1. Timoteo 5:8 - O Debleskro Lab 2024 (Sinte-Manouche)

⁸ Koon gar peskre menshenge koy hi, oun kolenge, kay pash leste an o kheer djivenna, kova nashras peskro patsepen, oun hi har yek, kay patsell gar ap o Yezous Kristeste.

O Debleskro Drom 2021 (Sinte)

⁸ Koon gar peskre menshenge koi hi, un kolenge, kai pash leste an o kheer djiwenna, kowa nashras peskro patsepen, un hi har jek, kai patsell gar ap o Jesus Kristeste.

1. Timoteo 5:8 Referans Kwoze

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

2. Korintarja 12:14

Me vau kanna o triinto kopo pash t'mende. Ninna kava kopo kamau či t'mendar te lell. Me kamau t'men oun gar t'mare love. O dad oun i day denn pengre čaven te rhal, oun gar i čave pengro dades oun pengri dat.

Jesaja 58:7

De koles te rhal, kay bokell! oun le kolen khere pash toute, kay čorvelo hi oun ap o drom djivenn. Te dikeh yekes, koles kek ripya hi, de les koola! Oun ab tiri familyake koy!

Tito 1:16

Yon penenn, te prindjrenn le o Debles. An lauter, hoy yon krenna, sikrenn le, kay yon les gar prindjrenna. Yon hi infam an o Debleskre yaka, oun kamenn gar ap leste te shounell. Yaake hi lauter, hoy yon krenna, či moldo.

Mateo 7:11

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

2. Timoteo 3:5

Kolla krenn yaake, har te vans le patslo. Yon prindjrenn gar koy zoor, hoy vell dran o čačo patsepen. Rike tout save menshendar pale!

1. Mose 30:30

Har vom pash toute, his tout gar boud firhe. Kanna hi tout boud. O baro Devel čivas peskri zoor oun peskri barht ap tiro koova – ap halauter, hoy lom an miro vast. Kanna hounte boudrap ninna mange oun miri familyake.”

Debleskro tsiro 3:8

Me prindjrau lauter, hoy t'mer mange kran. Dikenn, me krom i voudar glan t'mende pre, hoy kek nay pandell. T'men hi i tikni zoor, oun rikran miro lab an t'mare djia, oun dan man gar bourhoste.

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

2. Petro 2:1

Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht.

Johanni 15:22

Te voms me gar pash lende, oun penoms lenge gar halauter, lans le kek doosh ap pende. Kanna nay penenn yon gar: Mer djinam gar, kay kova, hoy kram, čilačo hi.

Judas 1:4

Me shounom, hi menshe koy, hoy čorrhanes mank t'mende van. Kolla kamenn o Deblestar či djinell. Yon penenn, te hi o Devel lačo, oun te nay krenn le lauter, hoy yon kamenna. Yaake djivenn le i vi-ladjedo djipen, oun denn maro rayes, o Yezous Kristes, bourhoste. Kova kokres hi maro ray. Glan i rah tsiro hi činlo, te lenn yon pengri phagi.

2. Korintarja 6:15

Hoy hi o Yezous Kristes i bengeha khetne? Či! Nay venn i patslen yek dji oun yek djipen kolentsa, kay patsenn gar? Na-a!

Mateo 18:17

Te shounell lo kava kopo vitar gar ap t'mende, palle pen les i patslenge an i kangri. Oun te shounell lo gar ap kolende, palle vell lo t'menge har i morsh, kay prindjrell o Debles gar oun har i pale-čiddo.

1. Korintarja 6:6

T'mer han phrala. Oun t'mer čingrenn t'men glan kol čačepangre, kay gar patslo hi!

2. Timoteo 2:12

Te rikrah vin an o patsepen, vah mer raya leha an o bolepen. Te dah mer les bourhoste, dell yob men ninna bourhoste.