2. Mose 12:29 - O Debleskro Lab 2024 (Sinte-Manouche)

²⁹ Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

O Debleskro Drom 2021 (Sinte)

²⁹ Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

2. Mose 12:29 Referans Kwoze

Debleskri gili 78:51

Yob maras i tsele phoureder morsh čaven an o them Egiptia, kol čaven kolendar, kay venna pal o Ham, an kolende pengre dadengri bareder zoor hi.

2. Mose 4:23

Oun me penau touke: Mouk miro čaves te djal, te mangell lo man an! Oun te moukeh les gar te djal, palle marau me tiro phoureder čavo.”

Debleskri gili 135:8

Yob hi kova, kay das i phoureder morsh čaven moulo an o them Egiptia pash i menshende, ninna pash i firhende,

Debleskri gili 105:36

Yob das o phoureder morsh čaves moulo haki datar an o them Egiptia. Kolla his lengre dadengri feteder zoor.

Debleskri gili 136:10

Yob maras i phoureder morsh čaven i Egiptarendar. Leskro lačepen ačella hako tsireske!

4. Mose 8:17

Hakeno, kay hi o phoureder morsh čavo peskri datar mashkral kol Israelitarya hi mange, hako mensho oun hako firho. Ap ko dives, kay marom i tsele morshen, kay his i phoureder čave pengre dayendar an o them Egiptia, penom: Hako morsh, kay hi i phoureder čavo peskri datar, hi miro.

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

Hebrearja 11:28

O Devel penas leske, havi bibarht pral o them Egiptia vella. Oun yob penas leske ninna, hoy i Israelitarya hounte krenn, te vell koy bibarht gar pral lende. Koy patsas o Mose, te vell kova čačo, hoy o Devel penas. Oun o Mose penas ap i Israelitarya, te marenn le bakren, oun te rhan le len – kava rhapen vas kharedo Passa – oun te makenn le i firhengro rat ap pengre voudya. Har palle o bolepaskro vas, te marell lo i tsele phoureder čaven, koy ačan i Israeleskre čave djido. Yon his an i khera, kay o rat ap i voudya hi.

4. Mose 33:4

har kolla pengre phoureder morsh čaven paskran, kolen o baro Devel maras mashkral lende. Yaake sikras lo i Egiptarende, te hi lo zorleder har lengre debla.

2. Mose 13:15

Har pandas o Farao peskro dji oun moukas men gar te djal, maras o baro Devel an o tselo them Egiptia i tsele morsh čaven, kay his i phoureder čave pengre dayendar pash i menshende oun ninna pash i firhende. Doleske dau me ko phoureder morsh ternepen, hoy i firhestar boldo vella, o baro Debleske. Pash mire čavende hi vavarčandes. Hako phoureder morsh čaveske marau i firho.

Hebrearja 12:23

Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

Zakarie 9:11

Shounenn, penell o baro Devel, me anau t'mare pandlen vin dran o stilepen, vin dran o them, hoy hi har i brounna, kay kek pani dren hi. Kova vell yaake čačo har koy sovel, hoy t'mentsa dren djom, oun hoy rateha čačo vas.

Jeremia 38:13

Oun yon tserdan les kol doryentsa pre dran koy brounna. Oun yob ačas ap i lourdengri platsa.

Jeremia 38:6

Kote lan le o Yeremiyes oun anan les pash i brounna ap koy lourdengri platsa. Koy brounna his o baro rayeskro čaves, o Malkiya. Oun doryentsa moukan le o Yeremiyes tele an kay brounna. Kote dren his kek pani, kokres sapeni čik his kote, oun o Yeremia peras i kotar dren an koy čik.

Jesaja 51:14

Kolla, kay tele rikede hi, venn sik vin dran o pandepen. Yon merenn gar an lengro stilepen, oun len vell doha rhapen.

Jesaja 24:22

Yon lauter venn khetne lino oun an i grouba vitsedo, oun an o stilepen dren pandlo, oun pal boud divessa vell palle pral lende i phagi vin rakedo.

Hiob 34:20

Ap yek kopo merenn le. Mashkral an i rat trissenn le oun hi gar bouder. Kol zorele venn krik lino kek mensheskro vasteha.

2. Mose 9:6

Oun o baro Devel kras kova ap o vavar dives yaake. Oun i tsele firhe, hoy i Egiptaryen his, meran. Kol firhendar, hoy i Israelitaryen his, meras kek firho.

2. Mose 12:28

Palle djan le oun kran yaake, har o baro Devel o Moseske oun o Aroneske penas.

Debleskri gili 78:50

Oun o Devel rikras peskri rholi gar pale, oun las len gar vin dran o merepen, oun moukas len te merell ap i djoungelo nasslepen.

Habakuk 3:5

I djoungelo nasslepen djal glan leste. Oun pal leste vell vavar i nasslepen, hoy rhal i menshen pre.

1. Mose 15:14

Kolla, kay krenn lendar boudepangre, lenn i phagi mandar. Koy pal djan tire menshe vin baro bravlepah.

2. Mose 11:1

Palle penas o baro Devel ap o Mose: “Yek vavar bibarht kamau me pral o Farao oun pral o tselo them Egiptia te anell. Pal koya moukell lo t'men te djal. Oun kova hi gar doha: yob tradell t'men vin.

Jesaja 41:11

Dik, ladj vell ap lauterende, kay hi rhoyedo touha, oun yon venn sapaske i vavarenge. Oun kolla, kay kourenn pen touha, hi sik bouder gar koy. Či ačell lendar.