1. Tessalonikarja 2:8 - O Debleskro Lab 2024 (Sinte-Manouche)

⁸ T'mer hans an mare djia, oun doleske sikram t'mende gar kokres o Debleskro drom, na-a, mer djivam ninna t'mentsa khetne; yaake baro his maro kamlepen t'menge.

O Debleskro Drom 2021 (Sinte)

⁸ Tumer hans an mare djia, un doleske sikram tumende gar kokres o Debleskro drom, na-a, mer djiwam ninna tumentsa khetne; jaake baro his maro kamlepen tumenge.

1. Tessalonikarja 2:8 Referans Kwoze

1. Johanni 3:16

O Yezous sikras mende, har o Debleskro kamlepen hi. Yob moukas peskro djipen menge. Yaake moukas mer ninna maro djipen i patslenge.

2. Korintarja 12:15

T'menge doms me lauter, hoy man hi, ninna miro djipen. Miro dji hi baro t'menge. Hi t'men doleske kek kamlepen mange?

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

Filiparja 4:1

Mire kamle phrala, me kamau o tselo djiyestar pash t'mende te vell. T'mer han miri barht oun miro raylepen. Doleske ačenn zoreles pash maro rayeste, o Yezouseste!

Galatarja 4:19

Mire phrala! Me kamau t'men o djiyestar, har te vans mire čave. Yaake har i djouvyat douka hi, te lell li i ternepen, yaake hi man pale douka t'menge, bis te vell o Yezous Kristo diklo an t'mende.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Filemon 1:1

Me, o Paulo, kay stildo hom o Yezous Kristeske, oun maro phraal, o Timoteo, mer činah kava liil ap toute, Filemon! Tou hal maro kamlo phraal oun kreh mentsa khetne o Debleskri boudi.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Kolossarja 1:7

Kava lab penas t'menge maro kamlo phraal, o Epafras. Kova boudrella o Yezous Kristeske har mer. Yob krell peskri boudi mishto pash t'mende.

Filiparja 2:20

Man hi kek vavar har yob, koles savo baro dji hi t'menge, oun yob kamell, te djal t'menge mishto.

Remarja 15:29

Oun me djinau, te vau pash t'mende, anau t'menge i tseli barht, hoy vella o Yezous Kristestar.

Remarja 10:1

Mire phrala, miro tselo djiyeha kamoms, te venn i bibolde dran o Debleskri rholi vin. Oun kova mangau o Deblestar zoreles.

Filiparja 1:8

O Devel djinella: Miro dji hi pash t'mende. O Yezous Kristo das man i baro kamlepen t'menge.

Louka 7:2

An ko foro djivas i pralstouno lourdo. Les his i boudepaskro, kay ap o merepen čiddo hi. Kova his leske boud moldo.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.