1. Tessalonikarja 2:6 - O Debleskro Lab 2024 (Sinte-Manouche)

⁶ Mer rodam gar o sharepen i menshendar, gar t'mendar, vitar gar i vavarendar.

O Debleskro Drom 2021 (Sinte)

⁶ Mer rodam gar o sharepen i menshendar, gar tumendar, witar gar i wawarendar.

1. Tessalonikarja 2:6 Referans Kwoze

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

Johanni 5:44

Har nay patsenn t'mer mange? T'mer rodenna, te vell yek i vavarestar sharedo. Te venn t'mer o Deblestar sharedo, kova hi t'menge či moldo.

Johanni 5:41

Hi mange či moldo, te vap sharedo i menshendar.

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.

Galatarja 5:26

Mer rodas gar pal kova, te vas bareder oun feteder har kol vavar. Mer čingras gar oun dikas gar čilače yakentsa ap kova, hoy ko vavares hi!

2. Korintarja 13:10

Kava činau me t'menge kanna, kay hom dour krik t'mendar. Te vau pash t'mende, kamau gar te čingrell t'mentsa i zoryah, hoy das man maro ray Yezous. Kay zoor das lo man, te krap t'men zoreles, gar te krap t'men paash.

2. Korintarja 4:5

Lestar rakrah mer, oun gar mendar. Mer penah i menshenge, o Yezous Kristo hi o ray. Oun mer ham leskre boudepangre oun boudrah t'menge.

1. Korintarja 11:9

O Devel kras o morshes gar i djouvyake. Na-a! Yob kras i djouvyat o morsheske.

Johanni 12:43

Lenge his boudeder moldo, te venn yon sharedo i menshendar har o Deblestar.

Johanni 7:18

Koon pral peste mishto rakrella, kova kamella, te vell yob sharedo. Koon kamella, te vell kova sharedo, kay bičras les, kova hi čačo. Oun an leste hi kek čilačepen.

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

Gosewe laba 25:27

Boud gvin hi gar mishto. Yaake hi ninna, te shareh tou i vavares boud shoukar labentsa.

Ester 5:11

Glan lende phourdas pes o Haman pre oun penas lenge, har baro leskro bravlepen hi, oun kitse morsh čave les hi, oun har hadas les o baro ray oun čivas les pral i tsele pralstunende oun pral i tsele rayeskre boudepangre.

Ester 1:4

Kava baro festo djas 180 (yek-sheel-te-orhta-deesh) divessa. Oun an ko tsiro sikras lo len peskro baro bravlepen oun ko tselo kouč koova, pral kova yob halauter o ray hi.

Galatarja 6:13

Yon ninna, kay moukan pen ap o mass te činell, krenn gar lauter, hoy o Moseskre laba penenna. Doleske kamenn le, te moukenn t'men ap o mass te činell, yaake te sharenn yon pen glan i menshende.