1. Timoteo 5:20 - O Debleskro Lab 2024 (Sinte-Manouche)

²⁰ Kolla, kay kran čilačo koova, kolen dess trad glan lauterende, te vell kol vavaren daar.

O Debleskro Drom 2021 (Sinte)

²⁰ Kolla, kai kran tchilatcho koowa, kolen dess trad glan lauterende, te well kol wawaren daar.

1. Timoteo 5:20 Referans Kwoze

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!

Tito 1:13

Oun kova, hoy ko sikepaskro penas, hi čačo. Doleske pen lenge, hoy pash lende gar mishto hi, oun de len trad, te djan le čačes ap o Debleskro drom.

Bičepangre 5:11

Koy vas i bari traash pral i tsele patslende oun pral kolende, kay shounan kova.

5. Mose 13:11

Yob kamas tout krik te anell tiro baro Deblestar, kolestar, kay tout vin anas dran o pandepen an o them Egiptia. Doleske hounte vell yob moules vitsedo i barrentsa.

1. Timoteo 1:20

Douy lendar hi o Himeneo oun o Alexandro. Kolen dom an o bengeskro vast, te rakrenn le bouder gar djoungeles pral o Debleste.

Bičepangre 5:5

Har o Ananias kol laba shounas, peras yob khetne oun meras. Oun i bari traash vas ap kolende, kay shounan kova.

5. Mose 21:21

Oun i tsele morsha dran ko foro hounte vitsrenn barra ap leste, bis te hi lo moulo. Yaake vitsrenn t'mer o čilačepen dran t'mende vin. Oun i tsele Israelitarya hounte shounenn kolestar oun darenn.

5. Mose 19:20

Oun halauter an Israel hounte shounenn, har ko rhorheno peskri phagi las, te darenn le oun krenn bouder gar savo koova mashkral t'mende.

5. Mose 17:13

Palle shounell hakeno kova, oun darell. Oun kek phourdell pes bouder pre, te krell savo koova.

Bičepangre 19:17

I menshe, kay an o foro Efesus djivan, shounan kova lauter. Oun i bibolde, ninna kolla, kay kek bibolde hi, lan bari traash. Oun ko lab o ray Yezousestar vas zoreles sharedo.

3. Mose 19:17

Te rhoyral tout pral yekeste tire menshendar, ma hidje tiri rholi touha trouyel. Pen leske, hoy lo gar mishto kras, te aness kek doosh ap toute.

2. Korintarja 7:11

T'menge his ropaske pral ko koova, hoy mank t'mende djas, oun o Devel dikas lačes ap t'mende. Kanna dikenn, havo lačo koova dran kova vas: T'mer kamenn lauter mishto te krell, oun kamenn te sikrell, te hi t'men kek doosh. T'mer van rhoyedo pral koleste, kay ko koova kras. Oun t'men his daar miri rholyatar. O tselo djiyestar kaman t'mer kova te krell, hoy mishto hi an mire yaka. Doleske dan t'mer koles i phagi, kay doosh ap leste his. Yaake sikran, kay his t'men kek doosh pral ko koova.

Efesarja 5:11

Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!

Tito 2:15

Pen kava lauter i patslenge! Rake an lengre djia! Te krenn le čomone, hoy gar mishto hi, pen les lenge an o Debleskri zoor! Hakeno hounte shounell ap toute.