1. Timoteo 4:1 - O Debleskro Lab 2024 (Sinte-Manouche)

¹ O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.

O Debleskro Drom 2021 (Sinte)

¹ O Debleskro Ducho penell menge, te perenn i menshe o Debleskro dromestar tele an ko tsiro, hoi wella. Jon shunenn ap o chochepen, un ap kowa, hoi wella o bengestar.

1. Timoteo 4:1 Referans Kwoze

2. Petro 2:1

Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht.

Judas 1:18

Yon penan: Glan ko tsiro, kay maro ray Yezous pale vella, venna save menshe, hoy san pral o Debleskro koova, oun djivenn yaake, har yon kamenna oun krenn, hoy o Devel gar kamella.

2. Petro 3:3

Me kamau, te djinenn t'mer, glan ko tsiro, kay o Yezous Kristo pale vella, venna menshe pash t'mende, kay san pral t'maro patsepen. Kolla djivenn yaake har yon kamenna,

Judas 1:4

Me shounom, hi menshe koy, hoy čorrhanes mank t'mende van. Kolla kamenn o Deblestar či djinell. Yon penenn, te hi o Devel lačo, oun te nay krenn le lauter, hoy yon kamenna. Yaake djivenn le i vi-ladjedo djipen, oun denn maro rayes, o Yezous Kristes, bourhoste. Kova kokres hi maro ray. Glan i rah tsiro hi činlo, te lenn yon pengri phagi.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

1. Johanni 4:6

Mer ham o Deblestar, oun hakeno, koon o Debles prindjrella, shounell ap mende. Koon hi gar o Deblestar, kova shounell gar ap mende. Doleske djinah mer, kones o Debleskro Dourho hi, kay rakrell o čačepen, oun kones o rhorheno dourho hi.

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

1. Johanni 2:18

Čovale, mer djivah an ko tsiro, kay i phoub bouder gar rah ačella. Oun t'mer shounan, kay ko rhorheno vella, kay hadell pes pral o Yezous Kristeste. Shounenn, boud rhorhene hi kanna kay, kay hadenn pen pral o Yezous Kristeste. Ap kova dikah mer, kay i phoub bouder gar rah ačella.

Daniel 10:14

Kanna vom me, te penap touke, hoy tire menshenge djal an kol divessa, kay venna, oun kanna gomme dour glan mende hi. Ninna kava dikepen vell čačo an o tsiro, kay gomme dour krik hi.”

Debleskro tsiro 2:11

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, kova merell gar o douyto kopo.”

2. Timoteo 4:4

Palle shounenn yon bouder gar ap o čačepen. Yon shounenn ap rhorhene parmisse.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskro tsiro 3:6

Shounenn halauter mishto, hoy o Debleskro Dourho penella ap i patslende!”

Debleskro tsiro 2:29

Shounenn halauter mishto, hoy o Debleskro Dourho penella ap i patslende!”

Ezekiel 38:16

Oun tou djah ap mire menshen Israel pre, oun tire lourde čakrenn o them har i folka. An o palstouno tsiro vell kova yaake, te moukau tout pral miro them te vell, te nay dikenn i menshe an vavar themma, koon me hom. Te dikenn le hoy krau touha, Gog, hayvenn le, te hom me o Devel.

1. Petro 1:20

Har i phoub gar koy his, rodas o Devel les vin, te merell lo i menshenge. Oun an kava tsiro, kay djivah, vas lo t'menge ap i phoub.

Debleskro tsiro 18:2

Oun yob das zoreles oun bares gole: “O foro peras khetne! O baro foro Babilon peras khetne! Kanna djivenn kote i benga. Kote khatrenn pen kol čirkle oun vavar firhe, kay pale-čiddo hi, oun i menshe darenn lendar.

Kolossarja 2:18

Hi menshe, kay krenn pen bares, oun kamenna, te shounenn t'mer ap kava te kova, oun te sharenn t'mer o Debleskre bolepangre, har yon krenna. Ma shounenn ap lende! Ninna te penenn le t'menge, te dikan le i baro koova, hoy kek vavar dikas, ma patsenn lenge! Kova, hoy yon penenna, hi či moldo. Yon hi sharede, ninna te dell či, pral hoy yon nay sharans pen: Lauter hoy yon rakrenna vell dran lengro shero.

1. Korintarja 10:20

Kova, hoy i menshe kol deblen dran kasht oun bar denna, anenn yon i bengenge, gar o Debleske. Oun me kamau gar, te venn t'mer i bengentsa khetne.

Micha 4:1

O tsiro vella, kay hi koy berga zoreles tardo, kay o baro Debleskro kheer tardo hi. Kay berga hi bareder har i tsele vavar berge. Oun pash late venn i menshe dran i tsele themma.

Jeremia 49:39

Pal i rah tsiro krau me, te vell i menshenge dran o them Elam pale lauter mishto. Kova penell o baro Devel.

Jeremia 48:47

I dives vell, kay krau me, te vell i menshenge dran o them Moab pale lauter mishto, penell o baro Devel. Kate herell pre, hoy o Yeremia pral o them Moab penas.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

5. Mose 32:29

Har kamaus, te vans le gosevo! Palle hayvans le, hoy ap lende vella.

5. Mose 4:30

An ko tsiro, hoy vella, kay ap t'mende ko tselo koova vas, hoy t'menge penom, an kol djoungele phare divessa venn t'mer pale pash t'maro baro Debleste, oun krenn, hoy yob t'menge penell.

4. Mose 24:14

Oun kanna djau pash mire menshende. Glan kova kamau touke te penell, hoy kal menshe tire menshenge krenna an o tsiro, hoy vella!”

1. Mose 3:13

Oun o baro Devel, maro ray, penas ap i romyate: “Hoske kral tou kova?” “O sap rhorhras man”, penas i romni, “yaake kay rhom.”

Debleskro tsiro 20:8

Oun yob djal vin, te tserdell lo i menshen ap i tseli phoub ap peskro drom. Kolla menshe kharenna Gog oun Magog. Oun yon hi yaake boud, te penell nay kek, kitse yon hi. O beng anell len khetne, te djan le an o kourepen o Debleskre menshentsa.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Debleskro tsiro 18:23

I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.

Debleskro tsiro 9:20

Oun kol vavar menshe, kay gar maredo van, kolla moukan gar pengro čilačo drom, oun moukan gar tele, te mangenn le kova an, hoy yon pen pengre vastentsa kran. Yon moukan gar tele, te mangenn le i bengen an, vitar gar kol figuren dran sonakay, roup, saster, barra oun kasht, hoy gar nay dikenna, oun gar nay shounenna, oun gar nay nashenna.

Debleskro tsiro 3:22

Shounenn halauter mishto, hoy o Debleskro Dourho penella ap i patslende!”

Debleskro tsiro 3:13

Shounenn halauter mishto, hoy o Debleskro Dourho penella ap i patslende!”

Debleskro tsiro 2:17

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau ko maro dran o bolepen te rhal, hoy kharella Manna. Ninna dau les i parno bar. Ap koleste hi o nevo lab činlo, koles kek prindjrell, har kova, kay les lella.”

Debleskro tsiro 2:7

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau te rhal ko roukestar, hoy o djipen della, kova, hoy tardo hi an o Debleskri shoukar baar.”

1. Korintarja 12:11

Kova krell lauter ko yek Debleskro Dourho, oun yob dell hakenes kova yaake, har yob kamella.

Bičepangre 28:25

Yon čingran pral kova, hoy o Paulo penas, oun djan penge, har o Paulo kava lab penas: “Me dikau, kay kova čačo hi, hoy o Debleskro Dourho ap o Yesaya penas, te penell yob kova mare phourenge. O Debleskro Dourho penas:

Bičepangre 17:18

Mank lende his ninna sikle morsha, kay kharan Stoykarya oun Epikurarya. Kolla čingran leha. Har rakras o Paulo pral o Yezouseste, oun penas, kay kras o Devel o Yezouses i moulendar djido, penan le: “Hoy kamell ko dinelo rakepaskro te penell?” Vavar penan: “Yob rakrell pral vavar deblende, kolen mer gar prindjrah.”

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Ezekiel 1:3

Kote an o them Babilonia pash o lengsto pani Kebar rakras o baro Devel ap mande, oun leskri zoor vas pral mande. Me hom o Ezekiel. Miro dad hi o rashay, o Bouzi.

Debleskro tsiro 16:14

Kolla triin benga krenn baro oun zorelo koova, oun djan pash i rayende pral i tsele themma, te anenn yon pengre lourden khetne, te djan le an o kourepen ap o Debleskro baro dives.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

1. Rajengro liil 13:18

Kote penas o phouro ap leste: “Me hom ninna i Debleskro rakepaskro har tou, oun i bolepaskro o baro Deblestar penas mange: An les khere pash toute, te nay rhal lo maro oun te nay piyell lo pani!” Rhorhepen his kova, hoy ko phouro penas.

Jeremia 23:26

Har rah kamenn le savo koova te krell? Har rah penenn kal rakepangre rhorhepen glan-vi, hoy vell dran lengro dji oun gar mandar?

Mateo 18:7

I bibarht hi kova, kay della ap kay phoub boud koova, hoy anell i menshen ap o čilačo drom. Havo bibarht vell ap koleste, kay anell i vavaren ap o čilačo drom!

Louka 17:1

Oun o Yezous penas ap peskre malende: “Čačepah, menshe venna, kay kamenn t'men o Debleskro dromestar tele te anell. Bibarht ap koleste, kay kova krella!

Bičepangre 20:23

O Debleskro Dourho penas mange an hako foro, kay djom, kay vau stildo oun kay douka ap mande venna.

Bičepangre 21:11

Oun yob vas pash mende, las koy dori, hoy o Paules troul peskro ripen his, oun pandas peskre pire oun vasta, oun penas: “Kova penas mange o Debleskro Dourho: Ko morsh, koneske kay dori hi, koles pandenn i bibolde an o foro Yerusalem, oun denn les an i vasta kolendar, kay kek bibolde hi.”

1. Korintarja 2:10

Men das o Devel peskro Dourho. Oun o Dourho sikrell men kova, hoy hi o Debles an o dji. O Debleskro Dourho dikell an halauter, ninna an o Debleskro dji.

1. Korintarja 11:19

Kova hounte vell yaake, te dikell hakeno, koon t'mendar an o patsepen mishto tardo hi.

Jakobo 3:15

Savo gosvepen vell gar o Deblestar. Kova vell o menshestar oun o bengestar.