1. Timoteo 6:11 - O Debleskro Lab 2024 (Sinte-Manouche)

¹¹ Tou hal i Debleskro morsh. Rike tout ko tselo koova pale! Kre lauter, te vess an o čačepen tardo, oun te djivess yaake, har o Devel kamella! Kre ninna lauter, te ačess an o patsepen, oun te kamess i menshen o tselo djiyestar! Te djal touke gar mishto, rike vin! Ab lačes ap i vavarende!

O Debleskro Drom 2021 (Sinte)

¹¹ Tu hal i Debleskro mursh. Rike tut ko tselo koowa pale! Kre lauter, te wess an o tchatchepen tardo, un te djiwess jaake, har o Dewel kamella! Kre ninna lauter, te atchess an o patsepen, un te kamess i menshen o tselo djijestar! Te djal tuke gar mishto, rike win! Ab latches ap i wawarende!

1. Timoteo 6:11 Referans Kwoze

2. Timoteo 2:22

Tou, Timoteo, ma kre ko čilačo koova, hoy i terne morshenge an o shero trouyel djala! Kre lauter, te djivess an o čačepen! Ač an o patsepen! Ab kamlo ap i vavarende! Djib lačes lentsa khetne! Kre kova lauter khetne kol phralentsa, kay o Debles an-gole denna i djoudjo djiyeha!

2. Timoteo 3:17

I mensho, kay kamell o Debleske koy te vell, hatsell an o Debleskro lab lauter, hoy les hounte vell, te nay krell lo lauter yaake, har o Devel kamella.

1. Timoteo 4:12

Ninna te hal tou terno, ma mouk tout ap i rig te čivell! Tou djivess yaake, te dikenn i vavar patsle, har hounte djivenn yon. Kova dikenn le ap tire laba, tiro djipen, tiro kamlepen i vavarenge, tiro patsepen ap o Yezouseste, oun tiro djoudjo dji.

Hebrearja 12:14

Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.

1. Korintarja 10:14

Doleske, lače mala, denn yak, oun mangenn gar vavar koova an har o Debles!

1. Petro 3:11

Yob moukell o čilačo koova, oun krell o lačo koova. Peskri tseli zoryah krell lo, te djal kek čingepen mashkral i menshende!

1. Korintarja 6:18

Doleske penau t'menge: Ma loubrenn trouyel! Te kreh tou savo koova, čineh tou touke kokres an o mass. Hako vavar čilačepen kreh tou ap i vavarende. Te loubreh trouyel, kreh tou o čilačepen ap toute.

Debleskri gili 34:14

Palle denn garda ap t'mari čip, te rakrell li kek čilačepen oun kek rhorhepen!

1. Timoteo 5:10

Vavar menshe hounte dikenn ap late, te kras li lačo koova, oun te tserdas li peskre čaven mishto pre. Yon hounte dikan, te las li menshen pash peste pre, oun te thovas li i patslenge i herya. Yon hounte dikan, te his li kolenge koy, kolen i pharo djipen hi, oun te kras li hako lačo koova.

1. Korintarja 14:1

Krenn lauter, te lenn o Debleskro kamlepen an t'maro dji! Oun rodenn i tselo djiyestar kol zorya, hoy o Debleskro Dourho an t'mende čivella, te nay boudrenna o Debleske! Boudeder har hako vavar koova rodenn koy pal, te penenn nay i menshenge i lab, hoy vella o Deblestar.

Remarja 14:19

Kanna kras lauter, te vell kek čingepen mank mende. Kras kova, hoy krell men lauter zoreles an o patsepen.

Jesaja 51:1

Shounenn, hoy penau, t'mer, kay rodenn o čačepen, t'mer, kay rodenn pal o baro Debleste t'mari tseli zoryah: Dikenn ap o Abraham, t'maro phouro dad. Yob his har i baro zorelo bar, oun t'mer han har barra, hoy dran leste dino van. Dikenn ap t'mare phourende, kolendar t'mer venna:

Debleskri gili 38:20

Kolla, kay mange čilačepen kamenna, hi zoreles oun hi boud. Boud rhoyrenn pen ap mande, ninna te krom len či.

2. Rajengro liil 5:20

O Debleskro morsh, o Elisa, les his i boudepaskro. Leskro lab his Gehasi. Kova penas ap peste: “Miro ray moukas o Naaman te djal oun las lestar či, hoy kova leske anas. Kava Syrari hounte playsrals čomone. Pash o djido Debleste, me nashau leske pal, te dell yob man čomone.”

1. Timoteo 6:20

Tou, Timoteo, ač pash kova, hoy o Devel an tiro vast čivas! Ma shoun ap kolende, kay rakrenn laba, hoy či moldo hi, oun hoy gar o Deblestar venna! Yon rakrenn dinelo koova, oun patsenn, kay djinenn le boudeder har kol vavar. Lengro hi gar čačo.

Jeremia 35:4

oun anom len an o baro Debleskro kheer, an koy bari isema i čavendar o Debleskro morshestar, o Hanan, koleskro dad o Yigdalya his. Koy bari isema hi langs koy isema o pralstunendar oun pral koy isema o Maasseyestar, koleskro dad o Shalloum hi. O Maasseya his kova, kay das garda ap o voudar.

2. Familjakro liil 8:14

Oun yaake har peskro dad, o David penas, čivas o Salomo i rashayen yaake khetne, har hounte boudrenn le khetne. Ninna penas lo ap i Levitarya, havi boudi yon hounte krenn: Koy his save mank lende, kay givan, oun vavar van i rashayenge pash o vast, yaake har hounte his hako dives. Ninna i voudyengre morsha van yaake khetne anlo, har hounte denn le yak ap i voudya. Hako voudareske his save koy, kay dan yak ap leste. Yaake penas kova o David, ko Debleskro morsh.

2. Rajengro liil 23:17

Oun yob dikas pes trouyel oun poučas: “Koon hi kote paskedo?” Oun i menshe dran o foro penan ap leste: “Kote hi ko Debleskro morsh paskedo, kay dran o them Youda vas, oun vi-kharas, hoy tou kral ap kay rhačepaskri kate an Betel.”

2. Rajengro liil 1:13

Koy bičras o baro ray pale o triinto kopo i pralstouno lourdes, kay his les penepaske pral paash-sheel lourdende. Oun kolla van leha. Har kova pash o Eliya vas, djas yob glan o Eliya ap peskre čanga, mangas lestar peskro djipen oun penas: “Debleskro morsh, mouk te vell miro djipen kouč glan tire yaka, ninna o djipen kal paash-sheel morshendar.

2. Rajengro liil 1:9

Oun o baro ray bičras pash o Eliya i pralstouno lourdes. Koles his penepaske pral paash-sheel lourdende. Oun kol paash-sheel las yob peha. Har kolla pash o Eliya van, his kova ap i berga beshdo. Ko pralstouno lourdo penas ap leste: “Debleskro morsh, o baro ray penell, te vess koy pral tele.”

1. Rajengro liil 20:28

Kote vas o Debleskro morsh pash o baro rayeste pral Israel, oun penas leske: Kava penell o baro Devel: “I Syrarya penan, me o baro Devel, voms i devel, kay ap i berge djivell, oun gar i devel, kay ap o telstouno them djivell. Doleske dau me kal tsele boud lourden an tiro vast, te hayvenn t'mer, kay me o baro Devel hom.”

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

1. Samuel 2:27

Oun i Debleskro morsh djas pash o Eli oun penas leske: Kava penell o baro Devel: Tou djineh mishto, har krom man prindjedo pash tire phourende, pash o kheer Aron, har i Israelitarya an o them Egiptia his oun hounte boudran o Faraeske.

1. Rajengro liil 13:26

Har shounas ko phouro Debleskro rakepaskro kova, penas lo: “Kova hi ko Debleskro morsh, kay kras gar, hoy o baro Devel leske penas. Doleske bičras o baro Devel o leves, te dandrell lo les moulo. Yaake vas, hoy o baro Devel penas.”

1. Rajengro liil 13:1

Koy vas i Debleskro morsh dran Youda, koles bičras o baro Devel an Betel. Yob vas koy, har his o Yerobeam pash koy rhačepaskri tardo oun rhačras soungepaskro koova.

1. Samuel 9:6

Ko boudepaskro penas: “Dik an kava foro hi i Debleskro morsh. Oun yob hi an-diklo. Lauter, hoy yob penell, vell ninna yaake. Djas pash leste, te poučas lestar, havo drom mer te djas.”

5. Mose 33:1

Oun glan peskro merepen rakras o Debleskro morsh, o Mose, i Debleskri barht vin pral i Israelitarya, oun penas:

5. Mose 16:20

Rike tout ap kova hoy čačes hi, te djivess an o them, hoy tiro baro Devel tout dell.

Nehemia 12:36

oun leskre phrala: o Shemaya oun o Asarel, oun o Milalay, oun o Gilalay, oun o Maai, oun o Netanel, oun o Youda, oun o Hanani. Len his save bashepangre, har o Debleskro morsh, o David, bashras. Oun glan lende djas o Esra, ko sikepaskro, kay o Debleskre laba mishto djinas.

Nehemia 12:24

Oun i pralstoune pral i Levitarya his: o Hashabya, o Sherebya, o Yeshoua, o Binnouy, oun o Kadmiel. Lengre phrala, o Mattanya, o Bakboukya, oun o Obadya his tardo vergel lende, har givan le o Debleske. Lentsa khetne givan le sharepaskre gilya o Debleske yaake, har o Debleskro morsh, o David penas. Kol yek givan glan oun kol vavar givan pal. Pash i bare voudya, kay i khera hi, kay o rhapen dren hi, dan kolla morsha yak: o Meshoullam, o Talmon oun o Akkoub.

1. Familjakro liil 23:14

I čave o Mosestar, ko Debleskro morshestar, van pash o kheer Levi kharedo.

1. Rajengro liil 17:24

Kote penas koy djouvel ap o Eliya: “Kanna djinau, kay tou hal i Debleskro morsh. Oun ko rakepen, hoy tou vin rakreh an o baro Debleskro lab, hi o čačepen.”

Gosewe laba 15:9

O baro Devel dikell rhoyedes ap kova, hoy i čilače krenn. Koon peskro tselo djiyeha o čačepen krell, koles kamell yob.

1. Timoteo 1:14

Yaake lačo his o Yezous Kristo mange, te das lo man ninna o patsepen ap leste oun o kamlepen i vavarenge.

2. Timoteo 2:21

Yaake hi kova ninna i patslentsa: Kova, kay čivas ko tselo čilačepen dran peskro djipen vin, kova hi har i kouč čaro o rayeske pral o kheer. Yob hi kokres peskro rayeske koy, oun hi leske boud moldo. Leskro ray nay dell leske haki lači boudi.

2. Timoteo 3:10

Me sikrom tout, har te djas ap o Debleskro drom, oun tou ačal ap leskro drom, oun djival yaake, har me touke glan djivom. Tou kameh kova, hoy me ninna kamau. Tou dikal, har me patsau ap o Yezous Kristeste. Oun tou djineh, har rikrom ap o patsepen. Tou djineh ninna, har kamom i vavaren o djiyestar, oun har rikrom lauter vin.