1. Tessalonikarja 4:6 - O Debleskro Lab 2024 (Sinte-Manouche)

⁶ Kek hounte rhorhell peskro phrales. Koon kova krella, koles dell o Devel i phagi. Yaake penam t'menge, oun dam t'men trad.

O Debleskro Drom 2021 (Sinte)

⁶ Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

1. Tessalonikarja 4:6 Referans Kwoze

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

2. Mose 20:17

Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika, či, hoy i vavares hi.

Remarja 1:18

O Debleskri rholi vell dran o bolepen tele ap kol tsele menshende, kay kamenn lestar či te djinell oun krenn o čilačepen. Oun lengro čilačepen rikrell o čačepen tele.

Gosewe laba 28:24

Koon peskro dades oun peskri dat vi-randell oun penell kova hi kek doosh, savo hi gar feteder har i čorepaskro.

2. Mose 20:15

Ma čore!

Jakobo 5:4

Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

Jakobo 2:6

Har hi kova pash t'mende? I čorvele hi t'menge či moldo. I bravele hi t'menge boudeder moldo. Oun yon hi kolla, kay rikrenn t'men tele, oun anenn čilačo koova ap t'mende oun anenn t'men glan i čačepangre.

Galatarja 5:21

Yon kamenn kova, hoy o vavares hi. Yon hi pipangre oun rhapangre. Oun boud vavar čilačo koova krenn yon. Me penom t'menge oun penau pale: Koon yaake djivella, vell gar pash o Debleste an o bolepen oun lell gar ko lačo koova, hoy o Debles peskre čavenge hi.

Remarja 13:4

O Devel das len pengri boudi, te djal touke lačes. Tou te kre čilačo koova, palle hounte daress tou lendar. Hi gar čičeske, te vell len i zoor, te denn le i phagi. O Devel das len koy boudi, te denn le kolen i phagi, kay kran i čilačo koova.

Louka 12:5

Me kamau t'men te sikrell, konestar hounte čačepah trashenn: Trashenn o Deblestar, kay les i zoor hi, te vitsrell lo yekes pal o merepen an o bengeskri yag! Ava, kova penau t'menge: Kolestar trashenn!

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Ezekiel 22:13

Me dau mire vasta khetne kol lovenge, hoy t'mer rhorhepah khetne anan, oun ko rateske kolendar, kay pash t'mende maredo van.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Markus 10:19

Tou djineh, kay o Devel penas: De kekes moulo! Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma čore! Ma pen rhorhepen pral i vavarende! Ma rande či i vavarestar! Dik ap tiro dadeste oun ap tiri date, te djal lenge mishto!”

Zefanja 3:5

Kova lauter krenn le, ninna te djivell o baro Devel mank lende. Yob krell kek čilačepen. Oun leskro čačepen ačell zoreles tardo. Yaake har hako dives o kham pre djal, yaake sikrell lo hako dives, har te djivenn le an o čačepen. Kol čilače menshe krenn pale te pale djoungelo koova, oun ladjenn gar.

Zefanja 3:1

Djungeles djal ko foreske, kay hadas pes pral o baro Debleste, ko foreske, an koleste čilačepen oun marepen hi!

Jeremia 9:4

Yon lauter rhorhenn pengre malen. Oun kek rakrell laba, hoy čačo hi. Yon penan pengre čipya, te rakrenn le rhorhepen. Pale te pale krenn le čilačepen ap i vavarende,

Jeremia 7:6

Ma rikrenn kolen tele, kay hi dran i vavar them, vitar gar kol čaven, kay len kek dad bouder hi, oun kol romyen, kay len kek rom bouder hi! Ma denn kol menshen ratles, kay kek čilačepen kran! Ma nashenn vavar deblenge palla. Yon anenn t'men an i bibarht.

Jesaja 5:7

O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

Gosewe laba 20:23

I bikepaskro, kay čivell pash yekeste sau saster ap i vaga oun pash i vavareste i vavar saster, kova krell i djoungelo koova glan o baro Debleskre yaka. I vaga, hoy i rhorheno pharepen sikrell, hi gar mishto.

Gosewe laba 20:14

“Kava hi či moldo”, penell o ginepaskro. Oun te djal lo peske, palle sharell lo les!

Gosewe laba 11:1

I vaga, hoy sikrell gar čačes, har pharo čomone hi, hi i djoungelo koova glan o baro Debleskre yaka. Yob hi barhtelo pral koleste, kay playsrell pal o čačo pharepen.

Debleskri gili 140:12

Koles i čilači čip hi, koles te vell kek barht an kava them! Oun i marepangre, te venn le tradedo i bibarhtyatar oun hounte perenn!

Debleskri gili 94:1

Baro Devel, tou hal o Devel, kay o čilačepen pale deh kolenge, kay vavaren čilačepen kran. Ab, oun sike tout!

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

5. Mose 24:7

Te vell i morsh tapedo, kay i vavar Israelitares čoras oun leha krell, har te vals lo i ginlo boudepaskro, oder yob bikras les, palle hounte vell ko čorepaskro moulo dino. T'mer hounte čivenn o čilačepen mashkral t'mende vin.

3. Mose 25:17

Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

3. Mose 25:14

Te bikreh i kotar phoub ap i vavar Israelitari, oder te gineh lestar i kotar phoub, palle dess les gar pal o kand!

3. Mose 19:13

Tou rikress gar o vavares tele oun randess les gar vin. Tou dess i boudepaskres, kay boudrell touke yek dives peskre love ap i rat, oun rikress kol love gar pral i rat pash toute.

3. Mose 19:11

Ma čorenn! Ma rakrenn rhorhepen! Ma krenn rhorheno koova yek o vavareske!

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

Micha 2:2

Kamenn le yekeskro kotar phoub, randenn le les, oun lenn penge khera vavar menshendar, har yon kamenna. Čilači zoryah djan le ap yekeste, oun lenn penge leskro kheer oun kova, hoy les peskro dadestar vas.

Gosewe laba 16:11

I vaga, hoy o čačo pharepen sikrell, vell o baro Deblestar. Yob penas, har pharo i saster hounte vell, hoy o pharepen sikrell.

Louka 16:28

Man hi panč phrala. Kolenge hounte penell yob, har mange djala, te venn yon gar koy, kay me hom, oun bare douka lom.

2. Korintarja 7:11

T'menge his ropaske pral ko koova, hoy mank t'mende djas, oun o Devel dikas lačes ap t'mende. Kanna dikenn, havo lačo koova dran kova vas: T'mer kamenn lauter mishto te krell, oun kamenn te sikrell, te hi t'men kek doosh. T'mer van rhoyedo pral koleste, kay ko koova kras. Oun t'men his daar miri rholyatar. O tselo djiyestar kaman t'mer kova te krell, hoy mishto hi an mire yaka. Doleske dan t'mer koles i phagi, kay doosh ap leste his. Yaake sikran, kay his t'men kek doosh pral ko koova.

1. Tessalonikarja 2:11

T'mer djinenna, mer rakram t'mentsa har i dad peskre čaventsa. Hakenes t'mendar rakram an o dji lače oun zorele labentsa, te djivenn t'mer yaake, te vell o Devel sharedo. Yob das t'men gole, te djivenn pash leste an o bolepen oun lenn leskro raylepen.

Hebrearja 2:6

Kova penas lo ap i menshende. An o Debleskro lab hi činlo: Hoske bistral tou gar o menshes? Hoske deh tou ap leste garda?