1. Tessalonikarja 2:15 - O Debleskro Lab 2024 (Sinte-Manouche)

¹⁵ I bibolde maran o Yezous Kristes. Glan leste maran le o Debleskre rakepangren. Men lan le ninna palla. Yon rhoyrenn o Debles. Oun ap i tsele menshende hi yon čilačo.

O Debleskro Drom 2021 (Sinte)

¹⁵ I bibolde maran o Jesus Kristes. Glan leste maran le o Debleskre rakepangren. Men lan le ninna palla. Jon choirenn o Debles. Un ap i tsele menshende hi jon tchilatcho.

1. Tessalonikarja 2:15 Referans Kwoze

Mateo 5:12

Givenn oun denn gole i barhtyatar ap ko dives! O Devel dell t'men i baro bravlepen an o bolepen. Yaake har yon t'men palla lenna, yaake lan le o Debleskre rakepangren an o phouro tsiro ninna palla.

Bičepangre 7:52

Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Bičepangre 3:15

Ko rayes, kay o djipen della, maran t'mer. Koles moukas o Devel i moulendar pre te stell. Kova djinah mer, mer dikam les.

Louka 24:20

Mare bare rashaya oun pralstoune rakran i phagi pral leste vin, te vell lo ap o troushel dino. Oun yon dan les ap o troushel.

Mateo 27:25

Oun kol tsele menshe penan: “Koy doosh vell ap mende oun ap mare čavende!”

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Ester 3:8

Koy pal penas o Haman ap o baro rayeste Ahasveros: “Kate denna menshe, kay djivenn penge kokres mank i tsele vavar menshende kate te kote an tire tsele themma. Oun len hi i vavar čačepen har i tsele vavar menshen. Oun ap kova, hoy tou, baro ray, peneh, te vell kerdo, shounenn le gar. Kova hi gar mishto touke, te moukess len yaake doureder te krell.

1. Korintarja 10:5

Ninna te his yaake, nay dikas o Devel gar lačes ap boud lendar. Oun yon meran an o moulo them.

Bičepangre 12:3

Har o Herodes hayvas, kay kova mishto his an i biboldengre yaka, moukas yob ninna o Petres te taprell. Kova his an ko tsiro, kay rhan i bibolde kek shoutlo maro.

Bičepangre 5:30

Ko Devel mare phourendar moukas o Yezouses i moulendar pre te stell, koles, kay t'mer ap o troushel dan oun maran.

Amos 7:12

Oun o Amazya penas ap o Amos: “Tou dikepaskro, dja touke, oun naash an o them Youda! Kote nay rakreh an o Debleskro lab, oun yon denn tout tiro maro.

Bičepangre 4:10

Yaake hounte djinenn t'mer oun i tsele menshe an o them Israel: O Yezous Kristo dran Nazaret, koles t'mer ap o troushel dan, kras kava morshes sasto. Kava Yezouses moukas o Devel i moulendar pre te stell.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

2. Korintarja 11:26

Ap miro drom an boud vavar forya oun themma his boud kope o merepen glan mire yaka. Me nay tassoms an i divye panya, oun kol čorepangre nay dans man moulo. Oun i bibolde, oun ninna kolla, kay kek bibolde hi, kolla lan man palla. An o moulo them oun an o baro pani, kay homs, his o merepen glan mire yaka, oun ninna, har homs mank kol phralende, kay hi kek čače phrala.

Debleskri gili 109:20

Kova vell i phagi o baro Deblestar kolenge, kay doosh ap mande pre anenn oun čilačo koova pral mande rakrenn.