1. Timoteo 5:18 - O Debleskro Lab 2024 (Sinte-Manouche)

¹⁸ An o Debleskro lab hi činlo: Te boudrell i firho touke, palle pande gar leskro mouy, te kamell lo te rhal! Ninna hi činlo: O boudepaskro hi moldo, te vell lo playsedo.

O Debleskro Drom 2021 (Sinte)

¹⁸ An o Debleskro lab hi tchinlo: Te budrell i viecho tuke, palle pande gar leskro mui, te kamell lo te chal! Ninna hi tchinlo: O budepaskro hi moldo, te well lo plaissedo.

1. Timoteo 5:18 Referans Kwoze

5. Mose 25:4

Te stakrell tiro gouroum o djob vin, pandess tou leske gar o mouy, te nay rhal lo gar!

1. Korintarja 9:14

Yaake penas maro ray Yezous ninna, te lenn kolla, kay leskro lab i menshenge penenna, kova, hoy len hounte vell djipaske.

Louka 10:7

Ačenn an ko kheer, kay yon t'men pre lan! Rhan oun piyenn kova, hoy yon t'men denna! Hako boudepaskro lell peskro rhapen kolendar, kolenge yob boudrella. T'mer hounte djan gar an yek kheer pal o vavar.

Mateo 10:10

Lenn kek possita t'mentsa, kek douyto gad, kek kirrha, vitar kek kasht! I boudepaskro lell peskro rhapen kolendar, kolenge yob boudrella.

3. Mose 19:13

Tou rikress gar o vavares tele oun randess les gar vin. Tou dess i boudepaskres, kay boudrell touke yek dives peskre love ap i rat, oun rikress kol love gar pral i rat pash toute.

Jakobo 4:5

O Debleskro lab penell gar čičeske: O Debleskro Dourho, kay an mende khere hi, kamell men peske kokres.

Remarja 10:11

An o Debleskro lab hi činlo: Kova, kay ap leste patsella, kova hounte ladjell pes gar glan mande.

Remarja 9:17

An o Debleskro lab hi činlo, har moukas o Devel ap o baro rayeste pral o them Egiptia te penell: Me krom tout bares, te sikrap miri zoor ap toute, yaake te vell miro lab ap i tseli phoub prindjedo.

Galatarja 3:8

O Debleskro lab penas glan i rah tsiro, kay o Devel ninna kolen čačo krella, kay kek bibolde hi, te patsenn le ap leste. Doleske penas lo ap o Abrahameste: Kay barht, hoy me dau tout, djal doureder ap i tsele menshende ap i phoub.

Remarja 11:2

Glan rah tsiro rodas o Devel i Israelitaryen vin, te venn le leskre menshe. Doleske čivell lo len gar infam. Djinenn t'mer gar, hoy an o Debleskro lab pral o Eliya činlo vas? Yob vas glan o Debleste, oun rakras leha pral o čilačepen, hoy i Israelitarya kran.

Remarja 4:3

Hoy hi činlo an o Debleskro lab? Kote hi tardo: O Abraham patsas o Debles, oun doleske čivas o Devel les an o čačepen.