2. Mose 10:21 - O Debleskro Lab 2024 (Sinte-Manouche)

²¹ Kote penas o baro Devel ap o Mose: “Hade tiro vast pre pash o bolepen! Palle vell savi kali rat pral o tselo them Egiptia, kay dikeh nay tiro vast gar glan i yaka.”

O Debleskro Drom 2021 (Sinte)

²¹ Kote penas o baro Dewel ap o Mose: “Hade tiro wast pre pash o bolepen! Palle well sawi kali rat pral o tselo them Egiptia, kai dikeh nai tiro wast gar glan i jaka.”

2. Mose 10:21 Referans Kwoze

Judas 1:6

Ma bistrenn vitar gar kol bolepangren, kay dan gar garda ap koy boudi, hoy o Devel len das, oun moukan pengro kheer an o bolepen. Kolen pandas lo i shellentsa, hoy kek tsireske bouder pre kerdo venn. Oun yob rikrell len stildo an i kali rat, bis te vell ko baro dives, kay i phagi pral lende vi-rakedo vella.

2. Petro 2:17

Kol menshe hi har i brounna, kay hi kek pani dren. Yon hi har o bolepen, kay dell kek brishin. Ap ko dives, kay lenn yon pengri phagi, venn le an i kali rat vitsedo.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.

Louka 23:44

His nay deesh-te-douyenge, koy vas o dives kalo har i rati an o tselo them. Oun kova ačas yaake bis trinenge.

Markus 15:33

His deesh-te-douyenge, koy vas o dives kalo har i rati an o tselo them. Oun kova ačas yaake bis pash trinenge.

Mateo 27:45

His deesh-te-douyenge, koy vas o dives kalo har i rat an o tselo them. Oun kova ačas yaake bis trinenge.

Gosewe laba 4:19

O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

Debleskri gili 105:28

O baro Devel bičras i tamlepen, te vas kales, har rati. I Egiptarya shounan gar ap leskre laba.

5. Mose 28:29

Ap o dives, kay o kham pralstounes tardo hi, rikrenn t'mer t'mare vasta glan t'mende, te rodenn t'maro drom, har korele, kolenge hako tsiro har i rati hi. T'men vell kek barht an t'maro djipen. Vavar menshe djan zoryah ap t'mende pre oun čorenn t'men pale te pale vin. Oun kek vell ap t'mari rig.

2. Mose 9:22

Oun o baro Devel penas ap o Mose: “Hade tiro vast pre ap o bolepen! Palle dell brishin, hoy hi har barra, ap i menshende, ap i firhende oun ap o tselo zenlepen ap i harhetikri phoub an o tselo them Egiptia.”

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Sikepaskro 6:4

Ko ternepen vas boldo kek djipah, oun an i rati djal lo koy. Kek nay djinell, hoy lestar vals.

Sikepaskro 2:14

Kova, kay gosevo hi, dikell, kay lo djal. O dinelo nashell an i rati. Oun ninna hayvom, yekeske djal har o vavareske.

Debleskri gili 78:49

Yaake bičras o Devel peskri bari rholi ap i Egiptarya. Leskri rholi his har i yag, hoy rhačras, oun i bari phagi pral lende anas. I bibarht tapras len har te vals lat bičedo i bolepangrendar, kay anenn o merepen.

Debleskri gili 35:6

Lengro drom te vell kalo oun sapeno, te dikenn le či oun perenn le! Oun o baro Debleskro bolepaskro te lell len palla!

Debleskro tsiro 8:12

Oun o starto bolepaskro phourdas an peskri phourdepaskri. Oun o kham las i dap, oun o triinto kotar lestar vas kalo. Ninna o čon oun i vavar bolepangre momlia lan i dap. Oun o triinto kotar lendar vas kalo. Yaake rhačas o kham gar ap o triinto kotar ap o dives, vitar gar rhačan o čon oun i bolepangre momlia ap o triinto kotar an i rat.

2. Mose 7:19

Oun o baro Devel penas ap o Mose: “Pen ap o Aron: Le tiro kasht oun rike tiro vast pral i panya an o them Egiptia: pral i panya, hoy nashenna oun pral o pani, hoy tardo hi. Yaake te vell o tselo pani rat an o tselo them Egiptia. Ninna an i khore dran kasht oun bar hi palle rat dren.”

Ezekiel 32:7

Ap ko dives kay tiro djipen vi-phourdedo vell, čakrau o bolepen tele, oun i bolepangre momlia venn kalo. Oun glan o kham djan volke, oun o čon vell bouder gar diklo.

5. Mose 1:30

T'maro baro Devel djal glan t'mende vin oun kourell pes t'menge, yaake har lo glan t'mare yaka an o them Egiptia t'menge kras.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

Hiob 5:14

Pral o dives moukell lo len an o tamlepen te nashell, oun mashkral dives dikenn le pengro drom gar, har te vals rati.