas man an o foro Yerusalem.