2. Mose 10:13 - O Debleskro Lab 2024 (Sinte-Manouche)

¹³ Oun o Mose hadas peskro kasht pral o them Egiptia. Kote moukas o baro Devel ko tselo dives oun i tseli rat yek zorelo dourho pral o them te phourdell, hoy vas katar, kay o kham pre djal. Oun taysarlakro phourdas ko dourho i stepangre an o them.

O Debleskro Drom 2021 (Sinte)

¹³ Un o Mose hadas peskro kasht pral o them Egiptia. Kote mukas o baro Dewel ko tselo diwes un i tseli rat jek sorelo ducho pral o them te phurdell, hoi was katar, kai o kham pre djal. Un taissarlakro phurdas ko ducho i stepangre an o them.

2. Mose 10:13 Referans Kwoze

Mateo 8:27

Oun peskre mala kran bare yaka oun poučan pendar: “Havo morsh hi kova! Ninna o zorelo dourho oun o baro pani shounenn ap leste.”

Jona 4:8

Oun har o kham ap o bolepen tardo his, moukas o baro Devel i tato phourdepen dran o moulo them te vell, oun o kham das yaake čourye ap o Yoneskro shero, te nashras lo peskri zoor. Oun yob kamas te merell oun penas: “Miro merepen hi mange mishto, boudeder har te djivap!”

Jona 1:4

Kote moukas o baro Devel i zorelo phourdepen pral o baro pani te vell, hoy yaake zorelo his, te kamas ko shiffo khetne te phagell.

Debleskri gili 148:8

yag, brishineskre barra, gib oun yagakro dourho, oun o zorelo phourdepen, hoy krell, hoy yob penell.

Debleskri gili 105:34

Yob penas, te venn stepangre, oun stepangre van, yaake boud, te nay penas kek, kitse yon hi.

Debleskri gili 78:26

Yob bičras i baro dourho, hoy phourdas kotar, kay o kham pre djal. Oun peskri zoryah tradas lo i vavar dourho pash lende, hoy phourdas kotar, kay o kham pralstounes hi,

2. Mose 14:21

Oun o Mose hadas peskro vast pral o baro pani. Oun o baro Devel moukas i baro zorelo dourho pral o pani te phourdell, hoy vas kotar, kay o kham pre djal. Ko dourho phourdas i tseli rat. Oun o baro pani djas pale. Kote, kay pani his, hi kanna phoub, hoy gar sapenes hi. Oun o baro pani kras pes pre, te vas i drom.

1. Mose 41:6

Pal lende van efta vavar halme dran i phoub vin. Kolla hidjrenn djob, hoy hi gar pesso. I tato dourho, hoy phourdas dran o moulo tato them, kras len trouk.

Debleskri gili 78:46

Lengro djob rhan i stepangre pre. Kolla rhan lauter, hoy ap lengri phoub bares vas.

Gosewe laba 30:27

I stepangre: Len hi kek ray oun djan vin har kourepangre, kolenge penlo vas, har le hounte djan.