1. Tessalonikarja 4:15 - O Debleskro Lab 2024 (Sinte-Manouche)

¹⁵ Mer penah t'menge, hoy o ray Yezous menge penas. Mer, kay ham gomme djido ap ko dives, kay vell o Yezous pale, vah gar sikeder pash leste har kolla, kay meran.

O Debleskro Drom 2021 (Sinte)

¹⁵ Mer penah tumenge, hoi o rai Jesus menge penas. Mer, kai ham gomme djido ap ko diwes, kai well o Jesus pale, wah gar sikeder pash leste har kolla, kai meran.

1. Tessalonikarja 4:15 Referans Kwoze

2. Korintarja 4:14

Mer djinah, kova, kay kras o Yezouses, maro rayes, i moulendar djido, kova krell men ninna i moulendar djido. Oun yob anell men khetne t'mentsa glan peste.

1. Tessalonikarja 2:19

Mer ham barhtelo pral t'mende. Oun mer dikah ap ko dives, kay vell maro ray Yezous pale. Palle nay sharah men t'mentsa.

Debleskri gili 88:13

Djinenn le kote, kay kali rat hi, havo baro koova tou kral an tiri zoor? Hayvenn le tiro čačepen kote an ko them, kay lauter bistedo hi?

Mateo 17:25

Oun o Petro djas an o kheer dren, te penell lo kova o Yezouseske. Har o Yezous dikas, te vell o Petro pash leste, poučas lo lestar: “Petro, koon hounte dell kol love i bare rayende ap kay phoub? Hounte denn lengre menshe lende kol love? Hounte denn i vi-themarya lende kol love?”

1. Rajengro liil 20:35

Koy his Debleskre rakepangre, kay ap yek platsa khetne djivan. Oun yek lendar penas ap i vavareste: “O baro Devel penas mange, te dess tou man.” Ko vavar kamas kova gar te krell.

1. Rajengro liil 13:1

Koy vas i Debleskro morsh dran Youda, koles bičras o baro Devel an Betel. Yob vas koy, har his o Yerobeam pash koy rhačepaskri tardo oun rhačras soungepaskro koova.

Hiob 41:11

Dran leskro mouy vell yag, ava, yagakre kotya denn vin karye.

1. Rajengro liil 22:14

O Mika penas: “Pash o djido Debleste dau me man sovel: Me rakrau kokres kol laba, hoy o baro Devel mange penell!”

1. Rajengro liil 13:22

Tou djal pale pale oun rhal maro oun piyal pani kote, kay me touke penom: Ma rha maro oun ma pi pani! Doleske veh tou gar paskedo pash tire phourende.”

1. Rajengro liil 13:9

O baro Devel penas mange: Ma rha maro oun ma pi pani, oun ma naash ap ko drom pale pale, kay tou val!”

1. Korintarja 15:18

Te stas o Yezous Kristo gar i moulendar pre, palle hi kolla nashedo, kay ap o Yezous Kristeste patsan oun meran.

2. Korintarja 12:1

T'mer kamenn, te sharap man, ninna te molell kova či. Yaake kamau te rakrap pral o bolepaskro koova, hoy o Yezous Kristo i menshes moukell te dikell.

Galatarja 1:12

Me shounom kova gar i menshendar. I mensho sikras les mande vitar gar. O Yezous Kristo kokres sikras les mande.

1. Tessalonikarja 4:13

Mire phrala, mer kamah, te djinenn t'mer, hoy hi kol patslentsa, kay meran, te vell t'menge gar ropaske har kolenge, kay prindjrenn o Debles gar oun djinenn gar, hoy pal o merepen vella.

1. Tessalonikarja 5:10

Kova meras menge, te djivas leha khetne, mer, kay gomme djido ham, oun ninna kolla, kay meran.

2. Tessalonikarja 2:1

Mire phrala, kanna kamah te penas t'menge pral ko tsiro, kay vell maro ray, o Yezous Kristo, pale, te lell lo men pash peste.