1. Timoteo 1:1 - O Debleskro Lab 2024 (Sinte-Manouche)

¹ Me, o Paulo, činau kava liil. Me hom o Yezous Kristeskro bičepaskro, te penap i menshenge leskro lab. Yaake kamell kova o Devel, kay lell men dran o čilačepen vin, oun o Yezous Kristo, ap koleste patsah.

O Debleskro Drom 2021 (Sinte)

¹ Me, o Paulo, tchinau kau liil. Me hom o Jesus Kristeskro bitchepaskro, te penap i menshenge leskro lab. Jaake kamell kowa o Dewel, kai lell men dran o tchilatchepen win, un o Jesus Kristo, ap koleste patsah.

1. Timoteo 1:1 Referans Kwoze

Tito 1:3

Oun kanna, kay o čačo tsiro vas, moukell lo hakeneske peskro lab te hayvell. Maro Devel, kay men dran o čilačepen oun o merepen vin lella, yob bičras man, te penap kova i menshenge.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Judas 1:25

Sharas koles, kay kokres o Devel hi! Yob las men dran o čilačepen vin, har maro ray, o Yezous Kristo, menge meras. Maro Devel hi o baro ray. Les hi i tseli zoor kanna oun glan kava tsiro oun an ko tsiro, hoy vella. Amen.

1. Petro 1:3

Mer sharah o Debles, ko dades maro rayestar, o Yezous Kristestar. O Devel kamas men yaake boud, te vas yob maro dad oun das men o nevo djipen. Oun an mare djia djinah zoreles, yaake har yob o Yezous Kristes i moulendar djido kras,

1. Timoteo 1:12

Me parkrau man pash maro rayeste, o Yezous Kristeste, kay das man i zoor, te boudrap leske. Yob patsas ap mande, oun čivas man an koy boudi, te vap leske koy.

Galatarja 1:1

Me, o Paulo, činau kava liil ap i patslende, kay venn khetne an o them Galatia. O Yezous Kristo das an miro vast, te penap i menshenge leskro lab. Me hom gar i menshendar bičedo. Kova, kay bičras man, hi o Yezous Kristo oun o Devel, maro dad. Kova kras les i moulendar djido.

2. Korintarja 1:1

Kava liil činau me, o Paulo. Me hom o Yezous Kristeskro bičepaskro, yaake har o Devel kova kamell. Oun me oun maro phraal, o Timoteo, mer činah kava liil ap i patslende, kay venn khetne an o Debleskro lab an o foro Korint. Kava liil hi ninna i tsele Debleskre čavenge an o them Akaya.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

1. Timoteo 2:7

Doleske bičras man o Devel pash kolende, kay kek bibolde hi, te penap lenge o lačo lab o Yezous Kristestar, oun te sikrap lende o čačo patsepen. Man hi o Yezouseskro vast. Kova hi o čačepen. Me rhorhau gar.

2. Tessalonikarja 2:16

O Devel hi maro dad oun kamell men o djiyestar. Yob hi menge lačo, oun penell menge an o dji, te kras lo lauter menge mishto, oun te lell lo men pash peste hako tsireske. Lestar mangah oun maro rayestar, o Yezous Kristestar,

1. Korintarja 1:1

Kava liil činau me, o Paulo. O Yezous Kristo rodas man vin, te vap leskro bičepaskro. Kova kamas o Devel yaake. Oun me oun maro phraal Sostenes činah kava liil

1. Johanni 4:14

Mer dikam, kay o Devel, maro dad, peskro čaves bičras. Doleske penah mer i menshenge, kay yob kova hi, kay lell len vin dran o čilačepen oun o merepen.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

Tito 3:6

Koles bičras o Yezous Kristo pash mende, oun mer lam lestar boud.

Tito 3:4

Kova lauter vas vavarčandes, har o Devel mende sikras, har lačo oun kamlo yob ap i menshende hi. Yob las men dran o čilačepen vin

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Tito 2:10

te čorenn le či lestar! I boudepangre hounte krenn pengri boudi mishto oun čačo. Yaake sikrenn le an hako koova, har mishto o Debleskro drom hi, hoy lende siklo vas. Oun yaake sharenn le o Debles, kay las men vin dran o čilačepen.

1. Timoteo 4:10

Maro patsepen rikrell pes ap o djido Debleste. Yob kamell hako menshes dran o merepen vin te lell. Oun kolla, kay patsenn ap leste, venn dran o merepen vin lino. Doleske boudrah mer, oun lah ninna douka ap mende.

1. Timoteo 2:3

Kova kamell maro Devel, kay das men o nevo djipen.

Galatarja 1:11

Mire phrala, djinenn, o Yezouseskro drom hoy me t'mende sikrom, hi gar i menshengro koova.

Jesaja 45:21

Avenn oun sikrenn, te hi t'men čačo. Rakrenn khetne oun krenn vin, hoy kamenn te penell! Koon hi kova, kay moukas glan i rah tsiro te shounell, hoy kanna djal? Koon penas kova glan-vi? Homs me kova gar, o baro Devel? Oun dell kek vavar Devel har man. Me hom i Devel, kay o čačepen penell oun krell. Oun i Devel, kay dran o merepen vin lell, hom me kokres oun kek vavar.

Jesaja 45:15

Čačepah, tou hal i Devel, kay rikrell pes khatedo, tou o Devel pral o Israel, tou leh dran o čilačepen vin!

1. Korintarja 9:17

Te kroms me kova mandar, palle nay loms me kova playsedo. Me krau kova gar mandar. O Devel das man koy boudi.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Louka 1:47

Oun miro dji dell gole i barhtyatar pral mo Debleste. Yob hi ap miri rig.

Hosea 13:4

Me o baro Devel, hom tiro Devel, foun ko tsiro, kay anom tout dran o them Egiptia vin. Tou te prindjress kek vavar debles har man, Oun kek vavar nay lell tout dran o merepen vin har me kokres.

Jesaja 63:8

Yob penas: Čačepah, mire menshe hi le, menshe kek rhorhepah. Doleske vas lo, te lell lo len vin

Jesaja 60:16

Tou leh o bravlepen i menshendar dran vavar themma oun kouč koova lengre rayendar. Palle hayveh, te hom me, o baro Devel, kova, kay las tout vin dran o pandepen, te hom me, o Israeleskro zorelo Devel, kova, kay touke playsras.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jesaja 43:11

Me kokres hom o baro Devel, oun dell kek vavar har me, kay nay lell t'men vin dran o merepen.

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Debleskri gili 106:21

Yon bistran ko Debles, kay lengro djipen dran o merepen vin las, oun baro koova an o them Egiptia kras,

Louka 2:11

Kava dives vas t'menge an o foro Betlehem kova boldo, kay lell t'men dran o čilačepen vin. Yob hi ko baro ray, kolestar o Devel penas, te vell yob.